රන්මැණිකා බ්‍රෝක් වීමෙන් පඳුරු අඟනන්ගේ ලොකු සීන් බැලීමට සිදුවීම හෙවත් ඩෝන්ට් ගිමී ලුක්ස් ඕකේ..!!

සුදු වස්තුව....!
රෝස කැකුල, කිරි බින්දුව, පැණි මුට්ටිය

මේ සතීගේ බිළිඳිය වෙනුවෙන් ලියවෙනා සලාද පෝස්ටුව දෙක. මතකනේ ගිෆ්ට් ගැනීම අවුට් සෝර්ස් කරලා ලේකමී රවපු රැවිල්ල. ඒ වැඩේ මුලින් ම භාර ගත්තේ ඇවාගේ ගරු කටයුතු නැඟණිය වන රන්මැණිකා මැතිනිය. රන් මැණිකා සොපින් කරලා සබ්බ සකලමනාව ම හින්දගන්න නිසා අදාළ තෑග්ග තෝරාගන්න බැරි වෙනවා. පස්සේ තමා ලේකම් මිටිය වැඩේ ට එන්ටර් වෙන්නෙ. මේ චීත්ත දෙක ම පොදුවේ තමාට කෙළවන බව දැනගෙනත් ඇවරිතුමා පෙටිකෝට් ආණ්ඩුවට ම වැඩේ බාර දුන්නේ එච්චරට ම වැඩ රාජකාරි අධික වූ නිසා. නැතනම් මෙහෙම වැඩ ස්ව හස්තයෙන් උපයා සකසා සිදු කිරීමට ඇවරිතුමා බොහෝ කැමතියි.

අදු සරියා..? එන්න? අන්ද පොන්නුක්කු ගිෆ්ට් මා? ඕ සරි. එන්ග පෑරුන්ගෝවෙන්. ප්ලීස් Can you do some work for a change please? සාමන්‍යෙයන් ලේකම්වතීට කේන්ති යන්නේ වැඩ බාගෙට කළා ම. කොච්චරවත් ඇවරිතුමාට ඈ කියන්නේ දුටුගැමුණු කුමාරයා යුද්ධ කළා වගේ අතනින් බාගයයි, මෙතනින් බාගයයි කරන්න එපා කියලයි. නමුත්මේ  අවස්ථාවෙ උන්දැට පුෂ්ප රංජනයක් සිදු කරන්න තරම් වැලීඩ් රීසන් එකක් තිබ්බෙ නැති බව කම්පනා කළ ඇවරිතුමා හොඳවයින් දෙක තුනක් කොටන්න හිතාගෙන ටැබාව අතට ගත්තා.

නී පාර්ක.. ඒමද පුංචි නෝනා හා බලමුකෝ.You lekamee scoundrel witch ටයිප් කළාට පස්සෙ තමා සැර වැඩි බව තේරුණේ. බෑග් එකෙන් පුංචි පෙට්ටියක් ගත්තු ඈ මේසය උඩින් තියලා ආපහු හැරුණා. තෑන්ක්ස්. Just open it and see. No need I know it should be perfect earrings. කණක්ක එව්වළව්? බිල් තැරලාමා..? හික්ස් නෝන්ඩි හිනාවක් දාපු ලේකමී හැරිලා ගියා. එතකොට ඇවරියාණෝ සප්ලයර් පේමන්ට් වගයක් ෆයිනලයිස් කරමින් හිටියේ. පස්සේ ම ඇරලා බලනවා කියලා හිතාගෙන වැඩේ කරගෙන ගියා. බිලත් වට්ස්ඇප් කළා. ඇවරි පෙට්ටිය ඇරලා බැලුවාම පුංචි පෙන්ඩන්ට් එකක්. වයි දිස් කොළවරි ඩී? ඉෂ් හිනාවෙනවා.

