Monday, April 22, 2019

රාජ්‍ය නම් මාය හෙවත් කුණිසි ජනතාව බිලී කොක්කේ ඇමිණීම


ඉරිදා දවසේ ධර්ම විද්‍යාලය නිවාඩු වුනත් ගුරු රැස්වීමට සහභාගී වුන ඇවරිතුමා එය අවසාන වෙලා ගුරු මණ්ඩයත් එක්ක පොඩි පොඩි නිල චාරිකා කිහිපයක ගියා. කුරිරු අන්තවාදී ප්‍රහාරයන් එල්ල වුන ඒ ඉරිදාවේ අවාසනාවන්ත සිදුවිම්වලින් මිය ගිය සියලු දෙනාගේ පවුල්වලට සාතිශය සංවේගය පළ කරන අතරේ එම විපතින් තුවලා ලබා රෝහල්ගත කළ සියලු දෙනාට ඇවරිතුමා ඉක්මන් සුවය ප්‍රාර්ථනා කරනවා.

තරුපහේ හෝටල් තුනක සිදුවූ ප්‍රහාරයන් මරාගෙන මැරෙන බෝම්බ ප්‍රහාර බවට නිල වශයෙන් රජයෙන් ප්‍රකාශ කර ඇති පසුබිමක් තුළ, ජාතික ආරක්ෂාව හමස් පෙට්ටියට දාපු අපේ ආරක්ෂක කවුන්සිලේ ඇත්තෝ කොළඹ ආරක්ෂක දිසාව භාර නියෝජ්‍ය පොලිස්පති, ප්‍රියලාල් දසනායක මහතාගේ ලියනමක් උස්සාගෙන බෝල පාස් කරමින් මාධ්‍ය සංදර්ශන පැවැත්වීම ඉතා ම පිළිකුලෙන් යුතුව හෙළා දකිනවා. කොහොමත් ජාතියක් හැටියට පවතින ආරක්ෂාව පිළිබඳ කල්පනා කරමින් නැවතත් විමසිලිමත්ව කටයුතු කරන තැනට අපිව බැක්ට්‍රැක් කිරීම සෑහෙන වෙහෙසකර කටයුත්තක් වෙනු ඇති.

මේ ප්‍රහාරයත් එක්ක අරලිය මන්දිරේ පුරුද්දට සතිපතා රැස්වෙන ආරක්ෂක කවුන්සිලේ පුටු රත්කරන මකබාස්ලා සෙට් එක දඩිබිඩියේ නැඟී හිටියේ හරියට ලංකාව මුහුදින්, ගුවනින් හතරවටින් ම වට කළා වගේ. එවෙලේ ජනාධිපති මන්දිරේ සන්නද්ධ හමුදා ප්‍රධානීන් පණ දුන්නේ සීසර්ගේ කුලී හේවායින්ගේ භූමිකාව. සීසර්... දෙන්න අණ කරන්න වැඩ.. රානිල් දීපිය අණ.... අල්ලන්න ටෙරාව.. රානිල්.. කියකිය ලොක්කගේ පය ලෙවකන තැනට හමුදාව වැටුණ බව කියන්න ඕන. හැබැයි ලොක්කා ගාව දෙකට නැමිලා, ලෙවකාලා හරි ගත්තු ඕඩරේ නිසා පැය දෙකක් ඇතුළත දෙමටගොඩ මහවිල උද්‍යානයේ ස්පයිස් ලොක්කාගේ පොට් එකෙන් මහමොළකාරයින් සෙට් එකක් කුදලගෙන එන්න අපේ වීරයන් සමත් වෙනවා. එතනදී දිවිපිදූ පොලිස් නිලධාරීන් තුන් දෙනාගේ පවුල්වලටත් ඇවරි ශෝකය ප්‍රකාශ කරනවා. එහෙම ජීවිතේ පූජා කරලා හරි අල්ලගන්න අපේ සන්නද්ධ සේවා දක්ෂ වුනා.

