ඇවරිගේ සලාදය

රාජපක්ෂ ඉන්කෝපරේටඩ්

2011-12-15T12:30:00.000-08:00

ඊයෙ ඒ කිව්වෙ 2011.12.15 වැනිදා ටිකක් නුහුරු දවසක් නිසා දිනය නිමා වුවත් ඒ ගැන සටහනක් තියන්න ඇවරිට හිතක් ආව. මේ දිනවල යුනි නිවාඩු නිසා ඇවරිට අග බිසවුන් වහන්දෑ විසින් නියම කරන ලද සතියක නේවාසිකව පූර්ණ අලස සුව විඳීමේ වැඩසටහනට යටත් වූ නිසා මා ඇහැරුණේ, අපේ ගෙදර ඔරලෝසුවේ හැම පැයකට ම අඬලන කුකුළා උදේ දහයට විතර කුකුළ කෑ ගහද්දී.

ඒත් සමගින් ලැබුණු ඇමතුමින් කියැවුනේ අපේ නඟා විසින් වෙනදාට සිදු කරන රාජකාරියක් සඳහා මා කැඳවන බවට කෙරෙන නිල නිවේදනය. රාජකාරිය තමා අපේ අක්කා සතු වසර පහක් පැරණි බාල යක්ෂයා සහ අවුරුද්දක් වයසැති බාලයා (මෑන්ස් යක්සය වෙන්න තව කල් තියෙනවා, හරිය) රැක බලා ගැනීම. පොඩි ම එකා නම් සේප්. ලොකු එකා බලා ගැනිල්ල නම් පට්ට ම කුජීත රස්සාවක්. හැබැයි ඔය කාටුන් චිත්‍රපටයක් වගේ ඇමක් දුන්නොත් නම් ඉතිං පැයක හමාරක බ්රේක් එකක් ගත්තැහැකි. නැතිනම් ඉතිං මල්ටි ඩියුටි ම තමා. සවස හය දක්වා පමණ වන මාගේ රාජකාරී මුරය සඳහා නික්ම ගොහින් පොඩ්ඩව නිදි කොරෝලා ලොක්ක එක්ක ටීවී බලද්දි අපේ අක්කාත් කෝල් කොලා. ඒ වන විට අද අභිනවයෙන් ඉදිකළ රංග ශාලාවේ සමාරම්භක නර්තනය සඳහා සහභාගී වුනු පොඩි අක්කාව රැගෙන ඒම තමා දෙවන රාජකාරිය. අපි නියමිත වේලාවට එතැනට සම්පාප්ප වුනා. විදුලි ආලෝකයෙන් අලංකාර කරපු උත්සව භූමියේ විනාඩි හතළිස් පහක් පමණ රැඳුනු අපි නැවතත් ගෙදර එන්න ආවා.

අද මර්වින් සිල්වාගේ පෙරහැර නිසා මේ පැත්තෙන් යන්න පුළුවන් වෙයි ද මන්දා?? අක්කාගෙන් පළමු සිහිකැඳවීම ලැබුණා. අපි හතරේකණුවට එද්දි සියලු වාහන කැලණිය දෙසට ධාවනය විය යුතු බවට දක්වමින් පොලිස් බාධකයක් යොදවා තිබුණා. අපි ඒ ඔස්සේ ටික දුරක් ගිහින් අතුරු පාරකින් නැවත වරා‍ගොඩ පාරට වැටුණා. එතනින් ගල් බොරැල්ල හන්දියෙන් කෙළින් ම ගිහින් ප්‍රැන්සිස් ලේන් හරහා නැවත නුවර පාරට ධාවනය කිරීම අප සැලසුම වුවත් හිඹුටුවැල්ගොඩ හරහා ධාවනය කර බුළුගහ හන්දියට යන ලෙස පොලිසිය විසින් දන්වන ලද නිසා අපිත් ඒ පාරෙන් බුළුගහ හන්දියට ආව. අඩ්ඩඩා දැන් නොවැ ට්‍රැෆික් එක???? පාර පුරා විසිරුණු වාහන අතරින් අපිත් හිමින් හෙමින් ඉදිරියට ඇදුනා. පෙනෙන විදිහට පෙ‍රහැර පටන් ගෙන නැති බව අයියා කිව්ව විතරයි පොඩ්ඩට පෙරහැර බලන්න ඕන වුනා. වාහනේ නතර කරපු අපි ඊළඟට සෙට් වුනේ පෙරහැර බලන්න.

හැබැයි හිතපු තරම් ඒ වැඩෙත් ලේසි වුනේ නෑ. ඒ තරම්ම සෙනඟ. බලන බලන තැන අලි. පස්සෙ බැලින්න නම් අලි හතලිස් හතක්!! නැටුම් පණස් හයක්. සම්පූර්ණ පෙරහැර අපි පැය දෙකක් පමණ තිස්සේ බැලුවා. මං හිතන හැටියට නම් හුඟක් සල්ලි වියදම් කරලා කරපු ලස්සන වැඩක්. ලක්ෂ පන්සිය ගණනක් වියදම් කළ බව මර්වින් එතැනදී රූපවාහිනියට කිව්වා. දිවයිනේ සතර දිග්භාගයේ නැටුම් කණ්ඩායම් වලින් හා ඇතුන්‍ගෙන් හැඩ වුනු පෙරහැර සංවිධායක කමිටුව සියල්ල ම පාහේ නියෝජනය කළේ අමාත්‍යංශ නිලධාරීන්. ආර්ථික සංවර්ධන අමාත්‍යංශයේ දායකත්වය ඒ අතර කැපී පෙනුනා. පෙරහැරේ හා විෂ්ණු දේවාලයේ ඉතිහාසය ගැන ලියැවුණු පොඩි පත්‍රිකාවක් හැම කෙනෙක්ට ම ලබා දුන්නා. එහි කියැවුණු හැටියට රාජ්‍ය නායකයන් ගණනාවකට බැරි වුනු මේ දේවාල තැනිල්ල මර්වින් විසින් සිදු කළ බවයි දැක්වුණේ. ඒකත් කාරි නෑ කියමුකෝ.

අවසාන වශයෙන් ඇවරිට හිතෙන හැටියට දැන් පෙරහැර කියන්නෙත් මාර්කටින් සහ තම බලපුලුවන්කාරකම පෙන්වන වැඩක්. අවශ්‍ය මිනිස් සම්පත් තම අමාත්‍යංශයෙන් අරං, තගක් දාලා අලි ටික අරං, ලොක්ක ගාව දණින් වැටිලා කීයක් හරි කඩාගෙන නැතිනම් කළු සල්ලි සුදු කරලා නැට්ටුවන්ට දුන්න ම පෙරහැරක් හොඳින් කරතෑකි කියල කව්දෝ කියනවා ඇවරිට ඇහුණා. හැබැයි මේක නියම අවස්ථාවක්. ඇවරි දකින හැටියට නම් දේශපාලන ගේමක්. ඔන්න බලන්න ලබන පාර මේ දණින් වැටිලා කීයක් හරි කඩාගෙන නැතිනම් කළු සල්ලි සුදු කරලා නැට්ටුවන්ට දුන්න ම පෙරහැරක් හොඳින් කරතෑකි කියල කව්දෝ කියනවා ඇවරිට ඇහුණා. හැබැයි මේක නියම අවස්ථාවක්. ඇවරි දකින හැටියට නම් දේශපාලන ගේමක්. ඔන්න බලන්න ලබන පාර මේ පෙරහැර නවම් පෙරහැර හෝ කැලණි දුරුතු පෙරහැර මට්ටමට එනවා. මේක රාජපක්ෂ පරම්පරාවේ නිල පෙරහැර වුනත් ගැටලුවක් වෙන්නෑ.

මොක ද කිව්වොත් කොළඹ කරන ප්රධාන පෙරහැර දෙකට ම රාජපක්ෂල සෘජුව මැදිහත් වෙන්නැති නිසා. කැලණි දායක සභාවේ සභාපතිත් රනිල්. ඔය රනිල් එතැනට එන්නෙත් නියම ප්ලෑනක් ගහලා. එතුමා බියගමින් ඡන්දෙ ඉල්ලන කාලෙ දායක සභා සභාපතිකම මෑන්ස්ට ඕන කලාලු. දායක සභාවෙ හිටිය පිරිසට ඒකට විරුද්ධව ඡන්දයක් ඉල්ලලා තියෙනවා. කැලණි දායක සභාවේ විධායක මණ්ඩලේ එවකට ඉඳලා තියෙන්නෙ සභිකයො හැට ගණනක්. රනිල් හාමුදුරුවොත් ෂේප් කරන් තවත් සිය දෙනෙක් විධායක මණ්ඩලයට නම් කරලා බඳවලා තියෙනවා. දැන් අර හැට ගාණ ම විපක්ෂ වුනත් තමන්ට ඡන්ද සීයක් ෂුවර් නොවැ??? අන්තිමේ දී ඡන්දයකින් තොරව ම රනිල් කැලණියේ ප්‍රධාන දායකයා වුනා. ඉතිං දායක සභා සභාපතිකම ගන්න එහෙම ගේම් ගහපු රනිල්ට අද පක්ෂ නායකකම රැකගැනීම කියන්නෙ ටොයිස් වැඩක් කියල පැහැදිලි නේ???

මෑතක් වන තුරු ම ගලබොඩ ඥානිස්සරත් යූඇන්පී. හින්දා කොළඹ පෙරහැරකට හොට දැමීමේ දොළදුක රාජක්ෂට නැතිවුනා. දැන් සියලු මැති වරුන්ට කියලා සියල් අංග සම්පූර්ණ පට්ට පෙරහැරක් කැලණි විෂ්ණු දේවාලයේ දී සිදු කිරීමේ හැකියාව ලොක්කට ලැබිලා තියෙනවා. මේක මාර්කට් කරන්න පුළුවන් වැඩක්. පවුලේ වැඩක්. මෙදා පාර ම.රා ට එන්න බැරිවුණේ රඟහලේ ඕපනින් එක නිසා. ඒ නිසා ම ඇමතිලත් ආවට වඩා නොආව. ඔන්න ලබන පාර අපි කොළඹ කාක්කො ඔක්කොට ම විෂ්ණු දේව පිහිට දෙන්න ගති පෙරහැරක් තියලා කැලණිය ම අඬවනවා.

හැබැයි රාජ්‍ය මාධ්‍යට නිකුත් කළ ස්තුති කතාව නම් පට්ට. අපේ ශෂීන්ද්ර කොල්ල වගේ වතුර කැපුවා කියලා දිසාපතිට ස්තුති නොකර ඉඳලා අම්බානකට බැණුම් අහන්නැතිව අඩු නැතුව සියලු දෙනා මතක් කළා. ඒ අතින් රුහුණු කතරගම පෙරහැර කැලණියේ විෂ්ණු මහ පෙරහැර එක්ක ගනිද්දි මොකද්ද කියලා මට නම් හිතුනා.

සිංගල් වන්නම සහ අමන්දාගේ ඛන්ති පාරමිතාව....

2011-12-12T11:26:00.000-08:00

කැන්ඩි අටවක 3

අමන්දාගේ උපාසක ඉවසීම

චානු යක්ෂයාගෙ කාමරේ අපි අරක්ගත්තට මොකද ඊට කලින් රාත්තිරි දෙකක් ම සින්ගල් එහි නවා‍තැන්ගෙන තිබුණා. අපි යද්දි ෂෝර්ටක් දාගෙන සින්ගල් පල්ලෙහා ඇලෙන් වැලි ගොඩදානවා. කොහොමින් කොහොම හරි ඒ මූසල රාත්රියේ අටේ කණිසම විතර වෙද්දි යකා විමානෙට ආව. අනේ ඉතිං ආපු වෙලාවෙ ඉඳලා අපිට වැඩ පැවරිල්ල ඇරෙන්න චානුක යක්සයා නම් කොරාපු දෙයක් නැතුවා.