වැඩත් එක්ක මට ආපහු ඈට කතා කරන්න ලැබුණෙ එන ගමන්. මොකද පෙන්ඩන්ට් එකක්? අයියෝ ඔයාගෙ යාළුව කෙල්ල නේ. බබා තාම පුංචි නේ. බබා ලොකු වෙනකම් මේක අම්මට දාන්නත් පුළුවන් නේ. ඒකයි ගත්තේ. එයා කැමති වෙයි. ඒක ලස්සනයි. ෂා වාහ් ක්‍යා කමාල් හේ ඉෂ්. නී සූපර් ඩා..! එන්න වණුම්? ඔන්ඩුම් ඉල්ලයි. එහෙම කිව්වට ඇගේ පැණි වළලු පංගුව ඇවරිතුමා කලින් ම වෙන් කළා තම පුද්ගලික කාර්ය මණ්ඩලය වෙනුවෙන්.  

ලෙක්චර්ස් අහවර වෙලා සත් බලන්න යන ගමන කැන්සල් වෙන්නේ අයහපත් කාලගුණය නිසා. ඊළඟ සෙනසුරාවේ පැය පහක් දේශන පවත්වන්න වුන නිසා ඇවරිට රෑ වෙනවා. ඊළඟ සතියේ බදාදා හදිසියෙන් ම සත් කතා කරනවා. මං රත්මලානෙ දැන් ඉන්නේ. ඔයා බලන්න ගල්කිස්සට එන්න ද? අනිද්දා අපි යනවා. ආවට කමක් නෑ සුදා, ඔයාට රෙඩි කරපු කිසිම දෙයක් මා ළඟ නෑ. මං හෙට උදේ ම ගෙදරට එන්නම්.

වහාම පහුවදා උදේ සියලු ම කටයුතු එහෙ මෙහේ කරලා පුළුවන් ඒවා ඉෂ්ට දාලා ඇවරිතුමා දංකොටුවේ ලක්ෂාන් මහතාගේ පාරම්පරික නිවෙස්නය වෙත පියමනින්න කටයුතු සංවිධානය කළා. දංකොටුව කිව්ව ම දැන් නම් ගෙදර වගේ ම තමා මොකද ලෙක්වැර්ස් ඉවර වෙන වෙලාවට කුලියාපිටියෙන් කොළඹ බස් නැති නිසා මීගමු බස් එන්නේ දංකොටුවට විතරයි. එතනින් තෝප්පුවට කුරුණෑගල ඉඳන් එන බස්වල යන්න ඕන. සෙනසුරාදා ආපහු ගෙදර එන ඒ ගමන පැය පහක විතර අති දුෂ්කර එකක්. අපේ ලකීබෝයි ඉන්න සදාසරණ මාවත ඇවරිතුමා බොහොම පහසුවෙන් සොයා ගත්තා. එහි යද්දි දෝණියැන්දෑ නම් දොයියගෙන හිටියේ. සත් ආපු ගමන් කතාවට වැටුණා. ලකී මැතිතුමාත් ඇවරිතුමා සාදර බහුමානයෙන් පිළිගත්තා. සත් නම් ටිකක් අලි වෙලා තිබුණා.

ලේකමී සිලෙක්ෂන්.. ලොල්

අපි ලක්ෂාන් මහතා සමඟ දීර්ඝ සාකාච්ඡාවකත් නිතර වුනා. එතුමාත් කලින් ටුවරිසම් ෆීල්ඩ් එකේ හිටි නිසා එදාමෙදාතුර බොහෝ දේ තිබුණා කතා කරන්න. ප්‍රින්සස් ලිනාරි තමා සෝයි. මාස පහේ දූ සිඟිත්ත ඇවරිතුමාගේ අතේ සෑහෙන්න වෙලාවක් හිටියා. ඇවරිතුමා එළියට එක්ක ගිහින් බෘම් පෙන්නනයි ගොඩක් සෙල්ලම් කළා. කෙලි පොඩ්ඩට ගාණක්වත් නෑ. කොච්චරවත් අතේ හිටියා. අම්මා තේ හදාගෙන එනකම්. පස්සේ දැඟලිල්ල වැඩි වෙලා ඇවරිතුමාගේ කමිසෙ කිරිත් හලලා ඒ සංකොටේ පිස්සුවක් නැටුව ඕන්. දෝණි ලක්ෂාන් වගේමයි. හැබැයි හිනාවයි නහයයි සත්වගේ. පහුවදා තමා ඇගේ කොණ්ඩෙ කපන්න යොදාගෙන තිබුණෙ. ඒ වෙද්දි නම් සැලකියයුතු කොණ්ඩයක් තිබ්බා. ඇගේ ආදර සීයා තමා මංගල කේශ කල්‍යාණි ජේදනය සඳහා ආරාධනා ලැබ තිබුණෙ. 

