සුලා කුමාරියගේ උපන්දිනය හෙවත් කේක් කපා පරපණ නැසීම..!

පේනවනේ ඇගේ වත කමලේ බයමුසු සැකය..
මාව මරන්න ද යකෝව් හදන්නේ????

මේ කතාව නම් ඉතිං ලියලත් බෑ. නොලියත් බෑ. අපේ සුලා කුමාරිගේ 2018 වසරේ උපන්දිනය අපිට අමතක වුනා කියන්නකෝ. මේ කියන දවසේ ඇවරිතුමා වැඩකටයුතු අටෝරාසියක් මැද හිටියත් එතුමියගේ උපන්දින සාදය මෛව්වඑක වෙනුවෙන් යන්න සෙට මෝල් වුනා.

ඒ ඉරිදාවේ දහම් පාසල් රාජකාරි අහවර වෙලා තමා අපි එහේට මංගච්චන්න කටයුතු සම්පාදනය වෙලා තිබුණෙ. එන්නෑ එන්නෑ කියමින් උම්බෑ ගාපු තරූ අංගනාව එහෙම ඇගේ වැඩිමල් සහෝදර පිට් එක වන අපේ සෙට් එකේ මිනෝලි මැතිනියත් එක්ක ඇවිත් තිබුණා. මිනෝලි මැතිනියගේ දුවණියන් ඔව් අර හයියෙන් කෑ ගහන එක්කෙනා තමා, වගේ ම අපේ හිතාදර ඩිලාන් මචාං පවා එදා පැමිණ හිටියා.

සුපුරුදු පරිදි අවසානයට එක්කාසු වුනේ අපේ ගිහාන් ශීවන්දන  මහතා. උපකාරක පන්ති සියල්ල අමතක කරලා එන බව කීවත් පොර ඉරිදා උදේ පන්තිය අත නොහරින බව අපි ඉන්තේරුවෙන් ම දැනගෙන හිටියා. ගිහාන මධුසංක කියන්නේ යුගයේ ආදරණිය ම ITC ගුරුවරයා කිව්වොත් වැරැද්දක් නැත්තේ පොර එල්ලිලා ඉන්න කටවුට් ප්‍රමාණය ගැන සැලකිල්ලට ගත්තා ම. එහේ පිරිතකටත් මමත් මයිනාත් පස්සේ දවසක සම්බන්ධ වුනා. මයිනාතුමා එළියට වෙලා පිරිත් අහදද්දී ඇවරිතුමා ඇතුළේ ම පිරිත් ඇහුවා මතකයි.

මෙයා තමා කෑකෝ පැංචි... මෙයාගේ අම්මා මිනෝලියානෝ කෑකෝ මෙගා එක හොඳේ...

ගිහානා ගැන හොඳම තකාව තියන්නේ ඇවරිතුමාගේ පන්ති සගයෙක් වන දැනට ජපානයේ සිටින නානා බගර් මහතා. වෙන මිනිස්සු රස්සාවක් කරන්නේ කීයක් හරි හම්බ කර ගන්නනේ බං. ඒකට මූ. තියෙන සබ්බ සකලමනාව ම ඒකට යට කරනවා. ඊටත් එහා උගේ කොණඩේ මාසෙට පට්ට ගාණක් යන්නේ කෙස්ගස් හිටවන්න. ඒ අපේ නානා මහතාගේ සුපුරුදු මැසිවිල්ල. හිස් කාර් හිස් පෙට්‍රල් නේහ් බන්. ඔහෙප්පලයන් උගේ කාර් එක. ඒක ඉක්මණට විකුණන කියපන්. ඒ තමා ආචාර්ය ගිහාන් මැතිතුමා පිළිබඳ පොදු ජන විඤ්ඤාණය පින්වතුනි.

මයිනාතුමා තම මෑණියන් යමුනා ඇන්ටිත් අරන් ඇවරිතුමා ගන්න ‍ආව. යමුනා ඇන්ටිට සුලා කෝමත් එයාගෙම දුවක් වගේ තමා. ඇත්ත කතාව දෙනන්න ම එක වයසේ නිසා දෙන්නාට දෙන්නා බෝම ලැදියි. සුලාගේ වෙඩිමටත් ඇන්ටි ඇවිත් දවසේ ම හිටියා. කොටින් ම කිව්වොත් සුලා ඉලදානි මැතිනියට දෙවැනි මවක වෙමින් හැමදාමත් හිටපු යමුනා ඇන්ටි ගැනත් මකත් කරන්න වටිනවා.  