නුවර ටෙලි පික්ස් ආයතනය විසින් අනුග්රහ කර මුද්‍රණය කළ ඩිජිටල් බැනර් පහළොවකට එස්ලෝන් බට දැමීමේ ව්‍යාපෘතිය භාර වෙලා තිබුණෙ සිංගල්ට. මෑන්ස් අඟලෙ බට ගෙනැවිල්ලා ගානට මැනලා හරි උනන්දුවෙන් වැඩේ කොලා. ඒ දෙපැත්තට ගහපු එන්ඩ් සොකට් හිල්කිරිල්ලයි බැනර් එක ලෙලදෙයි කියන බරට වැලි පිරවිල්ලයි තමා කරන්න තිබුණ වැඩ. ආ..... තව ආරාධිතයන්ගේ තෑගි ඔතන්නත් අපිට පන්ගාර්තු වුනා නොවැ. පාලක මැදිරිය ඒ වැඩේ බාර ගන්න කැමැත්තෙන් හිටියට මොක ද, අචාන්ද්රපද්ම එකහෙළා විරුද්ධ වුනා. නෑ අපි ඔතාගනිමු. එයාට ගෙදර ගිහින් නිදාගන්න කියන්න. මහ මොළකාරයා අන්තිම අනඥාවත් නිකුත් කළා. කාපන් අම්මා....... පාන්දර තුන විතර වෙනකම් තෑගි ඔතලා. කැටලොග් නවලා, බැනර් හදලා වැඩ්‍ර කෝටියක් කළා.

පහුවදා උදේ පාන්දරින් සිංගල් වැලි කෙළියට කතා කරනවා. අනේ වාහෙ අපි ඔය කාලෙ පහු කොරලා නොවැ කැම්පස් ආවෙ..... දැන් මේ වයසත් එක්ක ගත්ත ම වැලි කෙළියට ලැජ්ජාවෙ බැරුවා. අනික අර පුංචි කාලෙ හිටි සාමා එක්කවත් නම් තව කමකුත් නෑ. මේ සිංගල් ගොබිලත් එක්ක???? බෑ බෑ ඉන්තේරුවෙන් ම ඒක කොරන්ඩ බෑ මයෙ දෙයියො.....හ් “මේ බිබික්කමට වැලි පුරවන්න ඕන නෑ බං. ඉන්ඩෝර් ‍ෆ්ලෙක්ස් හුළ‍ඟෙ යන්නෙ නෑනේ????” කස්ටිය වර්ඩින් එක දුන්නා. සිංගල් පව් අප්පා....

මහ රෑ යාමේ මේ - ගං තීරේ....... තනියම වැලි ඇද හිඳිමි බලා....//

අන්තිමේ දී බැනර් ටික චානු යාළුවෙක් එක්ක ගිහින් එල්ලලා ආවා. අපි ලොකේෂන් එකට සෙන්ටර් වුනා. අප්පුචියෝ මෙතන ද තැන...??? භූත බංගලාවක් වගේ නොවැ??? කාරි නෑ කාරි නෑ... අපි වගේ සුර දූතයො වැඩියා ම භූතාත්ම පෑල දොරින් ගිරාමාරු වෙනවා කියනවනේ.... දැන් තියෙන්නේ පොටෝ කෑලි ටික බිත්තිය මතට ඩිෂිබිල් කරවීම.

ඔතනත් රස කතාවක් තිබුණා. කොළඹින් එදා පිටත් වෙන්න කලියෙන් පාලක මැදිරිය විසින් ඡායාරෑප එල්ලීම සඳහා භාවිතා කරන විශේෂ නූල් පිළිබඳ විමසීමක් කළා. අපි කලින් පාවිච්චි කළේ ප්ලාස්ටික් සුදු නූලක්. පන්දරචද්ම ගෙන් නූල ගැන විමසීමක් කළා ම පාලක මැදිරිය හා තිබූ නයි මුගටි ප්රේමය නිසා ම ඒවා හරි කියල පොල්ලෙන් ගැහුවා වගේ උත්තර දීලා නිකා හිටියා. වැඩේ ටස්කෙට ම ඩන් වෙන්නැ කියලා හිතාන අපිත් හිත සුද්දෙන් පිටත් වුනා. අන්තිමේ දී එදා ලොකේසමේ දී තමා වැ‍ඩේ කොට උඩ බව තේරුණේ. කලින් පාර අපි පිටිපස්සෙ බිත්තිට සුදු කොළ වලින් කවර් කරපු නිසා ඒ බිත්තියට ඒ නූල සෙට් වුනාට මෙදාපාර කළු තිර රෙදි තිබුණ තැන සුදු නූල කැපිලා පෙනුනා.දැන් මේ නූල නම් වැඩේට හරියන්නේ ම නෑ....

හිතවාවන්නේ ම නෑ..... අරා...ට බනින්නත් බෑ...

අමන්ද කිව්වෙ ඌ හොරා කියා....//

වෙන නූල් ඇත්තේත් නෑ.... දැන් වැඩේ ‍කෙරෙන්නෙත් නෑ....

අපි හිතාන උන්නෙ මල පනී කියා..... අමන්දා......ට මල පනී කියා....

දැන් අපේ ඉරණ ම නියමාකාරයෙන් ම විසඳිලා තියෙන බව කාට කාටත් පැහැදිලි වුනා. ආයෙත් අලුතින් නූලක් ගේනව නම් නුවරට ම යන්නත් ඕන. සිදුවූ ප්රමාද දෝෂය තම හිසමත පටවා ගත් තොටයා අචාන්ද්රපද්මයත් ඇදගෙන නුවරට ගාටන්න වුනා. උදේ සුලලිත වෙලා හිටි පද්මය දැන් මුකුලිත වෙලා. වෙලාවට තොටයා මෑන්ස්ව ඇදන් ගිහින් මහා පුන්‍ය කර්මයක් කොරගත්තෙ. නැත්නම් අනේ මන්දා චන්ද්‍රපද්මයේ පෙත්තෙන් පෙත්තෙන් පිළිවෙලින් සිඳලා රේණු මංජරිය හා නටුව අප් සයිඩ් වඩුන් ‍කරවලා ඌ ගෙනාපු නූලෙන් ම එල්ලලා වෙන ම එක්සිබිසමක් කොරන්න හොඳට ම ඉඩ තිබුණා. ඛන්ති බලං බලානකං කියනවනේ. ඉවසීම මහා බල ඇණියකි. කොහෙන් කොහෙන් හරි වැඩේ ලත් තැන ම ලොප් වුන නිසා අපේ කෲ එකට පඩි සහිත නිවාඩු.....!!!!

ඔපරේසන් ඇන්ටි ටීක්.....මන්දා

2011-12-12T08:00:00.001-08:00

කැන්ඩි අටවක 2

උදේ වරුව ම පට්ට චාටරයක් කාලා ෆ්ලෙක්ස් එක දාලා කස්ටියත්එක්ක දවල්ටත් ක්ලෝසාගෙ සිමෙන්ති කොට්ටය ප්රධාන බත් මුල් සමූහයා උදර අභ්‍යන්තරයෙහිවඩා හිඳුවලා නුවර යන අටින් මහදැනමුත්තාට කෝල් එකක් දුන්නා. ඇමතුම ලබා දුන්නෙ පාලකමැදිරිය විසින්.

පාලක මැදිරිය : (මේ දවස් වල මා එක්ක මලෙන් ඉන්නෙ ආන්සර්කරයි ද දන්නෑ.) ආ... හෙලෝ අරවින්ද ඔයා කොහෙද? දැන් අපි පිටත්වෙනවා නේද?

චන්දරේ විත් අලිඩොන් : නෑ නෑ ටී....ක් මන්දා ඔයා මේ ගමනටයන්න ඕන නෑ. ඔය ෆොටෝ ටික ඇවරිටයි තොටයටයි දීලා ඔයා ගෙදර යන්න. මං ඇවරිට ගන්නම්.

ඇවරි ලද ඇමතුම : මචං දැනුයි කැටලොග් ටික ප්රින්ට් වෙලාආවෙ. ඒක යකඩ බරයි බං. අපි පන්සීයක් අරං යමු. ඉතිරිය තාත්‍ත ගෙනෙයි. මං ෆොටෝ ඔතන්නගන්නම්. අපි තව පැයකින් යමු. කෝකටත් උඹලා ඇවිත් කිරිල්ලවලින් බැහැපන්කෝ. හැබැයි මංඑන්න ඉස්සෙල්ලා අහවලා ගෙදර යවපන් හරිය???....ඇවරිස් ඉතිං මූනත් නාළු කරං අහවලාට ආරංචිය කිව්වා.

පාලක මැදිරිය : හ්ම් එයාට විකාර ඇවරි. කවුරු එපා කිව්වත්මං එනවා. (ඇර සොයිසා කිව්වලු ඉතිං) දැන් එයා කියන්නෙ අපි කිරිල්ලවලින් නැඟලා හිටන්යන්න ද? මේ මෝඩයට ඇයි තේරෙන්නැත්තෙ අපිට යන්න රෑ වෙන බව. අපි මොනව හරි බීලාඉඳිමු...

වේලාව තුනයි තිහ වුනා..... නුවර.... නුවර.... යක්කල,නිට්ටඹුව, වරකාපොළ...කෑගල්ල.. මාවනැල්ල...නුවර නුවර නුවර වරරරරරර...... දැන් පෙළටමහජන බැංකුව ළඟින් බස් යද්දි පාලක මැදිරිය ගින්නට වන් ලුණු කැට සේ පුපුරනවා. ඒහූල්ලන හීල්ලිල්ලට මැන්ටලේ පිලමට් එක වත් සෙත්ත පෝච්චි වෙයි කියලා හිතුන නිසා මංක්ෂණික චන්දරේ ඇමතුවා. “මොන කෙහුරෙ ද යකෝ ඉන්නෙ???” අනේ බං පොඩ්ඩක් හිටුං. මේ පොටෝඔතනවා... මට පාරට එන්නත් පැය බාගයක් යනවා කෝකටත් තව පැය බාකෙකින් එන බස් එකකටනැඟපන්කෝ....

අනේ ඉතිං අර අසරණීගෙ මූණ බලාගෙන තව පැය බාගයක් ඉඳලා නුවරබස් එකක නගිමු කියන්නයැ??? මං ටිකක් සැර බාල කරලා, කතාවට පුංචි රේන්දයක් හේමඅල්ලලා මේම කිව්වා.... “මොනාද ඔට්ටු තව පැය බාගෙකට බස් එකක් එන්නෑ......????” මංතදයා වගේ කියලා දැම්ම. අනේ හත්වලාමෙ!නුවර නුවර සීට් තියෙනවා නුවර නුවර කියාගෙන ටාටා1510 එකක් කොයි කාකදූවෙන් ද මන්දා හෝල්ට් එකට ආපාතනය වෙච්චි??????