සත් පැණිවලලුවල ක්‍රිස්පි ගතියට කැමති වුනා. ඇත්තට ම කිව්වොත් කලින් දා සත් කී නිසා අපිට පැය කිහිපයයි ඒ සියල්ල කරගන්න තිබුණෙ. උඳු පිටි පිපෙන්න වෙලාව මදි වුන නිසා මෙලෙක අඩු වුනා. ආගිය කතා කියවලා ඇවරිතුමා එන්න පිටත් වෙනකම් ම දූ සිඟිත්ත දත් කැකුළු පාමින් හිනැහුනා. සත් අයෙෂ්ට පාර්සලයක් බාර දීමේ කුරියර් සේවාවක් ඇවරිතුමා ලවා කරවා ගැනීම නිසා ඊළඟ සති අන්තයේ අයේෂානිව බලන්න යන්න ඇවරිතුමා යොදා ගත්තා.

ලකීබෝයිගේ මලණුවන් තමා ඇවරිතුමාව දංකොටුව ටවුමට ඇරලුවේ. හිතුවට වඩා කලින් ම කොළඹට ආපු ඇවරිතුමාගේ සත්‍යාංගි ළමා කොලම නිමා වෙන්නේ ඕන් ඔය හැටියට. යන්න කලින් අල්ලාගන්න ලැබීම ගැන නම් ඇවරිතුමා ගොඩක් සතුටු වුනා. නැත්නම් ආයෙත් ලබන අවුරුද්දේ තමා බැහැදැකුම් කරන්න වෙන්නේ.

අයේෂාවන්ගේ චිකන් ඉස්ටුව හෙවත් ඇවරියාර් කුරියර් වීම...

ඔෂේන් මින්දිව්  කුල කුමරුවාණන්, අයේෂාවන් සහ කරුණා නිධාන වූ නිමන්ත මැතිඳාණන්...

අර කිව්වත් වගේ අයේෂාවන්ගේ සහ අපේ නිමන්තත ඇල්විටිගල මැතිඳාණන්ගේ කුළුදුල් පුත්‍ර රත්නය ඔෂේන් මින්දිව් කුල කුමරුවන් බැහැදැකුම් කරන්න ආසන්න ම සිද්ධිය වුනේ සතීගෙන් ලද පාර්සලය. ඇවරියණෝ කුරියරින් සේවාව වෙනුවෙන් ඒ කටයුත්ත සිද්ධ කරන්න නියම වුනාට ඒ ගමන බොහෝ කාලෙකට පෙර ඉඳන් යෝජනා වුන එකක්. ඇවරිතුමාගේ අතිජාත මිත්‍ර ප්‍රතිරූපක තෙමේ හෙවත් අපේ සුගිතාභිනන්දන අම්බලන්ගොඩයා ඇවරිගේ අයිඩියාවට කළුගල් පෙරළිම නිසා අවස්ථා කිහිපයකදී ම ඒ ගමන මඟ හැරෙනවා. අන්තිමේ දී තනිව හෝ යම්හයි සිතාගෙන ඉද්දි තමා මේ කුරියර් රස්සාව සෙට් වුනේ.