ඉතිං කවුරුහරි කියනවා නම් අපේ අපේ සන්නද්ධ සේවා අඩපණයි කියලා ඒක අමූලික බොරුවක්. ප්‍රශ්නය තියෙන්නේ අණ දෙන්න කොන්ද පණ ඇති නායකයෙක් නැති එක. දැන් අපි ඔය පාරම්බාන ලියුම ගැන වුනත් සමාජගත අදහස ඉතා ව්‍යාකූලයි. එයින් ඉල්ලා සිටින්නේ ප්‍රභූ ආරක්ෂාව තර කරන හැටියට. ඉතිං ඒ ටික වෙලා තියෙනවනේ. දැන් කොයි ඇමතිගේ ද පවුලට සම්බන්ධ එකෙක් හරි, අඩුම තරමින් ගෑවිච්ච එකෙක් හරි මළේ...? ඒ පාස්කු ඉරිදාවේ අහඹු ලෙස ප්‍රධාන හෝටල් තුනක ම පුපුරද්දි කොයි ඇමතියගේ ද ටේබල් රෙසවේෂන් එකක්වත් තිබුණෙ? ඒ අස්සේ හරීනයා කියපි, සති ගාණක් ලෙඩ වෙලා ඉන්න තාත්තා සීන් එකේලු. අන්න බල්ලා පැන්නා මල්ලෙන් එළියට.

හැමෝ ම දැන් රැඟුවට කල්තියා ම දැනගෙන හිටියා මහත්වරුනේ. පක්ෂ විපක්ෂ දේශපාලකයන්, රටේ ජනතාව සමූල ඝාතනය වන සැටි බලන්න පාස්කු ඉරිදාවේ ඉතා ම භක්තියෙන් සැදී පැහැදී හිටියා ආමෙන්. කවුරුත් කටක් ඇරියේ නෑ. මොක ද මේකට ෆ්ලෑෂ් මොබ් ඉෆෙක්ට් එකක් දීලා ත්‍රස්තවාදී ලේබලෙන් අත පිහිදා ගන්න හැමෝට ම උවමනාව තිබුණා. මේ ඡන්ද කටේ. අවුරුදු සෙලික්කේ. කිසිකෙනෙකුට කට්ටට බෙර ගහන්න ඕන වුනේ නෑ. අබ කෑව එකාට නේ දන්නේ. සියලු දේහයන් රජයේ වියදමින් භූමදානය... තව ඕනනම් ආචාර වෙඩිමුර 21ක් දෙන්නම්. පොලීසිය ඒකත් කරලා දේවි. ජීවිතයකට ලක්ෂයක් ආපදා කළමනාකරණෙන් දීලා පල්ලිටික හදලා දෙමු. සති දෙකෙන් මුන්ට ඕවා අමතක නිසා ඡන්දෙත් දේවි. අපි බදු ගෙවලා තියාගෙන ඉන්න සන්නද්ධ හමුදා රටේ මහඑවුන්ගේ පුද්ගලික බූදලයක් බව ඔප්පු වී හමාරයි. මේ තරමින් හරි ඕඩර්ස් නොදෙන්න රට ම පිපිරෙනකම් දියවන්නාවේ සෙට් එක තමුන්ගේ සමිට් ෆ්ලැට්වලට වෙලා පුළුලු තිර ඔස්සේ තමුන්ගේ ජනතාව මැරෙන හැටි සජීවීව නරඹමින් ඉන්න තිබුණ මිත්‍රවරුනි. රෝමය ගිනි ගද්දිත් නිරෝ වීණා වැයුවලුනේ..?

මීඩියාකාරයො ටිකත් හොද්ද බොර වුන වෙලේ පැය විසිහතරේ ම බ්‍රේකින් නිවුස් දීලා තමන්ගේ වගකීම ලෙසට ම කළා හැබැයි. ආපදාකළමනාකරණ මධ්‍යස්ථානය පූර්ණ අකර්මන්‍යයි. තොරතුරු කිසිම පාලනයක් නෑ. සියල්ල අර පොලිස් මාධ්‍ය ප්‍රකාශකගෙන් විතරයි. ඊළඟ පිපිරීම දිවා පුවත් විකාශයෙන් කියන්න හැමෝම දත මැදගෙන හිටියේ. පිස්සු බල්ලො වගේ මීඩියා හැම එකක් ම මස්කෑලි විකුණද්දි ලොක්කා කළේ සමාජ ජාල අවහිර කිරීම විතරයි.