පාලක මැදිරිය දූ.....වල ගිහිල්ලා ඉස්සරහ දොරින් බෙල්ලදාල පොටෝ ටික කොන්ද මාමට දුන්න. තොටයත් ගොඩ. මාත් වෙන කරන්න දෙයක් නැතිකමට දෙයියොබුදුන් සිහි කරන් ගෙටින් වෙච්චි!!! චන්දරේ දැන් ඉතිං ටර්බො දාලා බස් එක අල්ලගනින් මගෙ දෙයියෝ........ මං හිතෙන් කන්නලව් කොලා. තොටය නම් වගේ වගක් නැතිව හිටියාමතකයි. මේ ඩාර්ක් ක්ලවුඩයේ සිල්ව රේ එක හැටියට කිරිබත්ගොඩ හන්දියේ රට්ටු හැම දෙනාම බලාන ඉද්දි කාර් එකක් වෑන් එකක් හා සිප වැළඳගෙන, හුටා... පොලිස් අංකල් කෙනෙක්පුරසිද්ධියේ අවිනීතව හැසිරීමේ ප්රතිවිපාක ගැන දෙන්නට ම බර තෙලක් බෙදනවා. තාමත්සිපපු උන් දෙන්නා ම මහමඟ. අමු හෙළුවෙන්. ෂී ලැච්චයි අප්පා. අන්තිමේ දී ටයර් මාර්ක්කරලා පාරෙන් අයින් කොළා. මේ රති කෙළිය බලන්න සැට්වුන ජනී ජනයා ඈත් මෑත් කොරන්කිරිබත්ගොඩින් පිටත් වෙද්දි විනාඩි හතළිහක් විතර සුන්. අපි ඉඩ තිබුණු හැටියට තුන්පොලකින් ඈඳිගත්තා. පිටිපස්සෙ ම සීට් එකේ කොළඹ සරසවියෙ බුවාල ටිකක් කෑගල්ලට යනවා.ඇවරි චැටක් දාලා රිද්මෙට රොක් වෙච්චි නිසා අලපෙති, කඩල, බයිට්ස් සංග්‍රහ සත්කාරභුක්ති විඳින්න පුළුවන් වුනා. හැබැයි ඒවට හරියන්න උගුර හා කටහඩ දන් දෙන්නත් වුනාකියනවකෝ. :(

බිං කරුවල වැටෙන වෙලාවෙ අපි නුවරට සැපතා.....න් වුනා.ගමනේ සමස්ත අලාභය - දඩ කොළයයි. පැය භාගයක පමාවක්. උගුර නැත. හිස රිදේ (නින්ද යාමේදී බාර් එකේ වැදීම නිසා). කකුල හිරිවැටී ඇත. මොනවා කොරන්නද? හැබෑට ම ඉතිං අරපතාගෙන ආපු කරුමක්කාරකම ඔතාගෙන යන්න කියලා ඉපදුණු සමාන සුඛ දුක්ඛ මිත්තරයො ඉන්නවානොවැ. ආන්න උන්ගෙන් එකෙක් අපිට සහයෝගයට ආව. ඒ තමයි අනේමන්දාගේ මළණුවන් වහන්සේ. (නෑවරදවා හිතන්න එපා. අමන්‍දාගෙ එකකුස උපන් මල්ලි නිසා මෑන්ස් ජන්මයෙන් වහන්සේ ටයිප්තමා) කොල්ල මණ්ඩියෙන් ලෑන්ඩ් කොළ නිසා අපිවත් සී.එස්ගේ නිවසට ඇරලවා ගියා. ‍(මේසී.එස් කියන්නෙ අර මාවතගම ඉඳන් කුරුණෑගල මළගෙදරක අවසන් කටයුතු වලට සහභාගි වෙච්ච,තමුන්ගෙ භාර්යාවට කියලා එහා ඇ‍ඳේ ඉන්න රෑමට මැසේජ් කරන, කොටි ගහනවා කියලා නත්තල්දවසේ රතිඤ්ඤා වලිට බයවුනු, යන යන තැන පෙරළගෙන ඇද වැටෙන කොටින් ම ඇවරි මීට කලියෙන්සඳහන් කළ චරිතයක්)අපි එයාට චානු කියමුකෝ. කොහොමින් කොහොම හරි අපි අයිතිකාරයත්නැතිව උගේ නිවසට ගිහින් උගේ කාමරේ ම තවකාලික භුක්තියට නතු කොරගත්තා.

කබරගොයාට එදිරිව ටිකිරි ලියා හබය

2011-12-12T07:54:00.000-08:00

ටිකිරි ටිකිරි ටිකිරි ලියා

කළෙත් අරං ලිඳට ගියා

වඳලිටකර ගොබරකයා

කකුල කාපි දියබරියා

ඇවරි දන්න කියන අයියා කෙනෙක් තමන්ගෙ ප්රියම්බිකාව එක්කශීඝ්රගාමී නොනිමි පුෂ්ප කණ්ඩනයක නිග්මන්ව ඉන්නා නිශා යාමයේ දී දිනයේ ප්රේමසඣ්ජායනාව අවසන් කිරීමේ එන්ඩ් නෝට් ඉස්පීචයට, උක්ත කාව්‍යෝක්ති ප්රකාරව පුංචිරොමෑන්සයක් ඇඩ් කරනු අටියෙන් අයිය කබරගොයාගේ රෝල් එක ප්ලේ කරන්න ගත්තා. මෙන්න මේ විදියටදෙබසක් තමයි ඇති වුනේ....!!

ඉතිං ඉතිං මගේ ටිකිරි ලියා මොකද දැන් කරන්නෙ...???හ්ම්... දැන් කාල දොයියගන්න කියලා..

එහෙනම් ඉතිං ගුඩ් නයිට්. මගේ ටිකිරි ලියාට මං ගොඩාාාක්ආදරේ කරමි. මෙයට විශ්වාසී කබරගොයා කියලා අයියා වැඩේ හමාර කළා.

ඒක ඇහිල උද්දාමයට පත් අක්කා කියලා තියෙන්නේ මොකක්ද දන්නවද???

මමත් මගේ ටිකිරි ලියාට ආදරේ කරමි... මෙයට විශ්වාසීකබරගොයා....

ඔන්න ඕකයි පුතා අයි ලව් යූ.... ලව් යූ ටූ තියරියකබරගොයා-ටිකිරිලියා මෙතඩයට ඇප්ලයි කළා ම වෙන්නෙ කියලා අයියා ම කතාව හමාර කොළා.

එදායින් පස්සෙ අයියාසදහට ම අපිට කබරගොයා වූ අතර අක්කා ද ටිකිරිලියා වූ බව කිවයුතුයි.

2011-12-11T22:21:00.001-08:00

හ්ම් හත් හවුරුදු හත් මාසෙකට විතර පස්සේඇවාරිස් බ්ලොගින් වලට බැහැපි. පහුගිය කාලෙ කොරපු කියාපු දේවල් හිරිකිතක් නැතිවඅකුරු කොරන්නෙ කොහොමය යන කියන ‍පුරස්නෙත් හිතේ කොනක තියාගෙන විලි ලැජ්ජාව පත්තරකොළේකින් වසංගු කරගෙන අපේ බුවාලගෙ බුවී‍ලාගේ සායම යැවීමේ පරම පවිත්තර චේතනාවෙන්මෙතැන් පටන් කැන්ඩි අටවක පිළිබඳ කොටස් වශයෙන් පළවන ‍බ්ලොග් පෙළක් ලිවීමට ඇවාරිස්මල් බුලත් තටුවක් හත්මුතු පරම්පරාවේ ප්රේත පිසාචයින් කැටුව ගෙන කුම්භාාාාාණ්ඩකඩවරාදීන් විෂයෙහි සාංඝිකව පූජා කොරන්ඩයි මේ ලක ලැහැත්තිය.

කාරණා කටයුතු අඹරන්න කළියෙන් කාට කාටත්පැහැදිලි වෙන්ඩය කියලා ඉවෙන්ට් එක ගැන එස්කකටිව් සරමියක් දෙන්ඩයි තනන්නෙ ඕං. මේකඅපේ කැලණි බාලාංශය හෙවත් කැවියේ පතිබිම්ම කලා විසේෂවේදී දෙවන වසරේ ලොන්පොල් අටදෙනා‍ විසින් මේ වසරේ කොළහැළෙන පෙබරවාරියේ විස්ස විජ්ජාල පරිශ්‍රයේ පවත්වන ලද මුල්අටවක පොටෝ කෑලි එක්සිබිසමේ කැන්ඩි කළාපය. සම්පූර්ණ අනුග්රාහකත්වය KandyAlliance Française දරනු ලැබුවා.නොවැම්බර් 25 ඇරඹි ප්රදර්ශනය නිමා වුනේ දෙසැම්බර් පස් වැනිදා. සමාරම්භක උළෙල සඳහාමහාචාර්ය හල්පේ ප්රධාන ආරාධිත ඇමුත්තා ලෙස සහභාගී වුනා.

(ඇත්තට ම කිව්වොත් මචං මුංගෙ අටවකත් දැන් අරහැම වෙසඟට ම ඇති වෙසක් කළාප, නැත්නම් සර්කස් පැසිපියා වගේ පුංචි ඩිෂිබිල් එකක්වෙලා. කැම්පස් එකේ දවස් තුනක් පෙන්නලා කානු පල්ලේ දාලා, උන්ගෙ ම ගෙවල්වල දුර්වර්ණවෙලා දූවිලි බැඳිලා තිබුණු චූල සම්ප්‍රදායේ (උන් ම කියාගන්න හැටියට) මහා සම්මතඡායාරූප අනේ අර දෑභිවෘද්ධිකාමී, දේශමාමක, සුපේෂල, අකලංක ජීවිත ගත කොරන ප්රවුඩඉතිහාසයකට උරුමකම් කියන නුවර වැසි හුදී ජනයාටත් පෙන්වා කයි කතන්දරයක් අහලා,දෙයියනේ කියලා ඔයින් එකක් දෙකක් විකුණගෙන කාරිය පුංචි බඩ රස්සාවක් කරගන්න මුංවිසින් අමුණපු දහං ගැටේ ඔෆීෂියල් අවුට්පුට් එක තමා අටවක ඡායාරූප ප්රදර්ශනය, අනේකිව්වට මොකෝ මෙදා පොටේ ලණුව කෑවේ Alliance Française නුවර එක. ඇයි බොලව් අපි. හා..... අපි කෑවෙනෑ ඉල්ලං හා ගත්තා නොවැ????)

ඇවරිගෙයි අටවකයි අතර ඇති නෑකම ගැන කතාකොරනවානම් ඒක හරියට ගහට පොත්ත වගේ නොව දියට දාපු කිරි වගේ කියලා කිව්වැහැකි. මොකද ගහෙන්පොත්ත වෙන් කරන්න පුළුවන් වුනාට දියෙන් කිරි වෙන්කරගන්න හංසයට ම කියන්න ඕනයකියනවනේ ඒකයි. මට මතක හැටියට ඔය ව්‍යාපෘතියේ දී නුවර ඇලියන්ස් එකට මුල් ම රාජකාරීලිපිය ලියන ලද්දේත් ඇවරි විසින්. එදා වෙන වැඩකට යුනි ඇවිත් ඉද්දි අරවින්ද චන්ද්‍රපද්මපාපී ග්‍රහයා තමා ඒ වැඩේට ඇවරිව කැන්දාගෙන ගියේ. අපි ස්ටුඩියෝ එකේ ලියුම ලියලා සවසදෙකට කලින් මේල් කළා කියලා මතකයි. පස්සෙ උපනෙත තියෙන කාලෙ වෙද්දි උපනෙත බලන්නආවමත් වැඩේට සෙට් වෙන්න කියලා ඇවරිට නිල ආරාධනාවක් ලැබුණා. කොහොමින් කොහොම හරි අපේපොටෝ කෑලි නැතත් අටවකේ අපේ ෂෙයාර්ස් තියෙන බව කියන්න සතුටුයි.

අපේ කස්ටිය අටවක සඳහා මූලික කටයුතු සිදු කරනකාලෙදි නම් ඇවරිට සම්බන්ධ වෙන්න අවස්ථාවක් ලැබුණෙ නෑ. හෝල් එක බලන්න. අනුග්‍රාහකයින්සොයන්න ඇවරිට යන්න බැරිවුනා. නමුත් නිල වශයෙන් පළමු කණ්ඩායම නුවර පිටත් වන දිනයේගැන්සියත් එක්ක සෙට මෝ‍ල් වෙන්න පොට්ට පිනක් පෑදුනා. (අයි මීන් යට කී කාලයේ අගබිසවට එග්සෑම් බැව් කරුණාවෙන් සලකන්න. නැත්නම් මං යයි නුවර?? ලොලේ ලොල්) එදා මමයි, නේ මන්දා දන්දයි, තොටයයි තමා සියලු ම පොටෝ ටිකත් කරපින්නාගෙන ගියේ. යුනියෙන්ලොග් අවුට් වෙන්න සවස දෙකට දාලා තිබුණත් පන්ද්‍රචද්මයගේ කැටලොග් හුටපටයක් නිසාඅන්තිමේ දී අපි ගියේ තුනත් පහුවෙලා. තව බැනර් එකක් එල්ලන්නත් තිබුණනේ???