ඉරිදට සී සයිඩ් එකේ සයික්ලින් පාරක් දාන්න හිතාගෙන හිටියාට ඉරිමා උදය කියන්නේ රාජකාරී බහුල දවසක්. ඇවරි දහම්පාසල් යන්න කාලය තාමත් වෙන් කරලා තියෙන්නේ ඉරිදා කියන්නේ පබ්ලික් ඩේ එක නිසා. එදාට තමා අපි ගොඩක් හිනා වෙන්නේ. පොඩ්ඩොත් එක්ක කාලය ගත කරන්න, ඇවරිතුමා කොච්චර තණ්හාසයි කිව්වොත් පැයක් පරක්කුවෙලා හරි එහි යනවා. ගිහින් අපේ ධර්මාචාර්ය දේශන වාරයන් කරනවා. ඇවරිතුමා බොහොම කැමතියි පන්තියේ ළමයින්ට ඇහුම්කන් දෙන්න. එයාලා අපූරු කතා කියනවා. මේ කියන දවසේ නම් භක්ති ගීත ප්‍රසංගය සඳහා අවශ්‍ය සූදානම් වීම් වෙසක් සීල සමාදානය ආදී ඉවෙන්ට්ස් කිහිපයක් ගැනත් කතා කරගන්න තිබුණා. ඒ ඔක්කොමත් හරි කළුගුණේගේ දඟවැඩ තාමා ඉවසන්න අමාරු. ඔව් අනේ මේ වහිනවා. මේ පායනවා නේ.

ඇවරිතුමා වෙනුවෙන් විශේෂ දහවල් කෑමක් අයේෂ් මැතිනිය හදලා තිබුණා. එකොළහට විතර කෝල් කරපු එතුමිය අයහපත් කාලගුණය නිසා වෙන දවසක එන හැටියට ඉල්ලීමක් කළත් වෙන දවස් කියන්නේ නොඑන දවස් නිසා ඇවරිතුමා තරයේ ම ඒ ආරාධනාව ප්‍රතික්ෂේප කළා. අපි එනව කිව්වොත් මැඩම් අනිවා එනවා. වෙලාව තමා කියන්න බැරි. මොක ද මම තාම පන්සලේ. කොහොම වුනත් නොකා එනවා. මං කෑම හැදුවේ. අනිවා කඩෙන් කන්න වෙන බව දැන දැන ම ඇවරිතුමා හා කිව්වේ ඇගේ ශ්‍රද්ධා බුද්ධි සම්පන්න දානමය පුන්‍ය ක්‍රියාව වචනයකින්වත් ඉඳුල් නොකටයුතු නිසා.

කඩවතට ගිය ඇවරිතුමා මහරගමක නැඟලා කොට්ටාවට වෙනකම් සුවසේ නිදා ගන්නවා. පැය බගෙ ගමන වගේ ද යාළු නිදි දෙව්දුව වැළඳගන්න එද්දි එපා කියන්නේ මොකා ද? දැන් නැඟිට්ටා ම ඩිරෙක්ෂන්ස් ඔක්කොම අමතකයි කියන්කෝ. අයෙෂ්ට කෝල් කළත් නෝ ආන්සර්. ගෙදර අය පාර දන්න නිසා ඇගේ පස්යාලෙ නිවස අමතන ඇවරිතුමා අයේෂ්ගේ අම්මාගෙන් පාර අහගන්නවා. ඒත් ඇන්ටිටත් ගේ හරියට ම මතක තිබුණෙ නෑ. කාරි නෑ ඉතිරිය පයින් ම යනවා කියලා හිතාගෙන ටුක් එක රිලීස් කරද්දි ම මේන් අයෙෂ් මිදුලක ඉන්නවා. ඇගේ පළමු ප්‍රශ්නය තමා ක්ලැසික් ම.

කෝමද දන්නේ ගේ මේක කියල. ඔයා කලින් ඇවිත් නෑනේ. 

හඩ්ඩන් කෙල්ලං - සුගන්ධ ධූපං, උඩ්ඩං හුළඟං ගසා වහන්තෝ... 