මේකත් හරියට ම සුනාමිය ආව වගේ. සුනාමිය ඉස්සෙල්ලා ම දැනගත්තෙ දියේගෝ ගර්ෂියාවේ අමෙරිකා නාවුක මධ්‍යස්ථානය. අපිට කිව්වේ ටී. සුනාමි එනවා කියලා විතරයි. මොකක්ද ඒ කියලා දැනුවත් කළේ නෑ. නමුත් කෙසේ හෝ බලය පවත්වා ගැනීම අපේ ම නායකයින් සියල්ල දැනුවත්ව අපිට ම නරුම විදියට හිනාවෙන්නේ ඔවුන් අපේ ශ්‍රී ලාංකික ලේ දැක සතුටු වෙන නිසායි. අගමැති කියන්නේ තමා නොදැනුවත් බව සහ තොපි මළත් රට අස්ථාවර වෙන්න ඉඩ නොතබන බවයි. ජනාධිපති රටෙත් නෑ. බයේ පැනලා ගිහින්. රාජ්‍ය නම් මාය කිව්වේ නැපෝලියන්. නමුත් හිටන් ද ග්‍රේට් ඇණ ගන්නේ නැපෝලියන් වෝටර්ලූ සටන පරාද වුනාටත් වඩා අන්ත පරාජයක් ලබමින්. රටේ ජාතික ආරක්ෂාව ඉහළ පන්තියේ ප්‍රභූන්ගේ තවත් සුඛෝපභෝගී වරදානයක් වූ කල  කවර ජාතියක කවර ආගමක වුවත් ඔබත් මමත් ඔවුන්ගේ බිලී කොක්කේ ඇමට එල්ලන කූණිස්සන් පමණයි..!!

ඔව් දැන් කියාපල්ලා ප්‍රභාකරන් සුදු කොඩි වැනුවා වගෙයි කියලා....     

නායක මාහිමිපාණන් සමඟ ඵාසු විචාරීම හෙවත් ඇවරිගේ සීනි අමාරුව

​බක් පෝයේ අයිස්ක්‍රීම් දන්සැල...

කාලෙකට පස්සේ ඇවරිතුමා බක් පොහෝ දින අනාදිමත් කාලයක පෝය වැඩසටහනක් පරිදි ගත කළ නිසා ඒ ගැන සටහනක් ලියා තියන්න හිතුවා. ජීවිතේ ආපහු පස්සට කාල තරණයක් කළොත් යන්න කැමති ම ශිෂ්‍ය මානවක කාලයේ දී ගමේ පන්සල ආශ්‍රය නිශ්‍රය කරගෙන ගෙවා දාපු ඒ නිමක් නැති පෝය දින වැඩසටහන් ගැන ආපහු මතක් කරගන්න ගෙවුණු බක් පෝය වැදගත් වුනා කිව්වොත් ඒකයි ඇත්ත.

කාලෙකට කලින් හැම පෝයක් ම වැඩක් තිබුණත් නැතත් පන්සලේ ගෙවෙන්න සැලසුම් කරලා තිබුණා. පස්සේ වැඩ වැඩිවෙලා, පින අඩු වෙද්දි ඒ ජීවිතේ නැති වුනත් එක පාරම අපේ වට්ස් ඇප් සමාජයේ මහේෂ නිර්මාල් මයිනා මැතිතුමා පළ කළ ආරාධනා දැන්වීමක් නිසා ඇවරිතුමා පොඩි උඩු කරණමක් ගහන්න හිතාගත්තා. අපේ තාත්තාගේ දෙවර්ෂ පූර්ණ මතක බණ හෙට උදේ 7.30ට කියලා මයිනා මතක් කරලා තිබුණෙ දයාබර පියාණන් වූ නෙල්සන් පෙරේරා මැතිතුමාණන්ගේ පින්කම. සාමාන්‍යෙයන් අනිවාර්ය සේවා ඇවරිතුමා මේ වගේ නිවාඩු දින නැනැක් කටයුතුවලදී ඇවරිහාමිනේ ප්‍රධාන නිසිබලධාරී මැතිනියන් සියල්ලන්ගෙන් ම අවසර ඉල්ලා සිටිය යුතු වෙනවා. මොක ද ඒ ඇතිතියො නිවාඩු දාට රටේ ම තියෙන අෂ්ට මංගල්‍යන් ඇවරිතුමා වෙත පන්ගාර්තු කරන්න තමා බලාන ඉන්නේ. ඇවරි මාතාව සිල් ගත්තාට මොක ද බලුපුතාට කෑම දීම, සිරිපාල හා රන් මැණිකා වෙනුවෙන් කෑම පිසීම ආදීය ඇවරිතුමා වෙත පවරා යන්නේ.