ඒකත් මරු සිද්ධිය. කලින් අටවකට ප්‍න්ට් කළෆ්ලෙක්ස් එක දිනයයි තැනයි වෙනස් කරලා කැම්පස් එකේ දාලා එන්නය කියලා අපිට ඕඩර්ස්ලැබිලා තිබුණා. කලින් බැනර් එක තිබුණෙ රිවට් කරලා දැන් පට්ටම ලොකු වැඩියි. බැනර්එක පුංචියි. අන්තිමේ ඇවරි වයින් ස්ටෝර්ස් ටයිප් එකට බැනර් එක එල්ලන්න කළ යෝජනාවසභා සම්මත වුනා. (බැනරය වටා සමාන දුරින් මුදු දමා සිග් සැග් ආකාරයට වෙලා එල්ලීමේක්රමය) අපි ඉතිං රින්ග්ස් දාගෙන ස්ටිකර් ප්රින්ට් එකක දිනයයි තැනයි ප්රින්ට් කරලාතව නයිලෝන් ගන්න සුමුදු හාඩ්වෙයාර් වෙත ගියා. (අනේ පලයන් බං යන්න. සුමුදු නම්කොහොමද උලමො හාඩ්වෙයාර් වෙන්නෙ??? හේනම් සොෆ්ට්වෙයාර් වෙන්න එපැයි...)

ඔන්න ඉතිං තික්නස් එකත් බලලා ලණුවක්සිලෙක්ට් කොළා ම අපේ බුවෙක් අහපි... “අක්කෙ මේ නයිලෝන් කිලෝ ගානට දෙන්නෙ නැද්ද???”අක්කට සිහි එළවා ගන්න ටිකක් වෙලා ගියා. පස්සෙ ඈ පැඟිරි හිනාවක් හේම දාලා මේමකිව්වා. “මං මේ ඇහුවමයි අපෙන් කෙනෙක් නයිලෝන් කිලෝගානට ඉල්ලුවා. එතකොට අපිට පාඩුයිනේ මල්ලි????” හා ඒක මිසක් නැත්නම් අපේ තාත්ත කියලා තියෙන්නෙ හැම දෙයක් ම බය නැතුවකිලෝ ගාණට ඉල්ලන්නය කියලයි. දැන් බලන්න ඉටිකොළ, පොල්තෙල් කිලෝගානට ගන්න එක ලාබයි.අපේ බුවා හත්පොලේ ගා ගත්තා මදිවට තව පණ්ඩිත වාක්‍යත් කියවනවා. තවත් නෝන්ඩි නොවී අපිඑතැනින් ෂට්ඩවුන් වුනා.

උ... පෙන..ත

2011-10-08T08:15:00.000-07:00

කාලය ගෙවිල ගිහින් තවත් උපනෙතක් ඇවිල්ලා. මෙවර කැලණි සරසවියේ උපනෙත ඡායාරූප ප්රුදර්ශනය හා කෙටි චිත්රපට උළෙල පහුගිය පස් වැනිදා ආරම්භ වුනා. තවත් විද්යාඋර්ථීන් දස දෙනෙක් තමන්ගේ (අදක්ෂතා මේ හරහා ප්ර්දර්ශනය කළා.
උපනෙතත් එක්ක ඇවරිගෙ බොහොම හොඳ නෑ හෑදෑකමක් තිබුණත් මේ සැරේ උපනෙත ගැන මිනිස්සු කලින් කතා කරපු දේවල් එක්ක ඒ ගැන ලොකු පැහැදීමක් නොතිබුණ බව කියන්න ඕන. හැමෝ ම කීවෙ මේ සැරේ නම් බලන්න දෙයක් නැති වෙයි කියලයි. කවුරුත් කිව්ව මේ කාරණේ ඇත්තක් ද කියලා බලන්නත් එක්ක ඇවරිත් ජිම් එකට ගෑටුවා.
වරදක් ම නෑ. අපිට කන්න බොන්න දුන්නනේ???? තාක්ෂණික අංශයෙන් ගත්තොත් ඡායාරෑප ඉදිරිපත් කිරීමේ දී ඔවුන් වඩාත් ලාබදායී ක්රොමයක් මෙවර අත්හදා බලලා තිබුණා. ඒ ලී පෙට්ටි කළු තිර මගින් ආවරණය කිරීමෙන්. ඡායාරූප රාමු කිරීමට යන වියදම ඉතුරු කරගනිමින් රෙජි‍ුෆෝම් සීට් මත සේයාරූ අළවා තිබුණා. නමුත් මේ සමස්තය තුළ වෘත්තීය ප්රරදර්ශන ශිල්ප ආරක්ෂා කරගන්න ඔවුන් කටයුතු කර තිබුණා. ගියවර කවුන්සිලේ උඩු මහලේ දර්ශනය කළ කෙටි චිත්ර පට බිම් මහලේ ම වඩාත් ආකර්ශනීය ප්රුදර්ශන ශාලාවක් තුළ ඉදිරිපත් කිරීමත් සාධනීය තත්ත්වයක්. එම ශාලාවත් කළු තිර යොදා සකසා තිබුණා. නමුත් ඉන් කෙටි චිත්‍රපට කෙරෙහි ප්රේරක්ෂක අවධානය අහිමි වීම යන කාරණයට උත්තරයක් දීලා තිබුණා.
මුලින් ම ඔබ දකින්නෙ Moments by an accident ශිවන්තිකා පතිරණගේ සේයා රූ පෙළ. පස්සෙ පත්රම මත ජීවිතය, විමල් ප්රිඅයශාන්ත (රාජාගේ) ඡායාරූප වගේ ම අහසේ කලාව, දර්ශනී චතුරිකා කඩ්ඩි අක්කාගෙ සේයා රූ බලා ගන්න පුළුවන්. ඒ අහසේ සේයා රූ ගැන බොහෝ දෙනා කතා කළ බව පේන්න තිබුණා. ජීවන රිද්මය, අනුරාධ ජයවර්ධනගේ සේයා රූ පෙළත් හිතට අල්ලනවා. නමුත් ඒවා ස්ථාන ගත කළ ආකාරය ගැන මගේ පැහැදීමක් නෑ. කොහොමත් ගියවර නදිෂ්ක අයියා කළා වගේ සේයා රූ ඉදිරිපත් කිරීම ගැන මේ අය වැඩි සැලකිල්ලක් දක්වලා තිබුණේ නෑ......
හොඳ ම තැන හොඳ ම දේ තිබුණා නම් ඒ ධනුෂ්ක කහඳවආරච්චිගේ ත්රිගමාණ සේයා රූ පෙළ. ධනුෂ්ක අයියගේ අයියා තමා නියම වැඩකරු. පැමිණි පිරිසෙන් බහුතරය එහි රැඳුණේ යම් තරමක අලුත් අත්දැකීමක් වුණ නිසයි. වටදාගේ පැනෝරාමාව, අලියා, නෙළුම් පොකුණ, වගේ හිතට වදින ත්රිකමාණ සේයා රූ ගොඩක් තිබුණා. වැඩේ සාර්ථක නිසා ම අ‍පේ වීසීවර ලංකාවේ ත්රිෙමාණ සේයාරූ ප්රවදර්ශනයක් කිරීම වෙනුවෙන් අදාළ පේටන්ට් බලපත්ර යක් ගන්නා ලෙසත් ධනුෂ්ක මහතාගෙන් ඉල්ලා සිටියේ ලු! විශේෂ රතු නිල් කණ්ණාඩියක් දාලා පොඩි ජිමික් එකක් දාන නිසා වැඩේ නැඟලා ගියා.
දැන් ඇවරිගේ චිත්රිපට විචාරය, ධනුෂ්ක සෙනවිරත්නගේ ‘කර්ම’ නම් මට එච්චර ඇල්ලුවෙ නැති ප්ලොට් එකක්. වාර්තාමය ගතිය වැඩියි අප්පා. අර අන්ධයා ගැන තිබුණ මහේෂ් චතුරංග චිත්ර්පටය ගැනත් අවුලක් ම නෑ. (අවුල තියෙන්නෙ පුද්ගලයා ගැනනේ?) ප්රෂදීප් සඳරුවන්ගේ ‘ඩ්රීමර්’ නම් මං කැමති වැඩක් කරපු ෆිල්ම් එකක්. එතකොට රොෂාන් රූපසිංහගේ ‘චරිත’ කෙටි චිත්ර පටයත් හොඳයි. ඒක නිකම් ලයිෆ් ඉන් අ මෙට්රෝ වගේ. ඇවරිගේ කැමති ම ෆිල්ම් එක තමා අචල ප්රිපයංකරගෙ ‘ද ලෙටර්’ කෙටි චිත්ර පටය. එහි සිනමාත්මක බව ඉතා ඉහළයි. අනික හැමදාම වැරදි කරලා දුවන්නෙ වැරැද්ද කරපු එකා නොව වැරද්ද සිද්ද වුණ එකා බව හරි අපූරුවට පෙන්නලා තිබුණා. ඒක නම් කෙටි චිත්රදපටයක් තමා.
හලේ ඉතිං මං බලපු උපනෙත ඔයාකාරයි. මෙතන වැඩක් කියලා දෙයක් කරලා තිබුණෙ ටික දෙනයි. දැන් ඉතිං වනේ වාසේ නිසා උපනෙතත් බහිනකලාව කියලයි රට්ටු නම් කියන්නෙ. කොටින් ම කියනව නම් උරුමක්කාර බාප්පලත් උත්සවේ මඟඇරලා ඉන්න තරම් කුරිරු වුනා ය කියනවනේ. හැබැයි විශේෂවේ දී තෙවන වසරේ අයිමැටේ මගේ මිත්තරයන්ගේ සහභාගීත්වය නම් අන්තිමයි. අපේ අරා‍ට බැනල තමයි අර නයින් හාර්ට්ස් ඇඩ් එක ප්ලේ කරවා ගත්තෙ. එතකොට අපේ පවුඩ බාප්ප ආගිය අතක් නෑ. මුං ඔක්කො ම කිව්වෙ ‘හරි මචං මේක අපේ උපනෙත නෙමෙයි නේ කියලා’ ලබන ඔක්තෝම්බරයේ ‍තොපේ උපනෙත ගැන ලුණු ඇඹුල් ඇතුව කියන්න හිතාගෙන ඇවරි නවතිනවා.
ඉහතින් දක්වා ඇත්තේ ඇවරිගේ පුද්ගලික ප්රතවාද බව කරුණාවෙන් සලකන්න.

මචං මං වැඩකට ආවා නෝනා නම් යුනියේ ඇති????