හඩු කෙල්ලන්ගේ ගඳ උඩු ගුවනේ ද පැතිරේ. දැන් සනීපද? අනේ යනවා යන්න. අම්මා මේ තමා නලීන්. ඇය ඇල්විටිගල මහත්මියට ඇවරිතුමාව හඳුන්වා දුන්නා. ආහ් මට මතකයි. එදා වෙඩින් එක දවසේ කතා කළේ. පුතා හොඳට කතා කරනවානේ. හරියට එෆ්.එම් එකක වගේ. ඔව් අම්මා ඒ රස්සාව විතරයි තාම නොකළේ. කතාවෙන් කතාවෙන් ඉතාමත් උණුසුම්ව ඇවරිතුමාව පිළිගත් ඕ තොමෝ එහෙමම කතාවට සෙට් වුනා.

අපේ අයේසාවන්ගේ ගරු කටයුතු නන්දම්මිය පේරාදෙණි විශ්ව විද්‍යාලයේ උපාධිධාරිනියක්.  අර භීෂණ කාලෙ කැම්පස් ගියපු සෙට් එකේ බර කකුලක් ආයිබෝන්. ඒ කාලෙ ගැන ගොඩක් ඇවරිතුමා තමුන්ගේ මාමාතුමාගෙන් අසා දැනගෙන තිබුණා. ඒ දවස් ගැන කියමින් පුතා නළවමින් අම්මා ගොඩක් කතාන්දර කිව්වා. ප්‍රසිද්ධ බැචාලා ගැන රසවත් යාන්ස් ඇවරිතුමා ඉතා සතුටින් අහගෙන හිටියේ සේරම අම්මා උයා පිහා තිබ්බත් අයේෂ්ට පපඩම් ටික බැදලා කෑම මේසේට යවන්න අවම වසයෙන් තව පැයක්වත් යන බව අත්දැකීමෙන් දන්නා නිසා. සුදා ගින්දරේ සෝපාකලා...!!

යන්තම් බැඳපු නිසා පපඩම් බදින්නවත් ඉගෙන ගත්තා නෙව කියාගෙන ඇවරිතුමා කෑම මේසෙට වාඩි වුනා. අවංකෙට ම අම්මා හදපු නිසා ෆ්‍රයිඩ් රයිස් එක රසට තිබුණා. අයෙෂ්ගේ චිකන් මූස් එක ආ නෑ නෑ චිකන් ඉස්ටුව. සෑහෙන්න අලංකාර භෝනයක් වගේ පෙනුනා. (කෑව ම ටිකක් අවුල් ඉතිං.. සුපුරුදු පරිදි) නෑ නෑ සිරා ව්‍යාංජනේ කුරුඳු හේමත් පදමට දාලා දහලා තිබුණ නොවැ. කෑමෙන් පස්සේ බරසාර පුඩිමකුත් වැඩැම්මුවා. ඇවරිතුමා කෝපි ඕඩර් කළේ ඒකත් කන්න කලින්. අයෙෂ්ට කෝපි හදන්න පුළුවන් බව නම් ඇවරිතුමා හොඳින් ම දැන්ගෙන හිටියා. 

හොරි කහපිය - ගණන් බලාපිය වගේ
තෑගි තෝරන්න දීලා තව ලොකු සීන් බලන්නත් බැරි නිසා
මේපාර වෙනත් උපාසිකාවකට වැඩේ භාර කළා.  මේ ඇගේ චොයිස් එක..!  

කෑම කාලා ඉවර වෙද්දි වගේ අපේ නිමන්ත ජී ආවා. කවදාවත් පුතේ බිස්නස්කරන මිනිස්සුන්ව බඳින්න එපා. මේ පේන්නෙ නැද්ද. නිදහසක් ඇත්තේ ම නෑ. අම්මා කිව්වෙ නිමාගේ නිමා නොවන වැඩ රාජකාරී ගැන මතක් කරලා. ඒ යෝජනාව ඒ සැණින් අයේෂාවෝ ඉස්තිර කළා. එතුමියටත් කොටුව කපා ගන්න ලැබුණොත් ඒ ඇති ඉටිම්. ආගිය කතා වලට අමතරව කන්තෝරු කතාත් රැසක් එළියට ආව. නිමාතුමා හේමාස් ලෙෂර්හි හිටපු නියෝජ්‍ය ගණකාධිකාරීතුමා. එතුමාගෙන් ඇවරිතුමාට ඉගෙනගන්න සෑහෙන්න දේවල් තිබුණ. අපි එහෙම ලොකු ලොකු ප්‍රශ්නත් කතාබහ කළා. 