බක් පෝයට නම් ඇවරි මාතාව කාචරගාම වන්දනාවේ යෙදුණ නිසාත්, චොකෝමතී ඇවරි හාමිනේ දෑය එතෙර මෙතෙර නිසාත් ලොකු ගේමක් නැතුව වෙලාවල් එහේ මෙහේ කරගත්තා. හැබැයි උදේ පාන්දර ඇහැරෙන එක තමා ලොකුම පුරස්නේ වුනේ. සතියේ දවස්වල තමන්ගේ බඩු නැති වීමෙන් කුම්භඝෝෂකයා වගේ කෑගහන සිරිපාලතුමාත් පෝය දවසේ උදේ ඇවරිමාතාව අසපුවට ඇරලවලා ඇවිත් කණ පැලෙන්න නිදා ගන්නා නිසා ඇවා නැගිටිද්දි හතයි කාලයි. හප්පුච්චේ දැන් බණට පරක්කුයි. වහාම ඇදුමක් දා ගත්
ඇවරි හනි හනිකේ ඇතුගල නැංගේ බණ අහන්නමයි.
නායක මාහිමිපාණන් වහන්සේ දඹදිව සාචාරය අතරතුර..

යද්දි බූ බම්බා වගේ ධර්ම ශාලාවේ පිවිසුම් දොර ගාව අපේ මයිනාතුමා එකත්පස්ව ඉන්නවා. අඩේ උඹ ඇහැරුණා ද? ඒකනේ මං කීවේ ඇහැරුණොත් වරෙන් කියල. කෝමත් සිංගප්පූරුවට පැය දෙකකට කළින් එළිවෙන නිසා වැඩි වෙලා නිදාගන්න බෑ බං කියාගෙන ඇවරිත් බුද්ධ පූජාවට සම්බන්ධ වුනා. ඊළගට හීල් දානය. හීල දුන්නේ සිරිමංගල පාරේ දායක ඇත්තෝ ඇවරිතුමා මහා පාන්දරින් කුකුළත් අතේ අරං කොළඹ යද්දි හැමදාම යන හිතවතෙක්. දාන බෙදන වැඩවලට අපි සම්බන්ධ නොවුනට එතුමා වෙනම පිඟානක් ඇවරිට බෙදාගෙන ඇවිදින් පිළිගැන්නුවා. ඒ අතින් ඇවරිත් සීවලී හාමුදුරුවො වගේ අප්පා. කඩල, කවුපි, මඤ්ඤොක්කා, පොල් සහ ලුණුමිරිස් තිබුණ ඒ කෑම වේල කෑව ම තාවතින්සය මැවි මැවී පේනවා ආයිබෝං. ඊළගට තමා අපි ආපු කාරණේ වෙච්චි බණ වැඩසටහන කළේ. ධර්ම දේශකයන් වහන්සේ අපේ පන්සලේ ම මහණ වුන නෙත්තිපොලගෙදර ඤාණසුමන පොඩි හාමුදුරුවෝ. පොඩිද වැඩේ උන්නාන්සේ කවි බණක් කියන්නයි වැඩියේ.  
දානය සැකසීම, යසිත පුතණුවන් ඉදිරියෙන්...
අපේ පොඩිනම පොඩියට හිටියට විචිත්‍ර භාණක නමක්. පිරිත් පුරන්න කියාපු උන්නාන්සේ අනිත්‍ය ප්‍රතිසංයුක්ත බණ දෙසන්න මාර දක්ෂයි. ඔය ඇත්තො, ඔය ඇත්තො කියලා නිතර කියන අපේ හාමුදුරුවො එච්චර මිහිරට කවි කියන බව ඇවරිතුමා දැනගත්තේ එදා. කලින් පොඩ්ඩා කාලෙ වෙස්සන්තරේ කියනාව අපි අහගෙන ඉන්නවා. දැන් තරුණ උපසම්පදා භික්ෂුවක්. බුලත් කකා අපේ පිරිතේ වැඩත් ඔක්කොම සම්බන්ධීකරණය කළේ උන්නාන්සේ. එකට වැඩ කරද්දි හරි පිළිවෙලයි. වගේ ම ලේසියි. ළග එන වෙසක් දානෙදි අපිට බලාගන්න පුළුවන්.   