2011-10-08T08:05:00.000-07:00

මේ ළඟක දී මල් බකටක් දීලා සරණ බන්ධනයට එළඹිච්ච අපේ ම බුවෙක් සහ බුවියක් විසින් මට දෙන ලද සුන්දර මල් මාලාවක් ගැනයි මේ පුංචි යාන්ස් එක.
අලුතා ගෙනා මනමාලිය නිසා ළඟපාත ‍ආකර්ශන සියල්ල වන්දනාමාන කරගැනීමේ කටයුතු සිදු කරන අතරේ නිකාඩෝ සිනමාව වඳින්නත් දෙන්නට යන්න ඕන වෙනවා. එදා විභාගෙට ඇඩ්මිෂනුත් අරං මිත්ර පරාණය ගැන හොයලා බලලා ඇමතුමක් ගත්තා. ‘අනේ මචං මං මේ පුංචි වැඩකට කඩවතට ආවා. නෝන නම් හිල්ටන් එකේ ඇති’ කියලා මෑන්ස් ජංගමයා තිබ්බා. (හිල්ටන් කියන්නෙ ලෝක ප්රමසිද්ධ හිල්ටන් හෝටල් සමූහයේ කැලණි සරසවි ශාඛා ආපන ශාලාව කියල දන්නවා ඇතිනේ?) අනේ ඉතිං ඇවරිත් හිල්ටන් මංගච්චලා දැකුම් ජොජ්ජ මන්දො කළාට අංගනාව ඇස නොගැසුණු නිසා කෝල් පොජ්ජ මන්දු කළා.
මුල් ම පාර ප්රඛතිචාරයක් නෑ කියලා තිරගත වුන නිසා. ඇවරි පණිවිඩයක් යැව්වා. ඒකට ‘ඇයි’ කියලා රිප්ලයි ආව ම ‘ලෙක්චර් එකක ද?’ කියලා මං ඇහැව්වා. ‘නෑ අපි ෆිල්ම් එකක් බලන්න ආව මචං....’ අංගනාව රිප්ලයි කරලා තිබුණා. ‘හා හා බලා වරෙන්’ කියලා මාත් මෙසේජ් කළා.
මේජර් හදපු චිත්ර.පටිය කිව්වත් මගේ මිත්රනයට තමා ළඟ ම ආසනේ හිටිය පෙම්වතියත් අමතක වෙන්න තරම් ම කලාත්මක බවත් ගාමනි හි තිබුණයි කියලා මාත් විශ්වාස කළේ ඔය සිද්ධියෙන් පස්සෙ.

දෙවියන්ට කේවල් කරමු ද?

2011-08-27T10:07:00.000-07:00

මීට කලින් කතරගම පෙරහැර කළේ ඒ ඒ නිලරාජකාරීවරුන්ගේ මැදිහත් වීම මතයි. ජනප්‍රවාදයේ තියෙන හැටියට එක පාරක් අපූරු වැඩක් වෙලා තියෙනවා. කාලයක් දරුණු නියඟක් ඇවිදින් මිනිස්සුන්ගෙ අටු කොටු විනාස වුනා ම කතරගම පෙ‍රහැර කරන්න හැකියාවක් නැතිව කපු පත්තිනි මහතා දුකින් ඉන්න වෙලාවෙ සුදු වතින් සරසුණ කෙනෙක් පෙරහැර කරවන්න, මිනිස්සු කළමනා අරං එයි කියලා දිරිමත් කළාලු. ඒ කියාපු විදියට ම තවලම් කරත්ත වලින් මිනිස්සු ඇවිදින් මුරුතැන් පූජාව කරලා පෙරහැර පැවැත්වුවා කියලයි කියන්නේ. දැනටත් ඒ කාලෙට ගැල් තවලම් එන සිරිත තියෙනවා. හැබැයි සල්ලි ඉතිං මදියි. හැබැයි කම්පනා කරලා බැලුව ම දුප්පත් අපිත් වෙන බාර හාර වලට පන්සීයෙ කොළයක් තියන එකේ ලොකු ලොක්කො වෙන බාර වලට පුදන දේවල් හැටියට කතරගමට පෙරහැර කරවන්න සල්ලි නෑ කියන්න බෑනේ??? අපෝ දේවාලෙ සල්ලි වෙන් කරලා ප්‍රධාන කපුතුමාගෙ ගෙදර ගෝනි පිටින් දාල තියෙන හැටියට සල්ලි නෑ කියන්න බෑ තමා.

නමුත් වර්තමාන ලෝකෙ හැටියට පෙරහැර කියන්නෙ මාර්කට් කරන්න පුළුවන් සංස්කෘතික අංගයක්. පසුගියදා නිමාව දුටු නුවර පෙරහැරේ වුනත් පුටුවක් විකිණුනේ කීයට ද කියලා ඔබ දන්නවා ඇතිනේ. මේ හරහා විවිධ ආයතන මගින් සිදු කරනු ලබන ප්‍රමෝෂන් හෙවත් අලෙවි ප්‍රවර්ධන වැඩසටහන් මගින් කෝටි ප්‍රකෝටි ගණනින් ලාභ ඉපැයිය හැකි බව පෙරහැර කරවන රාලලා තේරුම් ගන්නවා. නිල අනු ග්‍රාහකත්වය, සම අනුග්‍රාහක, ආදී වශයෙන් දෙවියන් කේවල් කෙරෙන්නේ මේ පසුබිම යටතේ. මෙම කේවල් කිරීම M.G.H Associates සමාගම හරහා සිදු කිරීමයි සිරිත. එහි මුල් පුටු සියල්ල ම පෙරහැර රාළලාගේ ම ව්‍යාපාර හා සම්බන්ධ නිසා මල්ලෙන් ගියත් පෙට්ටියෙන් ගියත් එක ම තැනට තමා. සාමාන්‍යයෙන් පෙරහැර කාලයට නොනිල උද්දමනයක් කතරගම ක්‍රියාත්මක වනවා. ප්‍රවර්ධනයක් කරනවා නම් ප්‍රාදේශීය සභාවෙන් අසර ගත යුතු වුනත් පෙ‍රහැරේ අරමුදල් සියල්ල M.G.H Events විසින් සිදු කරනවා. මෙවර එහි නිල අනුග්‍රාහක ශ්‍රී ලංකා රක්ෂණ සමාගම මිලියන විස්සක ප්‍රධාන අනුග්‍රහයක් ලබා දුන්නා. හැබැයි මේ මිලියන විස්ස ව‍ගේ ම අනෙකුත් මිලියන ගණන් ආධාර සඳහා කතරගම ‍දේවාල කාර්යා‍ලයෙන් රිසිට් පතක් නිකුත් කරන අතර එය එම ආයතන වලට වාර්ෂික රජයේ බදු මුදල් වලින් බේරී සිටීමට හේතුවක් වනවා.

ජාතික ලොතරැයි මණ්ඩලය, ලා‍ඕජී, ගජමුතු සෝයා මීට්, ඩයලොග් කතා දන්සැල, සිද්ධාලේප පේයාව, සියරා, මිහින් ලංකා, ලක්ලුණු, දැව සංස්ථාව, සන් ලංකා ඔටෝ ට්‍රේඩර්ස්, විෂන් කෙයාර්, ෆිනගල්, එස්.එස් ෂිපින්, සිංහගිරි, ලංකාබෙල්, වීවීකේ, වරාය අධිකාරිය, පැලවත්ත සීනි කම්හල, ලංකා සිමෙන්ති, සිංගර්, මග නැගුම, ඩිලයිට් සමූහ, කැලණි කේබල්ස්, ටො‍රානා, මාර්ග සංවර්ධන අධිකාරිය, සන්කෙන් ආදී බොහෝ ආයතන මේ සද්කාර්ය සඳහා එකතු පහදු වී සිටියා. හැබැයි අනාරාධිත සමාගම් සමඟ ගහ මරා ගන්නත් අපිට සිදු වුනා. උදාහරණයක් විදියට ප්‍රධාන අනුග්‍රාහකයා වුනු රක්ෂණ සමාගම සමග තරගයට රුපියල් පණස් දහසක් ගෙවා පැමිණි ජනශක්ති රක්ෂණ සමාගම අට්ටාලයක් පට්ටල් කරගන්න ගිහින් අපි එක්ක මරා ගත්තා. සම්පූර්ණ පෙරහැර ම කන්ට්‍රැක්ට් කරලා තියෙන්නෙ. එහි විදුලි සැපයීය නයිනමඩමේ ශ්‍රීලාල් ඉලෙක්ට්‍රිකල්ස් වෙතින්, පෙරහැර බලන අට්ටාල මොරටුව සිල්වි සවුන්ඩ්ස්, පානීය ජලය ඕසෝන් ආදී වශයෙන් අ ටු ඉසෙඩ් කන්ට්‍රැක්ට්. මේ සියල්ල නිළමේ තුමා වෙනුවෙන් එම්.ජී.එච් විසින් කුළී පදනම මත ඒ ඒ ඒජන්ත වරුන්ට ලබා දී තිබුණා. ඇත්තට ම මෙහි නොමිලේ සහභාගී වුනේ නිළමේතුමා විතර ම ද මන්දා. එතුමත් ඉතිං දිනපතා පෙරහැරේ ගියේ නැහැ නොවැ. ඒකනේ වස් වැදුනෙ???? හරි හරි ඒ ගැන පසුව කතා කරමු. දැනට මේ ඇති හරෝ හරා....!!!!

සුරිඳුනි කතරගම

2011-08-27T09:09:00.000-07:00

2011 වසරේ වැඩ වැඩි වීමත් එක්ක ඇවරිට සලාද ලියන්න වෙලාවක් නැති වුණ බව ඇත්ත. ඒත් පහුගිය ටිකේ ම ඇවරි සලාද ලියාගෙන ගියා. නමුත් කරුමෙ කියන්නෙ මේ කිසිවක් උඩුගත කරගන්න නොහැකි වුනේ විශේෂයෙන් ම ලියන ලද කතරගම සලාද එකතුව නිසා. දැන් පටන් ඔබ කියවන්නට යන්නේ මේ සැරේ කතරගම පෙරහැර දින ජූලි පළමුදා සිට පහළොස් වන දා තෙක් නිරතුරුව නරඹපු, එහි රාජකාරි කරපු, පෙරහැර විකුණපු, ඇවරිගේ පට්ටපල් ඇත්ත ම ඇත්ත සලාද සටහන්.

අපිට කතරගම පෙරහැර සඳහා එකතු පහදු වෙන්න ලැබෙන්නේ අප අධ්‍යයන අංශයේ ව්‍යාපෘතියක් හැටියට. අපේ අධ්‍යයන අංශයත් මේ වන විට කතරගම පෙරහැර සින්නක්කර අයිතිය සඳහා ලියවාගෙන සිටින එහි නිළ සංවිධායකයින් වන M.G.H Events ආයතනයත් අතර ඇතිවන අවබෝධතාවයක් මත අපි විසි දෙනෙක් ඒ සඳහා තෝරා පත් කර ගන්නවා. දින පහළොවක් කතරගම නේවාසිකව සිටිමින් ආයතනයේ මෙහෙයුම් කටයුතු වලට උදව් කරන අතරේ සංචාරක සමීක්ෂණයක් සිදු කිරීම තමා අපේ අරමුණ වුනේ. ඒ අතින් බලද්දි නම් මේක වරප්‍රසාද ලත් හොලිඩේ එකක්.

අපි කොළඹින් පිටත් වුනේ ජුනි මාසෙ තිස් වැනිදා මධ්‍යහ්න දොළහට. පහුවදා පෙරහැර මංගල්‍ය පටන් ගන්න සියල්ල සූදානම් කර තිබුණා. අපේ නඩේ රැගත් බස් රථය රාත්තිරි අට පමණ වෙද්දි කතරගම බස් නැවතුම්‍පොළේ නවත්වනවා මතකයි. දිග ගමනකින් පස්සෙ අපිට කලින් කියාපු විදියට කතරගම දේවාලයේ ප්‍රධාන කාර්යාලය වෙත වාර්තා කරන්න අපිට සිද්ද වුනා. අනේ ඉතිං ලට්ට ලොට්ට අතින් කටින් එල්ල ගත්තු අපි දේවාලයේ කාර්යාලය වෙත යද්දි නවය පසුවී තිබුණා. කාර්යාලයට පැමිණියා ම අපිට ඒ කාලය තුළ තාත්තෙක් වගේ උදව් උපකාර කළ කතරගම පෙරහැරේ නිල සම්බන්ධීකාරක ඩබ්.එච්.ආර් දිමන්ත මහත්තයා මුණ ගැහෙනවා. සුදු සරමින් හා කමිසයෙන් සැරසුණු මස් මාළු නොකන බඩ නෙරපු නිතර සිනාසෙන මෙතුමා අපිව හොඳින් පිළිගත්තත් ඒ සමඟින් ම කතරගම පෙරහැරේ පිරිත් සඣ්ඣායනයක් පටන් ගන්න නිසා එතුමාට පිරිත් මණ්ඩපයට යන්න සිද්ද වෙනවා. අපි අතන කිරිවෙහෙරට යන පාරේ පිරිත් මණ්ඩප‍ය ඉදිරියේ කතාබස් කර කර හිටියේ බඩගින්න තුන් පිරිත අවසානය දක්වා ඉවසීමට සිදුවන බව දැන දැනමයි.