ඇවරිතුමාට මේ නිල සංචාරය කුරියර් කොන්ත්‍රාත්තුවක් නිසා ම සිද්ධ කරන්න වුනාට මොකෝ, එතුමා චාලිත්තරේ හැටියට අයේෂාවන්ට පැණිවළලුත් මින්දිව් කුමරුන්ට පංචායුදේකුත් අරන් ගියා. තව පුංචි කාර්ඩ් එකක් ලියවලා දුන්නා. කුමාරයා ලොකු මිනිහෙක් වුන දවසකට මතක හිටින්න. අනිවා අයේෂාවෝ කෙසේ වෙතත් ඒ සියලු ප්‍රසාද් තෝෆාවන් නිමතුමා බොහොම ප්‍රවේශම් කරන බව ඇවරි දන්නවා. ඇවරි බොහෝ සතුටු වුන තවත් බිළිඳු දැකුමක් නිමා වුනේ අන්න ඒ විදියට...!

කාගෙත් ආදරේ දිනාගත් ඔෂේන් මින්දිව් කුල කුමරුවන්ට සතුටින් වැඩෙමින් ඉක්මණට ලොක්කෙක් වෙන්න ආසිරි පතමින් ඇවරි කස්ටඩ් කෑ විසිටින් අයෙෂාවෝ සලාදය මෙතෙකින් නිමා කරනවා....!!

ලිනාරි රප්හේලා දැකුම් පොජ්ජ මන්දු කිරීම හෙවත් කෙල්ලන්ගේ කන් විදින විට ඇවරිගේ නාහෙ විදීම...

ඇවරිතුමාගේ අතිජාත මිත්‍රයන් කොයි තරම් දුරින් හිටියත් ඇවරිතුමා අමතක කරන්නේ නෑ. ඇවරිතුමාට දීර්ඝ කාලීන මිත්‍රයන් නෑ. මොකද කිසිම කෙනෙක් ඇවරිව එච්චර කාලයක් ඉවසන්නේ නෑ. එහෙම ලෝන්ග් ඩෙස්ටිනේෂන් ෆ්‍රෙන්ඩ්ෂිප්ස්, ඇවරිතුමා තියාගන්නේ නැහැ. මොක ද ඒක ටිකක් අපේ ප්‍රොපගැන්ඩාවට කරදරයි. ඒක නිසා මගින් කවුරු හරි දාගත්තත් ඊළඟ හෝල්ට් එකෙන් බස්සලා අපේ ගමන අපේ පාඩුවේ යන්න තමා ඇවරි කැමති. එහෙම අපි කාත් එක්කවත් මිත්‍ර නොවුනාට කා එක්කවත් තරහා නෑ. අපි වතුර වගේ බ්‍රෑන්ඩ් එකක්. අනිත් හැමෝගෙ ම උස් මිටිකම් ඉවසන, කිසි දවසක ඒවාට වචනයකින් වත් අගලු නොතියන, හාම්, හූම් එහෙම ද විතරක් ම අහන චරිතයක් ඇවරි. එතකොට චීත්ත ඇවරියා කියන්නේ ඇයි දන්නෑ. යකෝ වනිතා කටයුතු මගේ අමාත්‍යාංශය. ඉතිං චීත්ත තමා.

