බුද්ධ දර්ශනය ගැන දැනගත්තත් මං නියම බවුද්දයෙක් නෙමෙයි කියල මං දන්නවා. අනේ මන්දා මං නුවරදි බවුද්ද, යාපනේදී හින්දු, තේවත්තෙදි කතෝලික, ඌව වෙල්ලස්සෙදි මුස්ලිම් වගේ පොරක්. කොහොමත් බුදු දහම ඒහි පස්සික නේ?? ඉතිං ඕන කෙනෙක්ට ඇවිත් බලන්න පුළුවන්. ආගමික සහනශීලීත්වය නිසා වෙන ආගම් අදහන්නත් පුළුවන්. අර කාංචන දසනායක පහුගිය කාලෙ කිව්ව වගේ අපේ සිංහල බවුද්ද නායකයො පවා හාමුදුරුවන්ට බාගෙට වැදලා පල්ලියෙදි දණගහලා යාච්ඥා කරනවා. නල්ලූර් කෝවිලට ෂර්ට් ගලවල යනවා. අපි නත්තලට නතත්ල් ගස් හැදුවට මුස්ලිම් මිනිස්සු හෝ කතෝලිකයො නසක් කූඩු හදන්නෑනේ?? අනේ ඒ නිසා මේ අවුරුද්දෙවත් පිස්සු කෙළින්න හොද නෑ කියලා මං හිතා ගත්තා.
ම්..හරියට 2011 ලබන වෙලාවට අපේ ගෙදර කිරි උතුරවනවා. ඒකෙ කිසි පදනමක් තියෙනවාද කියලා මන් දන්නෑ. අපේ අම්මට නම් ඒක පුරුදු වෙලා. කිරි උතුරන්න පසුප්පාල් ද තෙන්නෙයි පාල් ද කියලා ගැටලුවක් ආවෙ අපි ගෙදරට එන කාලෙදිමයි. අපේ අම්ම නම් කැමති වුනේ නෑ පොල් කිරෙන් උතුරුවන්න. දැන් නම් නිව්ඩේල් ඉතිරවීමක් තමා කෙරෙන්නෙ. (සිංහල අලුත් අවුරුද්දට නම් කිරි දොවලා ගෙන්න ගන්නවා.)
පාන්දරින් ඇහැරුණා ම කිරිබත් හදන්න උදව්වෙන්න උනා... ජනවාරි පළමුදා කිරිපිඩු කැලණියට පූජා කිරීමෙන් තමා වැඩ පටාන් ගන්නෙ ඊළඟට අපි යන්නෙ ගංගාරාමයට. හැම අවුරුද්දෙම මුලින් ම ගනුදෙනු කරන්නෙ ගංගාරාමයත් එක්ක. මං දන්න කාලෙ ඉදන් ම ජනේරුවට අලුත් ම මුදල් නෝට්ටුවක් ගංගාරාමෙන් පන්සල් එන කාටත් ලැබෙනවා. අවුරුදු ගාණක එකතු කරපු නෝට්ටු තිබුණත් දැන් ජනේරුවට ඒක නොගත්තොත් නිකන් අවුල් වගේ. ඔය වැඩ වලින් පස්සෙ පවුලේ කටයුතු වලින් අපිව නිදහස් කරනවා.
මෙදා සැරේ නම් පළමුදා ම මට වැඩ අල්ලන්න උනා. 2011-2012 වසරවල සාමාන්ය පෙළ සිසුන්ට කරන පන්තියේ ගිවිසුම් අත්සන් කරන්න තිබුණෙ පළමුදා. තවත් අවුරුදු දෙකක් නොමිලේ උගන්වන්න අපි පොරොන්දු වුනා. කරලා තියෙන පව් ගෙවාගන්නත් එපෑයැ?? මෙදා සැරේ ළමෝ බර ගාණක් ඉන්නවා. ඒ වැඩේ අහවර කරලා ගෙදර ඇවිත් ඉඟසුඟ ගත හැකි මනරම් - මගෙ ලේකම් එක්ක එක්ක ජාතික ඇදුමක් හොයන්න යන්න තිබුණා. ඒ දෙවැනිදා දහම් පාසල් ආචාර්යවරයාගේ චරිතය රඟපාන්න. නැෂනල් රෙඩිමේඩ් ඔක්කොගෙ ම ඉස්සරහ පළු දෙකකින් තිබුණේ. ඒ ගැන ඇහුවම වර්ධනේ සේල්ස්මන් කෙනෙක් පැහැදිලි කිරීමක් කළා. ආ සර් මේ ඔක්කොම මන්ත්‍රී කිට්. කපටි සූට් එකක් නැතුව නියම ජාතික ඇදුමක් මහගන්න වෙයි. ඉතිං ලංකාවෙ නියම ජාතික ඇදුම කොහේවත් විකුණන්න නැත්ද??? මේක ඉන්දියාවෙන් සර් එන්නෙ. ඕනනම් වේට්ටි තියෙනවා. ම් ඒකත් නරක නෑ. හැබැයි අපේ මලය නම් නැෂනල් වලට වඩා දෝතිය අදින්න කැමතියි. ඒත් වැඩේට නොගැළපෙන නිසා මං අර කොල්ලට කියාල එළියට වැඩ්ඩා.
අන්තිමේ දී කාර්යශූර ලේකම් තැන මං පුංචි කාලෙ ඇදපු නැෂනලයක් හෝදලා ගත්තා. හ්ම් දැන් ඒ වැඩෙත් හරි. රෑ අපිට පැදුරු සාජ්ජයක් තිබුණා. උගුරු යනකම් කෑ ගහලා කාලා හේම පහුවෙනිදට යන්න ඕන නිසා ගෙදේ ආවා. බලාගෙන යද්දි ජනවාරි පළමුදා කියන්නෙ පස්ට බිසී දවසක් තමා.
