අපේ වී.සී ගොයියා මේ හොස්ටල් කොස්සක් දා ගත්තු නිසා දැන් සරසවියෙ වැඩ සියල්ල ටිකක කණපිට හැරිලා. අයියලා මලෝලා දියව් දියව් කියාගත්තු ගමන්මයි, අනේ ඉතිං කොහොමින් කොහොම හරි සියලු පීඨ සදහා පහුගිය දවසක කැලණිය විවෘත වුනා ය කියමුකෝ. දැන් කස්ටිය වැඩ පෙන්නන්න පටාන් අරං.
සාමාන්‍ය උපාධි සිසුන් සමග කළ පසුගිය උද්ඝෝෂණය අමු අමුවේ ම අසාර්ථක වුනා. අයියලා ඉතිං විශේෂවේ දී කරන අයනේ. අන්තිමේ දී කුණු ප්රෙෂාලාට තග දාලා තරමක් සාර්ථක උද්ඝෝෂණයක් තියා ගන්න පහුගිය සුමානෙ හැකි වුනා. උනුත් කුණ කාගෙන ගේමට සෙට් වුනාට මොක ද කාකි කෝටිස්ලා පෙළ සැදිලා සිටිය නිසා වැඩේ ගොඩින් බේරා ගත්තා. අන්න එතන දී ක්රියාත්මක වූ යාන්ත්‍රණය වඩාත් සංවිධානාත්මක නිසා පිකට් කරද්දි ඒ ක්‍රමයට වැඩ කළොත් සාමකාමී උද්ඝෝෂණයක් කියලා මාධ්‍ය වාර්තාවක් නිකුත් කරන්න පුළුවන් වෙයි. කලින් දැනුම් දුන්නා වගේ පුස්තකාලය වසා දමලා පරිපාලනය සීල් තිබ්බා. පුස්තකාලයේ ඉදිරිපස පිවිසුම වසා දැමූ නිසා එයින් කාටවත් ඇතුල් වෙන්න බෑ. සියලු පිවිසීම් දොරටු වසා දමද්දි "ආ අද පිකට් එකනේ බං" කියාගෙන ගොඩක් ශිෂ්‍යයො සරණාගත භාවය අපේක්ෂා කරමින් ඉවත් වුනා.
මේ නිසා පොලිසියෙන් නිකම් ම වැඩේ ගොඩ දාගත්තා. කවදාවත් නැතුව සිවිල් ආරක්ෂක බලකායත් එහි පැමිණ සිටියා. අපේ මාධ්‍ය සගයො නම් තරමක අඩු සහභාගීත්වයක් තමා දැක්වූයේ. නමුත් ඒ සිස්ටම් එක හරි. මීට පස්සෙ පිකට් එකක් නම් ගොඩනැගිලි මුද්‍රා තියන්න කට්ටිය පුරුදු වේවි. ඉවත්වන පිරිසට සාමකාමීව ඉවත්වන්න ඒ වෙලාව ප්රමාණවත්, ගොඩනැගිලි වහ ගත්තහ ම වැඩේ ලේසියි. කාර්යමණ්ඩලයත් ආරක්ෂිතයි.
පිකට් කරන අය වගේ ම අපේ කැම්පස් එකේ පිකට් බලන්නන් ගෙනුත් අඩුවක් නෑ. පිකට් එකක් තෙල් බැම්මෙන් පටන් අරං පාරට යනව නම් විවෘත හා දුරස්ථ අධ්‍යයන කේන්ද්‍රයේ බොහෝ දෙනා උඩ සිට මේ කුහුඹු පෙරහැර නරඹනවා. තවත් ප්රධාන නැරඹුම් මැදිරියක් වෙන්නෙ විද්‍යාගාර ක්‍රීඩාගාරය. හැබැයි මෙදා සැරේ අපි පීඨය තුළ අපූරු අවස්ථාවක් නිරීක්ෂණය කළා. ඒ පරිපාලනය ඉදිරියේ මේ උද්ඝෝෂණය නැගලා යද්දි ඒ සද්දෙට පීඨය තුළ සිටි ආචාර්ය, මහාචාර්ය සියලු දෙනා පිටතට පැමිණීමයි. අන්තිමේ දී කලා පීඨයේ මිදුල ඒ පිරිසගෙන් පිරී ගියා. එතන තවත් පිකට් එකකට සෙනග??? හැබැයි වැරදිලා හරි කාකි කබාවල කරුණාවට කදුළු ගෑස් පාරක් එයි කියලා කවුදෝ කිව්ව ම විනාඩි දෙකක් තුළ සියලු ම දෙනා ඉවත් වුනා. උද්ඝෝෂණය සාමකාමීව නිමා කරන්න ආපු පොලිසියට ඇවරි ස්තුතිවන්ත වෙනවා.
"මචං යන්නැද්ද වැඩේට? අනේ බං ඕක ඉතිං හැමදාම තියෙන එකනේ අපි ලබන අවුරුද්දෙ එකට යනවා." ඒත් ඔය සටන් පාඨමනේ. ඔය සද්දෙ මයි, මූණු ටික වෙනස්වෙයි. මේක පළමු වසර යුද අභ්‍යාසයක්නේ. අපි ඒවා පාස් කරලා නෙව ආවෙ. ඉතිං තව මක්කට ද???? අනේ හැබෑමයි!!!
"මේක පළමු වසර යුද අභ්‍යාසයක්නේ. අපි ඒවා පාස් කරලා නෙව ආවෙ."
ReplyDeleteඒකම තමා මටත් හිතුණේ අයියා. දැන් කට්ටිය ඉන්නේ ඕවාට යන්න කියලා. අනේ මන්දා කිසිම කික් එකක් තිබ්බේ නැහැ පිකට් එකට යන්න.
තොපි මහ කාලකණ්ණි ජාතියක්....!!!
ReplyDelete