අනික් අතින් අපි බොහෝ බරක් ඇති සන්නාමයන්. අනෙකාට දැනෙන්න ජීවත්වෙමින් අනෙකාව ජීවත් කරවීම අපේ කලාව. හැබැයි ඇවරිගේ බොක්කේ ම යාළුවො කියන්නෙ ඇවරිතුමාගේ පවුලේ කොටසක්. පවුලෙ අනික් හතර දෙනා ම එයාලා ගැන දන්නවා, ඒක නිසා ඒ අය ගැනත් ඇවරිතුමා කොච්චර බිසී වුනත් වැඩිපුර සැලකිල්ලක් දෙනවා. රහත්නි සත්‍යාංගි එහෙම චරිතයක්. ඇවරිතුමාගෙ සරසවි මිතුරියක වූ ඇගේ වෙඩිමටත් ඇවරිතුමා ගියා. එක්සත් අරාබියේ සෙට්ල් වෙලා දැන් ඩබල් ඩෙකර් වෙලා, සත් ගුණවත් මවක වූ ඕ තොමෝ පහුගිය දවස්වල ලංකාවට ආව.

“හෙලෝ ඇපෙක්ස් හනිමුන් සේවාව? අපිට හනිමුන් එකට හෝටලයක් බුක් කරන්න පුළුවන් ද? අනිවා මැඩම් ඩබල් රෑම් විත් බේබි කොට් නේද? ඔව් ඔව් හැබැයි දැන් නම් ඒක ටුවින් කරලා ටූ සෙපරේට් බෙඩ්ස් දැම්මත් කමක් නෑ. සිරාවට ඉබ්බි. කියපන් ඉතිං... කොහෙද උඹ ගොඩබාපු වෙලේ ඉඳන් ම ඇවිදිනවනේ බන්. අල්ලන්න අමාරුයි නේ. ඔයාට කියන්න, පොඩි එකීට රෝද හයි කරලා වගේ අනේ, අපිත් එක්ක නුවර, කුරුණෑගල හැමතැනම ගියා. අපි අයෙෂ්වත් බලන්න ගියානේ.

කුමාරයා දැන් එන්නෙ නැද්ද මාව බලන්න...? උඹේ මොනවා බලන්න ද බන් දැන් ගජමන් නෝනා වගේ තබ්බදෝරුවක් නෙව. ඔන්න කෙලී බලන්න නම් එන්න ඕනෑ. සෙනසුරාදාවක ලෙක්චර්ස් එන ගමන් එන්නම්. ඒකත් රෑට හොඳේ. හා එහෙනම් කන්ෆර්ම්ඩ්. සතීගේ අලුත උපන් කෙලි පොඩිස්සිය රනාලි රප්හේලා බලන්න යන්න ඇවරිතුමා දින වකවානු නියම කරගන්නෙ එහෙම. වහාම කාරණය දිනපොතේ අප්ඩේට් කළ ඇවරිතුමා තමුන්ගේ ලේකම්තුමියට කරාබු දෙකක් තෝරන්න කියලා පණිවිඩයක් තිබ්බා. රනාලි අම්මා දාපු නම. රප්හේලා තාත්තාගේ සම්මාදම. ඩයරිය සින්ක් වෙන නිසා නම දැකපු ඈයො ඒ නමට ගොඩක් කැමති වුනා. 

ඊළඟ කාරණේ සත්ට ගෙනියන දේ. ආහ් සතී බලන්න යන පළමු පාර නෙමෙයි මේ. ඇවරිතුමාට මත හැටියට අපි කැම්පස් ඉවර වෙලා සත් මුලින් ම රට යද්දි ඇගේ උපන්දින ප්‍රිය සාදය සමරන කොටත් ඇවරිතුමා Happy Birthday Sath කියලා ලියපු දිග බැනර් එකක් එක්ක තෑග්ගක් ගෙනිච්චා. ආයෙත් සැරයක් අඹ චට්නියක් හදාගෙන ගියා. තවත් පාරක් උදේ පාන්දර හතරයි ගානෙ ෆ්ලයිට් එකක සත් එද්දි තුනට නැඟිටලා නිදිගැට කඩ කඩ එයාර්පෝර්ට් ගිහින් හතට විතර ඇගේ මීගමු ගෙදරදී උදේ කෑම කෑවත් මතකයි. ඒක නිසා කොහොම කොච්චර බිසී වුනත් ආව කිව්වොත් එතුමිය බැහැදකින්න යන එක නිල කටයුත්තක් වන තරමට ම වැදගත් දෙයක් වෙලා. මේ පාර කෑම හැදීමේ කොන්ත්‍රාත්තුව ඇවරි දුන්නේ පැණි වළලු චක්‍රවර්තී විරුදය ලත් ආදර රන් මැණිකාට.