අන්තිමේ දී පිරිත් පේ කළ ගමන් අපි ළඟට ආපු දිමන්ත අයියා කෑමට එක්කන් යනවා. ඒ කතරගම දිසාපතිතුමාගේ තාවකාලික කාර්යාල කාමරය වෙත. ගමන් වෙහෙස නිසා ම ඉක්මණින් අපිව නවාතැන් කරා යොමු කරන ඔහු M.G.H හි ඇසීට අපිව භාර කරනවා. අපි මුලින් ම යන්නේ කිරිවෙහෙරට අනුබද්ධ පව්විවේකී විශ්‍රාම ශාලාවට එහි ගැහැනු ළමයින්ට කාමර ලබාදී කොල්ලන්ව දුටුගැමුණු විශ්‍රාම ශාලාව වෙත යැවෙනවා. දවසේ කටයුතු අහවර කරලා එදා නම් අපි ටිකක් කලින් නිදා ගත්තා.

දෙවැනි තුන්වැනි දවස් වෙද්දි කතරගම පැරණි කෞතුකාගාරයේ කාමරයක් තුළ M.G.H Events හි කාර්යාලයක් විවෘත කෙරුණා. එතැන් පටන් පෙරහැරේ සියල්ල සම්බන්ධීකරණය කෙරෙන්නේ එහි සිටයි. කතරගම පෙරහැර කියන්නෙ කතරගම දෙවියන් හා වල්ලි මාතාවගේ සරණ බන්ධනය සිහිපත් කිරීමේ චාරිත්‍රාංගයයි. මීට අමතරව බක් මහ මංගල්‍ය නමින් අලුත් සහල් මංගල්‍යත්, ඉල් මහ මංගල්‍ය නමින් තවත් විශේෂ උත්සව දෙකක් කතරගම පුදබිම ආශ්‍රිතව පැවැත්වෙනවා. දැන් මේ M.G.H Events මගින් තමා මේ සියලු කටයුතු සම්බන්ධීකරණය කරන්නේ. ඇත්තට ම පෙරහැර සඳහා සැලකිය යුතු බරපැනක් වියදම් වනවා. මේ නටන එක නැටුම් කණ්ඩායමකට දිනකට රැපියල් දස දහසත් පහළොස් දහසත් අතර වියදමක් යනවා. පෙරහැර මාවත විදුලි බුබුළු වියනින් ආලෝකවත් කරන අ‍තරේ දේවාලයේ සිට කිරිවෙහෙර දක්වා දෙපසින් මාර්ගය විදුලි ආලෝක කරනවා. පාද යාත්‍රාවෙ එන මිනිස්සුන්ට කන්න දෙන්න ඕන. පානීය ජලය, සනීපාරක්ෂක පහසුකම් දෙන්න ඕන. තව අතුගාන කම්කරුවාගේ සිට සියලු නිල රාජකාරි වලට උදා ආහාරය දේවාලය මගින් සැපයෙනවා. මේ සියලු ඉයුම් පිහුම් සිදු කෙරෙන්නේ දැනට ඉදිවෙමින් පවතින දේවාලයේ නිල විශ්‍රාම ශාලා භූමියේ.

මට උපන්දින තෑග්ගක් ඕනා....

2011-08-24T12:19:00.000-07:00

අඩ්ඩ ඩඩේ කාලේ ගෙවීලා.... ලෝකේ කැරකිලා ඇවරී නාකි වෙලා නොවැ!!! හැබෑවට ම මේ මගේ 23 වැනි උපන්දිනය. පහුගිය අවුරුදු දිහා ආපහු හැරිලා බලන්න අවස්ථාවක් මේ උපන් දිනයත් එක්ක උදා වෙලා. කොටින් කිව්වොත් මේ උපන් දිනයට ඇවරි මිතුරු මිතුරියන් සියලු ම දෙනාගෙන් උපන්දින තෑගි බලාපොරොත්තු වෙනවා.
අවුරුදු විසි තුනක මගේ ජීවිත කාලයේ කවමදාක හරි අපි මුණගැහිලා ඇති. කතා කරලත් ඇති. නැතිනම් කිසිම පූර්ව දැන හැඳුනුම්කමක් නැතුව මේ සයිබර් අවකාශයේ දී ම මුණගැහිලා පුංචි පහේ චැට් එකක් දාලා ඇති. කරන්න ඕන මෙච්චරයි. මේ මොන විදිහකින් හරි දැන අඳුනාගෙන ‘ඇවරි’ නමින් ඔබ විසින් කියවන ලද පුද්ගලයා පිළිබඳව ඔබේ හොඳම මතකය හෝ ඔබේ පුද්ගලික අදහස මේ පෝස්ට් එකේ පහළින් කමෙන්ටුවක් විදිහට ලියලා යන්න.
කමෙන්ට් මොඩරේට් කරලා තියෙන නිසා ඔබ කැමති දේ මූණට ම කියලා දාන්නත් පුළුවන්. හැබැයි අඥාත ලෙස පෙනී නොසිට මට ඔබ හඳුනාගත හැකි ලෙසින් අදහස් දක්වනවා නම් මං කැමතියි.
මොක ද තෑග්ග දෙන්නෙ කවුද කියලා මං දැනගන්න එපෑයැ නේද???

පිං පෙත් සටහන

2011-08-08T15:39:00.000-07:00

උත්තර වුනේ මේවා. ඔව් භාජන අපි දෙනවා. අවසර ගැනීම - ඇවරිගේ ජිල්මාර්ට්, වතුර - අපි උඩට අද්දමු, ඉන්ෂුවරන්ස් - වැඩි වැඩ නොකරන් අඹරෝ.... උත්තර හරි සරල උනාට ඇවරිගෙ ටීම් එක ඒ හීනය ඇත්තක් කරන්න හුඟක් මහන්සි වුනා. අපි මුදල ගැන සෑහෙන්න හිතුවා. අපිට ඕනවුනේ අඩු ම මුදලට හොඳ ම අත්දැකීමක් දෙන්න. හරියට ම කිව්වොත් 99 PC ව්‍යාපෘතිය වගේ. අන්තිමේ දී රුපියල් දෙසීයක් ඇති කියලා තීරණය වුනා. මුලින් ම ලැබුණු මුදල් අපි ඔවුන්ට දෙන්නට යෝජනා වුන සමරුව වෙනුවෙන් වියදම් කළා. මොකද දවස අවසානයේ ආපු මිනිස්සුන්ට දින්නත් නැතත් සිහිවටනයක් ගෙදර ගෙනියන්න දෙන්න ඕන නිසා. ඒ ලාංජනයේ ආර්ට් වර්ක් එක අරවින්ද චන්ද්‍රපද්ම කළා. නමුත් එහි ලාංජනය කළේ තාරක ධනුෂ්ක නමින් අපි අලුතින් ම හඳුනාගත් නිර්මාණශිල්පියෙක්.

මුලින් ම ආර්ට් වර්ක් කරලා ඇඩ් එකක් දැම්මා. ඒකට හොඳ ප්‍රතිචාර තිබුණා. සල්ලි දුන්න ම රිසිට් එකක් වෙනුවට අපි ටිකට් එකක් දුන්න. ඒක ඩිසයින් කළේ ප්‍රසාද් අලුත්වත්ත. තව අවසානයට දුන්න සිනමා ප්‍රවේශපත්‍රයෙත් නිර්මාණශිල්පියා ඔහුයි. ඇත්තට ම කිව්වොත් ඔහු Threaten Endemics හි නිල සැලසුම්කරු. ඒ අනුව ඉවෙන්ට් එ‍‍කේ ඩිසයිනර්ස්ලා තුන් දෙනයි.

ඊතල ලකුණු කරන්න දින ගණනාවක් පිළිකුත්තු බඩ ගාන්න අපිට සිද්ධ වුනා. ඒ සියල්ල රගාගේ මූලිකත්වයෙන් තමා සිද්ධ වුනේ. විනිශ්චය මණ්ඩලය අපි පිටින් ගෙන්නුවා. ඒ.පී ධම්මික බාලසූරිය, එම්.කේ නදීක ගයාන්, විදුරංග ගයාන් යන තුන්කට්ටුව සාධාරණ විනිශ්චයක් ලබා දුන්නා. එම්.කේ ක්‍රිෂාන්ත චාමර, රෝහන පුෂ්පකුමාර, බී.ජී පැතුම් මධුසංක, එස්. ප්‍රසාද් කුමාර හා ඒ.ලක්ෂිත මනෝජ් යන අය අපි නිරීක්ෂකයන් ලෙසත් යොදා ගත්තා.

පිළිකුත්තුව අභියෝගය 2011 නිල වීඩියෝකරණය විහායාස් ප්‍රඩක්ෂන්ස් වෙතින්. අවසාන වශයෙන් ස්ථානය ලබා දුන් රේවත හිමියන්ට හා සෙවනගල කරුණාරත්න හිමිවරුන්ටත්, පුරා විද්‍යා ස්ථාන භාර නිලධාරිනිය හා කුරුප්පු මහතාටත් සංවිධායක මණ්ඩලය ස්තුතිවන්ත වෙනවා. ජයග්‍රාහිකයන්ට ලිබර්ටි සිනමා ශාලාවෙ ට්‍රාන්ස්ෆෝමර්ස් 3 බලන්න යන්න ප්‍රවේශපත්‍ර හයක් දුන්නා. සුපිරි උකුස්සන් එය ඩැහැගත්තා. කාරි නෑ දෙයක් වේ නම් යම් සුදුස්සාට ම අයිති විය යුතු කියනවනේ...!! පුරෝතුමා ළමයින්ට රෑ වෙලා ගෙදර යන්න විදියක් නෑ, තව කට්ටිය එක ම වෙලාවක ගෙන්වා ගන්න ඕන කියලා දැඩි ව කී නිසා ගමනාගමන පහසුකම් සපයන්න වුනා. අනික ඒ රාත්‍රියෙ අපේ කස්ටියව කෝමත් පාරෙ බස් එකේ එවන්න අපිට හිතුනෙ නෑ!

උදේ නම් ටිකක් වැස්සා. අපි උපායශීලී විදියට අයිතමයන් එහෙ මෙහෙ කරලා වැඩේ ගොඩදා ගත්තා. නමුත් ඔයාල සරුංගලුත් ඇරිය නිසා අපිට සතුටුයි. මේ හැම එකකට ම මාත් එක්ක හිටපු ක්ලෝසටත්, ගයියටත්, රගාටත් විශේෂයෙන් ස්තුතිවන්ත වෙනවා. ඒක අපි හතර දෙනා කළාට උඩ කියපු අරා, අලුතා වගේ ම හැමදාමත් අපිට ම වද දිදී ඉන්න යානි සහ චිලී ඇතුළු Threaten Endemics පවුලේ වැඩක්. ඒ වගේ ම මේ වැඩ වලට දුවලා අන්තිමට ම හොයල බලනකම් ම වචනයක්වත් නොකිය හිටියත් ඇයටත් බොහෝ ම පිං.

