Wednesday, August 25, 2010

මං අද උපන්නයි කියන්නේ..........?????

 

අද ඒ කිව්ව 2010.08.25 වැනිදා  ‘උපනෙත’ ප්‍රතිබිම්බ කලා උළෙල ආරම්භ උනා. හ්ම් කිව්ව ම මොකද මං කුල කුමාරයා අපේ මාතාව කුස පිළිසිඳගෙන මෙළොව එළිය දැකලා තියෙන්නේ අද වගේ දවසක උදේ 8.05ට ලු. හැබැයි අපරාදේ කියන්න බෑ උදේ ඉපදිච්ච වෙලාව වෙද්දි දොන්ත පදම් දාලා මං බුදි.... කලින් දා මගේ නිබන්ධනයක් ලීව නිසා දන්නේ ම නැතිව නින්ද ගියා. අනෙක ඉතිං අර හරියට ම දොළහේ කණිසමට සුබපතන උදවිය වෙනුවෙනුත් නිදිවරාන ඉන්නත් එපැයි. කොහොමින් කොහොම හරි මං ඇහැරුණේ අම්මගේ සුබපැතුම් සමඟ උදේ ම ඉතිං කිරිබත් කවලා, බත් ගෙඩියත් බැලා අම්මලා වැඩට ගියා.... මං ටිකක් මනුස්ස වසයක් අරං නා කියාගෙන යුනියට යන්න මගට බැස්සා.... 

මඟ දිගට සුභපැතුම්....!!! දැන් ම සමාජ ජාල වෙබ් අඩවි නිසා හැමට ම ප්‍රසිද්ධ චරිත වෙලා. ඉතිං මගෙත් නබර්ස් ෆෑන්ස්ලා හද පිරි විස් ලබා දුන්නා. මේ විසුත් අරං මං කෙළින් ම ගියේ සහචර පාර්ටියට කේක් එකක් ගන්න. අද පළමු වතාවට ගෑනු ළමයෙක් එක්ක හවුලේ උපන්දිනය සමරන්න වීමත් විශේෂත්වයක්. මිතුරියක වන අයේෂාගේ උපන්දිනය 24 වැනිදාට යෙදුනත් එදා පෝය නිසා ඇගේ උපන්දිනයත් පහුවදා සමරන්න කට්ටිය යොදාගෙන. අපි මුලින් ම ඇගේ කේක් කපලා දෙවනුව මගේ කේක් එක කැපුවා. හැමදා ම උපන්දිනයට යුනියේ ඉන්න Threaten Endemics අපේ සනුහරේ වෙනුවට සහමුලින් ම වෙනත් පිරිසක් එක්ක උපන්දිනය සමරන්න වීම තවත් විශේෂත්වයක්. අද යානි ගෙදර. චිලී, අමන්දා, අලුතා, අරා සියල්ලන් ම උපනෙත... වයිප‍ර්, ක්ලසා, පෙතියා පමණයි පුරුදු මිත්තරයන්ට හිටිය මේ අලුත් අත්දැකීම් සියල්ල මැද මං පාන්දරින් කේක් කැපුවා..... 

කාලා කවලා වනසාලා.... අපි උපනෙතට කේක් දෙන්න ගියා. ඒ වෙද්දිත් උපනෙත පටන් අරං නිසා කස්ටිය ගජරාමෙට වැඩ. දැන් අයි.මැට් පාර්ශවයට මං කේක් කෑලි අටක් තිබ්බා... නමුත් හැමදාව වගේ ඇබැද්දි අයියා.. අදත් ලේට්. පස්සේ බැලින්නම් ඌට ස්තුති කතාවක් දීලා. නමුත් මේ කතාව කරන්න වෙන බයට පොර පාන්දර ආවේ නෑ... අන්තිමට කතාව කළේ අරා... (කෙනෙක් නම් මේකට හුඟක් සතුටු වුනාලු???) පස්සේ ඉතිං ඇණ මුරිච්චියත් එක්ක ඇවිත් වැඩේට හවුල් වුනත් ඇබැද්දි සියල්ලන්ගෙන් නොසෑහෙන්න අහගත්තා.

ඉතිං අද දවසේ ම අපේ මැච් එක තිබුණා. අජපල් තමා කීනවා.... ඒ ඇයි කියලා කීන්නම්.... හවස ඇන්ටිගනී පෙන්නුවා. නමුත් අපි කලින් ප්ලෑන් කළේ 26 හයයි තිහ බලන්න. මගේ පුද්ගලික උපාධියට විභාග ගාස්තු ගෙවන්න ගියා ම එතැන උන්ටත් පාර්ටි දෙන්න වුනා. යන්තම් රු.30ක් ඉතුරු වුන නිසා ඉබ්බට නොයා කැම්පස් එක ළඟට එන්න පුළුවන් වුනා. දත කට මැදගෙන හිටියේ හවස DJ එකට යන්න. විභාග අස්සේ චුට්ටක් රිලැක්ස් වෙන්න ඕන උනත් ඒක කැන්සල්ලු. අන්තිමට මං හයට විතර ගෙදර ආවා....

ම්..... රාත්තිරිය වෙද්දි කෑමට ඇරයුම් ලද්දන් එහි ආවා... සුබපතලා ගියා. දවල් උපන්දිනේ වෙනුවෙන් මගේ බත්පත දන්දුන්නා. උපාධි කඩේට යද්දි නිකම් ගාලු පාරේ ආච්චි අම්ම කෙනෙක් දැක්ක නිසා බත් එක දෙන්න හිතුනා. පස්සේ මට බඩගිනි උනාම PGIRA ළඟින් බැහැලා ඒ කැන්ටිමෙන් බත් කෑවා. වසන්ත වැලිඅංග අපේ ලෙචාත් එහි බත්කමින් සිටියා. “අද ඩ්‍රාමා එක නේද බං?” හ්ම්.... වැලිඅංග බොසා තමයි ඇන්ටිගනී සෙට් එක කළේ.. නමුත් අද නාටකේ පෙන්නුවට බුවා තිරේ පස්සේ නෑ. සුද්දෙක් එක්ක නකල්ස් යන බවයි කිවේවේ.....

අන්තිමේ දී රාත්තිරි දහයාමාරට විතර මං ටා....න් ගාල පන්සල පැත්තේ ගිහින් ආවා... අන්තිමේදී සියල්ල හොඳින් සිදුවුනා. හැබැයි උපන්දිනය නිම වෙද්දි ඇඟට පට්ට මහන්සියි....!!    

 

 

5 comments:

  1. උපන්දිනේ පට්ට Busy දවසක්නේ බලාන් ගියාම.......

    ReplyDelete
  2. සුභ උපන් දිනයක්...........

    ReplyDelete
  3. අහ්....දැන් දැක්කේ....සුභම සුභ උපන් දිනයක් කියලා ඔන්න හසියත් හදවකින්ම සුභ පතනවා......

    ReplyDelete
  4. සුභ උපන් දිනයක්!

    ReplyDelete
  5. සුභපතපු හැමේාට ම ස්තූතියි

    ReplyDelete

ඈවරයි දෑවරයි.... කොටන්නට අවසරයි.....