වැඩ කටයුතු මෙහෙම ප්ලෑන් වෙන අතරේ ලේකම්මිටිය කෝල් කරලා නැති ප්‍රශ්නයක් පටලවනවා. දැන් කරාබු දෙන්න ඔයා දන්නවා ද ඒ කෙල්ලගේ කන් විදලා ද කියලා...? හරි හරි කෙල්ලෙක්නේ ඉෂ්. ආයෙ කාරාබු නැතුව මොනවා දාන්නද? පොඩි කෙල්ලගෙ කන් විදිල්ල කෙසේ වෙතත් ඔයාගෙ නම් නාහෙ විදලා අනේ..! මාස කීය ද ඒ ළමයට තාම කන් විදලත් නෑ. සුපුරුදු පරිදි මගේ ලේකම්තුමිය කාන්තා කටයුතු සම්බන්ධයෙන් ඇගේ කෘතහස්ත, පෘථුල ඥාන මහිමය පැය ගණනාවක වට්ස්ඇප් කෝල් එකකින් ලඝු කොට දැක්වීම නිසා ඇවරිතුමාට දිව හපාගෙන අහගෙන හිටියා. හරි ඉෂ් මොකද්ද ඔප්ෂන් එක. අපි මොනව ද ගන්නේ. මං කියන්නම් හැබැයි මටත් මොනාව හරි අරං ඕන. ඔයාට බුල්ටෝ ටොපියක් දෙන්නම් මයෙ අම්මා ඉක්කණට කියන්නකෝ මොනා ද දෙන්නේ කියලා. බුට්ටෝ ටොපිය තියාගෙන රෝල්කරලා, ගහගන් ඔයාගෙ...---- ගේන එක මං ගේනත් පෙන්නම්. ගොන් උලමා.

ඇවරිතුමාට තාම ප්‍රෙෂර් නැති නිසා ඉතිං හොඳයි. නැත්නම් මේ ගොජබි ගොබිලි කරන වැඩ වලට ඩේලි බේසිස් උඩුකුරුඤ්ඤං ගහන්න වෙන්නේ. දැන් ඉතිං මොන හාතයක් උස්සන් එයිද මන්දා. කෝම උනත් ඇගේ සෙන්ස් එක ගැන දන්න නිසා ඇවරිතුමා කලබල වුනේ නෑ. හැබැයි පොඩි චකිතයක් නොතිබුණා නෙවෙයි. මට රවනා එතුමිය සීට් එකට ඇවිල්ලත් වැඩියෙ කතා බහ කළේ නෑ. 

ටිකක් සැරට ම බිසී වුන නිසා ඒ ඇගේ උදහස ගැන සොයාබලන්න වෙලාවක් ලැබුණෙත් නෑ. කාන්තා පාර්ශවේ ඇත්තෝ් සාමාන්‍යයෙන් තරහා එකතු කරගෙන ගොඩ ගහගන්න දක්ෂයි නෙව. පස්සේ මුරුගසන් වරුසාව වගේ කඩා හැලෙන්න ගන්නවා දොඹෙන් ආයෙ. ලේකමීගේ නිහඩතාවය මත ඉතා ආසන්නයේ  බෙංගාල බොක්කේ අවපීඩයක් ඇති විය හැකි බව දැනගෙනත් ඇවරි ගිනි කන්ද පුපුරනකම් හිටියේ ලාවා බලන්න ආස නිසා....!!