මං හිතන්නෙ අපි හරි මිනිස්සුන්ව හරි තැන් වලට ආදේශ කිරීමෙන් සහ නිවැරදි මිනිසුන්ට නිවැරදි වැඩ පැවරීමෙන් සාර්ථකත්වයක් අත්කර ගත්තා. මේ වගේ එකක් තව කවුරුත් කැම්පස් එකේ කරන්නෙ නෑ. ඇවරි ඒක සීයට දෙසීයක් ගැරන්ට් කරනවා. මොකද අපිට තරම් වෙන කාටවත් පිස්සුවක් නැති නිසා. අපි කීයටවත් ඔබ දුන්න රුපියල් 200ට වැඩේ කරල අතපිහිද ගත්තෙ නැති නිසා අපි ඇත්තට ම සතුටු වෙනවා. සතයක් එකතු නොකර මේ ඉවෙන්ට් එක කරන්න, කරවන්න තිබුණා. අපි පවුලේ කට්ටිය විතරක් කළා නම් ඔය ප්‍රවේශ ගාස්තුවක් කොහොමත් ගන්නෙ නෑ. නමුත් ඔබට ඒ අත්දැකීම වටින බව දන්න නිසයි අපි මෙච්චර කැපවීමෙන් මේක කළේ. ලබන අවුරුද්දක් ගැන හිතන්න ඉස්‍සෙල්ලා මේ පාර වැඩ ඉවර කරන්න එපැයැ.

උපකාරනුස්මෘතිය

2011-08-08T15:34:00.000-07:00

කලකට පස්සේ වෙලකට බහින්න ඇවරිට හිතුනා..... බ්ලොග් එකට වඩා ආදරේ කරන්න දේවල් ලැබුණ නිසා මගේ අතිජාත බ්ලොග් එකේ මකුළු දැල් පවා බැඳිලා. මේ තකහනියේ පුංචි පහේ සුද්ද බුද්දයක් දාලා පෝස්ට් එකක් දාන්න හිතුවෙ ඊයෙ පෙ‍රේදා ඇවරිලගේ තර්ජිත වඳවූවන් Threaten Endemics කස්ටියගේ දහ අට පාලියට පේවිලා බෙරගහපු, දුම්මල අල්ලපු, කවි කියපු, ආවේස වුණ හත්මුතු පරම්පරවෙ ම නෑ හෑදෑයින්ට ස්තුති කොරන්න හිතාගෙන.

අපිට පුංචි ත්‍රාසජනක අභියෝගයක් කරන්න හිතුනා. මේක පස්සෙ වෙන වෙන ආලවට්ටම් දාල, කැටම් දාල කියන්න වුනාට මොක ද මේ ඉවෙන්ට් එකේ ආරම්භය හරි අපූරු කතාවක්. දැන් සිල්ගත්තු සතර පේරුවේ මහ උපාසකයා වගේ හිටියට මොකෝ ඇවරි කියන්නෙ අන්ත:පුරයක් ම පිරිවරා යෙහෙන් විරාජමාන වුන පොරක් ය කියලා අහලා ඇති නෙව. ඔන්න මේ ළඟක දි තුන් හිතකවත් නොතිබුණාය කිව්වට පාන්දර ජාමෙ ඇවරිට හීනයක් පේනන ගන්නවා. තුන් හිතකවත් නෑය කිව්වෙ මේක සී.අයි.ඒයත් කියවන නිසා. ඕන ම නම් ඒ කෑල්ල යටින් ඉරක් ඇඳ ගන්නකෝ.

හීනෙන් දැක්කෙ ඇවරිට රාජ කුමාරිකාවො ටිකක් වට කරගෙන දිව බොජුන් වලින් සංග්‍රහ කොරනවා. අඩ්ඩ ඩඩේ.... ඒක දැකල ඔන්න ඇවරිටත් දොළ දුකක් ඉපදුනා කුමාරිකාවන්ට කියලා උයවලා කන්න. මොන හෙයියන් මාරුවක් හරි කොරලා වැඩේ කොරගන්න ප්ලෑන් කරද්දි තමයි ඇවරිගේ හිතට මේ කෑම්ප් එකක් කරමු කියලා අදහස ආවෙ. ඒත් ඉතිං ඔය වගේ අඤ්ඤකොරොස් ප්ලෑන් වලට ලේසි පාසු පුතයෙක් කර නොගහන නිසා මො‍කෑ කොළේ ඇවරිතුමා පහුවදා ම අග්ග පුරෝහිත ළඟපාතතුමාව ගෙන්නලා හීනය පැහැදිලි කොළා. ‘අනේ මේ බොට වළලු දාන අතකින් උයවගෙන කන්න ම ඕන්නම් අග බිසවට කියලා උයවගෙන කාපිය'. අතීසාර පුරෝතුමාත් හේම කීව ම ඇවරිට ටිකක් මල පැන්නා. ඒකට ඉතිං මෙච්චර ප්ලෑනක් ගහන්න ඕනයැ. ඇවරි කියලා දැම්ම. ඒකනෙ ඉතිං කාල මැරිය. හේම නෙමේ හා කියහං මේ වැඩේ පුංචි හරි මෙව්වෙකක් නැද්ද?? ඇවරි ටිකක් කූල් වෙලා චාටු ටෝකක් දැම්මා.

මාගේ ප්‍රාණසම පුරෝතුමනි, යුනි ප්‍රාන්තයේ වසනා අපගේ සියලු සහචර සේනාව එක ම බිමකට කැඳවා බත් පිස, රස මසවුලෙන් සන්තර්පණය කරවා ගෙට් ටුගෙදරයක් දමනු කැමැත්තෙමි. කලකින් එකතු පහදු නොවුයෙන් මෙය කදිම අදහසකැයි හඟිමි...... ඇවරි මුට්ටිය දාල බැලුව. හිකිස් වචනෙ මාරු කළා විතරයි පුරෝතුමාත් පීල්ල මාරු කළා. හරි කරමු. ඕකට නියම තැන පිළිකුත්තුව කැලෙත් තියෙනවා. හයික් එකක් කාරියත් කොරහැකි. ඒ වැඩ ටික මං බලාගන්නම්. මහ ඇමති ගයියත් අනුමැතිය දුන්න. හයික් එක මං කරන්නම්. ළඟ හිටපු කවුන්සිලේ අලි මන්ත්‍රී රගා ඒ වැඩේ භාර ගත්තා. අපි නොදැන හිටියට මන්ත්‍රීතුමා ජනාධිපති බාලදස්සයෙක්.

දැන් මූලික වැ‍ඩ ටික හරි. ඒත් ඔය අතරෙදි ඇවරිට කතරගම ‍පෙරහරට යන්න සිද්ද වුනා. දවස් 18ක් කතරගම තපින්න වුනා ම ඇවරි මහඇමතිටයි, පු‍රෝටයි තමන් නැතත් වැඩේ ලෑස්ති කොරන්න ය කිව්වා. ‘ඇයි බොල වහන්සෙ හීනෙ දැක්කෙ තෝ නොවැ?? දැන් දොළ පිළිගන්න ඕන අපි ද???’ පුරෝතුමා අස්පට් තර්කයක් දැම්මා. අන්තිමේ දී කටයුත්ත අගෝස්තු 05ට වැටුණා. කතාව කටින් කට ගියා ම ගොඩක් දෙනා කැමැත්තෙන් එන්න ඇහුවා. අන්තිමේ දී මේක විවෘත ඉසව්වක් කරන්න කොමිටියට සිද්ද වුනා.

වැඩේ හරි ගියාට මොකෝ අනිත් කටයුතු අතිශය අභී‍යෝගාත්මක වුනා. අපි හතරකට මේක කරන්න පුළුවන් ද? උයනවා නම් භාජන අපි දෙනව ද? ඒ කන්ද මුදුනෙ වතුර තියෙනවා ද? ඔක්කොමත් හරි අවසර ගන්නෙ කැම්පස් එකේ වැඩක් කියල ද? එහෙම නම් ලියුමක් දෙන්නෙ මොන අධ්‍යයන අංශයෙන් ද? ඒවත් හරි කියමුකො! එන උන් ෆුල් ඉන්ෂුවරන්ස් කරලද? නැත්නම් ඔන් ද ස්පොට් උනොත් අම්මල තාත්තලට වග කියන්නෙ කවුද? ආදී වශයෙන් එකී මෙකී නොකී ප්‍රශ්න රැසක් අනාරාධිතව ම එළියට ආව.

ගරු ජනාධිපතිතුමනි, කැවියේ සරා - “සරා සිහින” කැන්සල් කළ වගයි.

2011-06-20T12:19:00.000-07:00

හෙළයේ මහා ගායක භාතිය කොල්ලයි, දුස්සන් කොල්ලයි, දෙපල කැලණිය විශ්ව විද්‍යාලය වෙත කැඳවාගෙන පැමිණීමේ නොනිත් ආශාව ඉටු කරමින් ව්‍යාපාර හා කළමනාකරණ පීඨය විසින් සංවිධානය කරන ලද සරා සිහින ප්‍රසංගය වහාම ක්රියාත්මක වන පරිදි තා දමන මෙන් කැවියේ උපකුලපතිතුමන් විසින් එහි සංවිධායක මණ්ඩලය වෙත අද දින (15) දන්වා සිටින ලදී.

උපකුලපතිතුමා උපුටා දක්වමින් කැලණි විශ්ව විද්‍යාලයීය මාධ්‍ය ඒකකය ප්‍රකාශ කර සිටියේ ආචාර්යවරුන්ගේ වැඩ වර්ජනය පැවැත්වෙන නිසාවෙන් මෙවැනි තීරණයක් ගත් බවයි. නිවේදනයක් නිකුත් කරමින් එහි ප්‍රකාශකයෙක් කියා සිටියේ ආචාර්යවරුන්ගේ ඉල්ලීම් දිනා ගැනීම වෙනුවෙන් ශිෂ්‍යයන්‍ට ද තම යුතුකම් ඉටු කිරීමට හා ගුරු ගෞරවය දක්වමින් ඔවුන්ගේ හොඳ හිත දිනාගැනීමට මෙය අවස්ථාවක් බවයි. ඒ අනුව සිසුන් පිරිසක් ඊට පක්ෂව ද තවත් සමහක් විපක්ෂව ද අදහස් දක්වා ඇති අතර අත්තිකාරම් වශයෙන් ගෙවන ලද ලක්ෂයක මුදල නැවත ලබා ගැනීමේ සටනක සංවිධායක මණ්ඩලය නිරත වන බව වාර්තා වේ.

කෙසේ වෙතත් මෙය අවලංගු කරන මොහොත දක්වා ම සංවිධායක මණ්ඩලය ඉතා වගකීමෙන් මෙම කටයුතු සංවිධානය කළ බව කිව හැකිය. සාමාන්‍යයෙන් ධර්මාලෝක උපාධි ශාලාවේ පෙන්වන ප්‍රසංගයක උපරිම ප්‍රවේශපත්‍ර මිල රුපියල් සියයකි. පසුගිය නාට්‍ය උළෙල ද ‍තිරගත කරන ලද්දේ එම මිලට ප්‍රවේශ පත්‍ර නිකුත් කිරීමෙනි. එහෙත් යට කී ප්‍රසංගයේ ආරම්භක ප්‍රවේශ පත්‍රයක මිල රු. පන්සියයක් ලෙස නිවේදනය කර තිබුණි. එය සාමාන්‍ය අගය මෙන් පස්ගුණයකි. හෙළයේ මහා ගායක දෙපළගේ හා අශාන්ති, රන්දීර්, උමාරියාගේ ද අය කිරීම් මත එම ප්‍රවේශ ගාස්තුවේ ගැටලුවක් නැත. කෙසේ වෙතත් ජුනි මස හයවැනිදා පැවැත්වීමට තිබූ ප්‍රසංගය 23 දක්වා කල්යාමට ද හේතුවූයේ පැවති වාතාවරණයයි. දැන් එය නිල වශයෙන් අවලංගු කර ඇත. සංගීත ආශ්වාදය විඳිනු කැමැත්තෝ මේරියන්ස් අන්ප්ලග් ප්‍රසංගය එම මිලට ම නරඹත්වා යන්න අප පැතුමයි......