අපි එහෙමයි කේක් කන්නේ...!!
මේක අමූලික වඤ්ඤාවක් අපේ හාමුදුරුවනේ...

කොහොමින් කොහොම හරි අපි පාර්ටි පැවැත්වෙන සථානයට ආව. සුලාවෝ ෆ්‍රයිඩ් රයිස් දන්සැලක් පවත්වන්න අවශ්‍ය සියලු කටයුතු සංවිධානය කරලා තිබුණ බව මතකයි. ආ ගිය තොරතුරු කතාබහ කරමින් සිටින අතරේ රත්නායක පවුලේ සම්පාප්ප වුනා. ඒ අහු අස්සේ ඉතා ම පරණ කොන්තරයක් උඩට ඉස්සිලා ආවේ විරාග රාගය අතරේ තනිවූ ආලයක් ගැන මතක් කරමින්. කාලෙකට කලින් අපේ ගිහාන් සෑර්, ක්‍රිස්ටිනා තරූපුඩිමට යෝජනා කරලා තිබුණ කතාව ආපහු ඇදිලා ආවා. ඇත්තට ම අපි ආයෙ බඳිමුද ඕයි? ගිහානා තරූගෙන් ඇහුවෙ සිරාවට ම වගේ. උගෙත් පෙර වැරදි කෝටියයි නේ පින්වතුනි. ඒ අස්සේ මූ ඒ ළඟ එන පෝය දවසක මැරි කරන බවට පළවන පෝස්ටු කීපයක් ම බුකියෙ සෙයාර් වෙලත් තිබුණා.

ඈ බොල නාකි මනමාලයෝ.. දැන් මේ හෙට අනිද්දා බඳින්න ඉන්න ඔබතුමා මට මඟුලක් කතා කරන්නේ? තරූ ගත් කටට ම කෙළලා දැම්මා කියපි. ඒ වෙද්දි අපි කෑම මේසේ. දෙන්න මරාගත්ත පාරට බත් විසිරිලා එක විජ්ජුම්බරයක් වුනා. අන්තිමේ දී එකෙත් පරිප්පුව කන්න වුනේ සුලා දලානිට ම තමා.

එදා ආපු ආදරණීය ම අමුත්තිය අපේ මිනෝලියෝගේ දූ සිඟිත්ත. ඈට ගොඩාක් සතුටක් දැනුනා ම ඈ බෙරිහන් දීලා කෑ ගහනවා අපිවත් බය කරගෙන. ඒ සද්දේට කන් පිරෙනවා. ඒ යෙල් එකට අපි කොච්චර ආසා කළා ද කිව්වොත් කෙල්ලට වඩා අපි කෑ ගහනවා අන්තිම වෙද්දි. බණ්ඩි නටලා නටලා පස්සේ නිදා ගත්තා. අවසානෙට තමා කේක් කපන්න සෙට්වුනේ.

ඔය ගහලා තියෙන ගිනිසිළුව වගේ ජෙකරමයිට් එක පත්තු කරගන්න අපි සෑහෙන්න කට්ටක් කෑවා. අනිතිමේ දී අපි ම තමා වැරදිකාරයොත් වුනේ. තොපි මාව පුච්චල මරන්න ද යකෝව් යන්නේ? බැද්දේ කුලවමියන් කවදා පත්තු කරපු සප්‍රයිස් කැන්ඩ්ල්ස් ද ශාන්ත? අවසානයේ දී ඇගේ තිස්වෙනි උපන්දිනය ඉතාමත් උත්කර්ෂයෙන් සැමරුව බව සඳහන් කරන්න පුළුවන්.

මේ සලාදය බොහොම පරණ එකක්. ලියන්න ප්‍රමාද වුනේ ඇවරිතුමාගේ පන්චුවලිටි නිසා තමයි. මේ ලියන මොහොත වෙද්දි අපේ සුලා ඉදලානි මැතිනිය තවත් ලොකු වැඩකට සෙට් වෙන්නයි යන්නේ. ඒ කටයුත්තටත් සුබ ප්‍රාර්ථනා කියමන් එකතු කරන අතරේ නිදුක් නිරෝගීව තවත් බොහෝ කාලයක් අපිට ඇණයක් වෙන්න අවස්ථාව ලැබේවායි පතමින් සුලාගේ උපන්දින සලාදය අහවර කරනවා.!

ආපු හැමෝම ඡායාරූප අනුග්‍රහය සෙල්ෆි කටා මයිනා මහතා විසිනි...