බණ ටික පිළිවෙලකට අහන අතරේ සැදැහැත්තන් පූජා කළ හීලේ අනුහසින් ඇවරිතුමා දෙතුන් පාරකට රැල්ල දාලා තවුතිසාවේ දොරකොඩට ම ගිහින් ආව හීනෙන් වගේ මතකයි. ඇවරි වාඩි වෙලා හිටියේ අපේ මෙවන් අධිෂ්ඨාන් කොලූ ළග. මෙවන් කොලූ පිරිකරක් කාරිය අරගෙන හේමත් ඇවිත් හිටියා. බණ අහන්න ආපු මල්වත්තේ ලෝජිනිය හෙවත් බූ බබාව අපි දැක්කේ බණ අහවර වුනාට පස්සේ. ඒ ඇත්ති නම් කවදාවත් වෙලාවට වැඩක් කරන කෙනෙක් නෙමේ. අපි හැමෝ ම පුදුම වෙන්නේ ඒ ළමාතැනී වෙලාවට පෝරුවට නැඟගත්තොත් තමා. බක්පෝය දවසේ ධාතුන් වහන්සේලා වෙනුවෙන් පැවැත්වෙන ව්‍යාංජන තිස් දෙකේ බුද්ධ පූජාවේ දායකත්වය ගෙන තිබුණේ අපේ අමිල පෙරේරා මැතිතුමාලාගේ නිවසින්. එනිසා අපිත් එක්ක අමිල අයියත් චමරි අක්කත් අවුරුදු උත්සවය ගැන සැලසුම් සකස් කිරීමට එකතු වුනා.
අමිල මහතා සහ චමරී මැතිනිය බක් පෝදා ධාතූන් වහන්සේ වෙනුවෙන් පැවැත්වෙන බුද්ධ පූජාවේ භාරකත්වය දරමින්...
බුද්ධ පූජාවට සම්බන්ධ වෙලා එහි කුඩ අල්ලන්න ගියපු ඇවරිතුමා, මයිනාතුමා, බූ බබා සහ මෙවනා ඇතුලු පිරිසට නායක මාහිමිපාණන් මුණගැහෙන්නේ ධාතු මන්දිරේ ඇතුළෙදි. පොඩි හාමුදුරුවො පුජාව පවත්වන්න ධර්ම ශාලාවට වැඩමවන අතරේ නායක හාමුදුරුවන් හා රැඳෙමින් නැවතත් පහළ ආවාසය වෙත වැඩමවන්න අපේ කණ්ඩායමට පවරා ඉන් පිටව යනවා. නායක හාමුදුරුවන්ටත් අපි බොහෝ කලකින් එකට දැක්කම සතුටු හිතිලා විස්තර කතිකා කරන්න යෝජනා කරගන්නවා. බොහොම මෑතකදී එතුමන් වැඩම කළ දඹදිව සංචාරය ගැන එහෙම විස්තර උන්වහන්සේ අපිත් එක්ක විස්තර කළේ බොහොම සතුටින්. ඒ විස්තර අතරේ රාජකාරී ලිපියක් යතුරු ලේඛනය කරන්න පුලුවන් ද කියලා නායක හාමුදුරුවො ඇහුවාම ඇවරිතුමා වැඩේ බාර ගත්තේ ඒ වයසේ වැඩිහිටියෙක්ට ලියුමක් ටයිප් කරවලා දෙන එක ඒ අය කොච්චර විඳිනව ද කියලා අත්දැකීමෙන් දන්න නිසා. ඒකත් උන්වහන්සේගේ පුද්ගලික කටයුත්තක් නෙමේ. දෙමටගොඩ ශෛලාරාමයේ ආධාර පත්‍රයක් ගැන ලිපියක්. ඊට කලින් පන්සලේ අයිස් ක්‍රීම් දන්සැලටත් සෙටමෝල් වුන බව කියන්න ඕන.

දැන් කොහේද මේක ටයිප් කරන්නේ? අපේ ඔෆිස් එකේ පුළුවන් හාමුදුරුවනේ. දැන් මේ වෙලාවේ කාර්යාලයට යන්න ද? ආහ් නෑ දහම් පාසලේ පහළ කාර්යාලය ගැන මං කීවෙ හාමුදුරුවනේ. කොහේද යන්නේ මල්ලේ ටිපිටිප් ඉතිං. වැඩේට යන්න කලින් නායක හාමුදුරුවො අපි හතර දෙනාට තඩි කේක් ගෙඩියක් කපලා අවුරුදු කෑම මේසයක් සූදානම් කළා. ඇවරිතුමා එතතින් කොකිසක් ගත්තා ම හාමුදුරුවෝ සීනි අමාරුවද කියලා අහලා ඇවාව කුජීත කරලා ම දැම්මා. ඒ නෝන්ඩියත් කාගෙන ම ටයිප් සෙටින් කළ ඇවරි සහ පිරිස මුද්‍රිත පිටපත් ගන්න යන ගමනේ කීල්ස් එකටත් යනවා.
බේක්හවුස් එකෙන් ලයිම් බොමින්...!

ආහ් මේකෙ බේක්හවුස් එකක් තියෙනවානේ? ඇවරි ඇහුවාම මයිනාතුමා පතළ කරුණාවෙන් නෑ බං මේකේ පුංචි බේකරියක් තියෙනවා කියපි. ඇවරිගේ අවිදුර දෘෂ්ටිකත්වයට අතට අසුවන මානයේ තිබූ ලෙමන් ජූස් නොදැක්ක නිසා ඒවා හොයාගන්න බුදාරාවෝ ඉදිරිපත් වෙනවා. ඔය අස්සේ බේකරිය ඇතුළෙන් මෙවන්ට කැඳවීමක් ලැබෙන්නෙ  අපි හැමෝ ම මවිත කරමින්. ඇත්ත කියපන් උඹ මෙහේ නේ වැඩ? ඒක තමා අයියේ මාත් බැලුවේ මට ද කතා කරන්නේ කියලා. අන්තිමට බිල් කරන්න ගියා ම නෙක්සස් නම්බරේ අමතක වෙලා තවත් විජ්ජුම්බරයක් වෙනවා. මචං නෙක්සස් නම්බරේ මොකක්ද? ෆෝන්.. ෆෝන් නම්බර් එක කියපන්. ආහ් ඔව්නේහ් මොන ලෝකෙක ඉන්නවාද මන්දා. ගහපු ලියුමෙත් තිබුණ බුල් බූ බබා සහ මයිනාගේ තීක්ෂණ සෝදුපත් බැලීම නිසා නිවැරදි වූ බව කියන්න ඕන.      

අපේ නායක මාහිමිපාණන් වහන්සේ එක්ක හරිහරියට සල්ලාපයේ යෙදෙමින් ගෙවුන භාග්‍යවන්ත මාසයේ පෝදිනය අමතක නොවන දවසක් වුනේ අන්න ඒ විදියට. කාලෙකට පස්සේ අපි සෙට් එක හොඳ පිනක් කරගෙන, විනෝදත් වුනා. හැබැයි ඉතිං එහෙම පොට්ට චාන්ස් හිටන් මඟඇරලා ගෙදර බකතපස් රැකපු බිබික්කන්ක්හ කුමාරිහාමි ගැන නම් මුකූත් ලියන්නෑ හොඳේ....!!

ප/ලි - මේ අදාළ කුජීත අවස්ථාව ගැන බූ බබා ලියූ බුලෝගේ සදාලය...