ගරු ජනාධිපතිතුමනි, නියම කතාව ඇරඹෙන්නේ දැන් ය. ඔබතුමා තරම් සංවේදී කළාකරුවෙක් මේ ලංකා ද්වීපයෙහි නොවන්නේය. ඔබතුමා තරම් සැණකෙළි කැමැත්තෙක්, ඔබතුමා තරම් විනෝදකාමී ජවසම්පන්න නායකයෙක් තවත් නොමැත. අප මෙතෙක් සිතා සිටි‍යේ උපකුලපතිතුමා ඇතුළු ආචාර්ය මණ්ඩලය නවතා දමා ඇත්තේ අධ්‍යයන කටයුතු පමණක් බවයි. දැන් දැන් ඔවුන් ශිෂ්‍යයන්ගේ විනෝදාස්වාදන මාධ්‍යන් ද අහුරමින් සිටීන බව ඔබට පසක් වනු ඇත. අති ගරු ජනපතිතුමනි, සරලව ම කිවහොත් උපකුලපති හෙවත් ආණ්ඩු පක්ෂ ඔබ නියෝජිතයා වර්ජකයන් හා එක්ව ආණ්ඩු විරෝධීව කටයුතු කිරීම අරඹා ඇත. මේ නම් ඔබේ සැණකෙළි න්‍යාය උල්ලංඝනය කිරීමකි. සම්බුද්ධත්ව ජයන්තිය පෙන්වා වෙසක් මස ද දැන් පොසොන් පෙන්වා ජුනිය හා දෙසැම්බරයේ දක්ෂිණ ලංකා අධිවේගී මාර්ගය විවෘත කර සැණකෙළි කරවා ජනතාවගේ සියලු ප්‍රශ්න විසඳීමට උත්සුක වන ඔබ ආදර්ශයට නොගෙන මෙවන් සැණකෙළි අවස්ථා මඟහැරීම නුවණට හුරු දැයි විමසනු මැනවි. මේ යන ආකාරයට ඔබතුමා විශේෂයෙන් ප්‍රවේශම් විය යුතුව ඇත. මේ කළාක් මෙන් අත්ථනෝමතිකව (බොහෝ විට 26 වැනිදායින් පසු) සමත්ත විශ්ව විද්‍යාලය ම දින නියමයකින් තොරව වැසීමට ද ඔබ නියෝජිතතුමා ක්‍රියා කළහොත්......??????? ඔබතුමාට යන කලදවස ගැන සිතා බලනු මැනවි. හෙට ආචාර්ය වර්ජනය හේතුවෙන් සියලු ම ආපනශාලා වසා දමන ලෙස මේ ඇමැත්තා නිර්දේශ කරනු ඇත.

ඒ අනුව දැන් දැන් ලැබෙන සාධක මත උපකුලපතිතුමා ද හතුරන්ට එක්ව ඇත. එක අතකට ජ්‍යෙෂ්ඨ හමුදා නිලධාරියෙක් උපකුලපති තනතුරේ තැබී නම් හෝල්ට් කියද්දී සියල්ල හෝල්ට් වනු ඇත. ඉඳින් ජනපතිතුමනි, මෙම ප්‍රසංගය නියමිත දිනට පැවැත්වීමේ සියලු වගකීම තාරුණ්‍යට හෙටක් ආයතනය වෙත පවරා ඔබ පුත් කුමරාට ද එයට සහභාගී වන ලෙස දැන්වී නම් සියලු දෝෂ නිවාරණය වන්නේ නොවේ ද??? කලා හිතැති, කලා හදැති ඔබතුමා මේ අසාධාරණය දැක කුමක් හෝ කරතැයි සිතමි. ශ්‍රී ලංකා ප්‍රජාතාන්ත්‍රවාදී සමාජවාදී ජනරජයේ අතිගරු ජනාධිපතිතුමනි මේ ඔබේ අවධානය පිණිස යි.

(මෙච්චර කියවපු එකේ ඉතිරියත් කියවන්න...)

දැන් දෙවන කියැවීම

ඇත්තට ම ඇවරි කැලණියේ උපකුලපතිතුමාට හරි ම කැමතියි. අනේ නෑ බොරුවට බටර් ගානව නෙමෙයි. දැනට ඉන්න ලංකාවෙ කුලපතිවරුන් අතරින් යම් තරම‍ක හෝ ස්වාධීනත්වයක් අත් කරගත් කුලපතිවරු අතළොස්ස අතරින් සරත් අමුණුගම කියන්නෙ අංක එක. කොහොමත් ජ’පුරේ උතුමාණන්ට වඩා දාහකින් හොඳා කියලා දන්නවා ඇතිනේ......?????? තමන්ගෙ දේශපාලන න්‍යාය පත්තරය ටිකක් දුරින් තියාගෙන රජවරුන් තරහ නොකරගෙන වැඩේ කරගන්න එතුමා හරියට ම දන්නවා. ජනාධිපතිතුමාගේ නිල රැස්වීම් කිහිපයක් ම වර්ජනය කරලා කා‍ලයක් බ්ලැක් ලිස්ට් වෙලා හිටිය කියලත් ඇවරි පුද්ගලිකව දන්නවා. ඒ දන්න විදිය අහන්න එපා... “කෝ ඔයාලගෙ වීසී අද රැස්වීමට ආවෙ නෑනෙ.... ප්‍රසිඩන්ට් බැන්නත් එක්ක.... කියලා ඇවරිට කීවෙ තවත් වීසී උතුමෙක්. පස්සෙ එතුමා ම මගෙන් අහනවා “එයා ටිකක් එක විදිහක කෙනෙක් නේද?” කියලා. මට හිනා ගියා.

අපි ඉස්ට්රැයික් - තොපි.....?????

2011-06-16T19:18:00.000-07:00

අපිත් හේම තමා හලෝ.... අපේ යුනිය පටාන් ගත්තෙ මැයි 23 වැනිදා සිට මේ දක්වා අපේ අධ්යකයන අංශය මගින් අධ්යතයන වාර කාල සටහන් ඉදිරිපත් නොකිරීම හේතුවෙන් කස්ටිය තැන් තැන් වලට වෙලා උකටලීව ඉන්නා බවයි පෙනෙන්නට තියෙන්නෙ. දැන් තමා නියමාකාර ශිෂ්යය කේන්ද්රීය අධ්යාටපනය පටාන් ගෙන තියෙන්නෙ. ඒ අය නෝටිස් කරන්නෙ මේ අධ්යමයන වාරයට නියමිත විෂය ඒකක හා විභාගය පැවැත්වෙන දිනය පමණයි. උගැන්මකින් තොරව විභාග ලිවීමට අපි හුරු කිරීමක් කියලයි කාණ්ඩෙ කියන්නෙ. හැබැයි කාලයක් යුනි නාපු මගේ ආචාර්යවරිය මේ සෙම් එකේ සිට යළිත් ඉගැන්වීම් ප‍ටන් අරං. කවදත් වගේ ඇවරි සුපුරුදු පැනය ඈ වෙත යොමු කළා.
ඇත්තට මිස් දැන් අපිට මොකද වෙන්නෙ....?? වෙන්නෙ ද අපි course units දාල නේ තියෙන්නෙ. ඒවා බලල නෝට්ස් හදන් පාඩම් කරන්න. ටියුට් ලියන්න. වැඩ කරගන්න. මං ඇහුවෙ උගන්නන්නැද්ද කියලා. “ආ මේ අපි ඇවිත් තියෙන්නෙ උගන්නන්න තමා නමුත් මේ වැඩේ ඉවර වුනා ම අපි ඒ ගැන බලමු.” ඈ මල්ලෙ ටිපි ටිප් උත්තරක් දුන්නා.
අනේ ඉතිං බලාන හිටියත් කාලසටහන් නම් දාන පාටක් පේන්න නෑ. ඔය අතරේ පහුගිය සතියේ කැලෑ පත්තර කිහිපයක් ගහලා තිබුණනේ...??? (නිසි බලධාරියා විසින් කපා දමන ලද නිසා ඒවා මේ බ්ලොගයේ පළ වෙන්නෑ) නමුත් විග්රහ කරල බැලීමේ දී මේ කැලෑ පත්තර වලින් සාධනීය වෙනසක් සිදුවූ බව කියන්න පුළුවන්. උඩින් ආචාර්ය වැඩ වර්ජනය ගැන මොන මොන තීරණ තිබුණත් යටින් ඇති කාරණා කාටත් රහසක් නෙමෙයි. ඇත්තට ම ආචාර්ය සමිතියේ වර්ජනයට ගත් තද තීරණය දියාරු කිරීමටත් කඩේ ගියපු මිනිස්සු ටිකක් දාගෙන වේයන්ගොඩ සම්මේලනය පැවැත්වුවත් වැඩේ අසාර්ථක වුනා.
යුනිය පටාන් ගන්න දවසට කලින් දවසේ බස් තුනක් එවලා අරලිය මන්දිරේ වර දානයක් දුන්නත් වැඩේ කුජීත වුනේ අපේ ආචාර්යවරු කියන්නෙ කාපු පතේ පහරන්න තරම් බලු හැත්තක් නිසා කියලා උසස් අධ්යාපන ලොක්ක ප්රආසිද්ධ ප්ර කාශයක් කළේ ගියසතියේ.... දැන් කඩේ ගිය උන් ගැන ආණ්ඩුවට සත පහක විස්වාසයක් නෑ. මොකද බුවාල මල්බෙරි ටීම් එකක් කියලා කවුරුත් දන්නවා. කැලෑ පත්තරෙන් කඩේ යාම ප්රිසිද්ධ කළාට පස්සෙ උන්හිටි තැන් නැතිවුණ ආචාර්ය මහාචාර්යවරු පර්වතේ කක්කි කළ සුනපොව්වො වගේ තමන් කඩේ නොගිය වග කියන්න විශාල උත්සහයක් ගත්තා. ඕක තමා කියන්නෙ හොරාට කරන දේවල් එළි වුනා ම පරිපථේ සෝර්ට් වෙනවයි කියලා. එහි ප්රතිපළයක් විදියට කැලණියේ ආර්ථික විද්යාා හා සන්නිවේදන අධ්යරයන අංශ වර්ජනය හා එක්වන බව ශිෂ්ය යන්ට දැනුම් දුන්නෙ අනේ ළමයි අපිට සමාවෙන්නත් කියලා. (හරි සෝයි අප්පා... ) දැන් බලන්න ඔයාලා මෙතෙන්ට ආවත් මේ තත්වෙමයි....???? ඉතිං අපි මේක කරන්නෙ අනාගතේ ස්ටා‍ෆ් එන්න ඉන්න ඔයා‍ල වෙනුවෙන්. ආදී වශයෙන් සුන්දර මල් මාලා දාලා කස්ටිය වැඩේට එන්ටර් වුනා.
අන්න ඒකට අපේ ඩිපාර්ට්මන්ට් හෙඩ්ලා... සමාවෙන්න ළමයි අපි ස්ට්ර යික්. ඕන දෙයක් තියෙනව නම් පුද්ගලිකව කියන්න. උදව් කරන්න පුළුවන්. හැබැයි කාලසටහන් නෑ. නිබන්ධන ලියන අ‍යගෙ වැඩ බාධාවක් නැතුව කරගන්න පුළුවන්. මේක නිවාඩු කාලෙ කියල හිතාන වැඩ කරන්න. අපිට පරිපාලනේ එක්ක මිසක් ඔයාල එක්ක ගැටලුවක් නෑ. මං ඉල්ලා අස්වීමත් දීලයි තියෙන්නෙ...... මේක වෘත්තිය ක්රි යා මාර්ගයක් නැතුව ඔයාල එක්ක වෛර පිරිමැහිල්ලක් නෙමෙයි.... හරි සරලව සුගමව ඇති වෙලා තියෙන තත්ත්වය දැනුවත් කළ අපේ ලොකු ඉස්කෝලෙ මහත්තයා කාරණාව කෙළින් තේරුම් කළා විතරක් නෙමෙයි. තමන් විශ්වාස කරන දේ වෙනුවෙන් ආත්ම විශ්වාසයෙන් පෙනී සිටියා....
ආ දැන් එතකොට එයාලත් ආණ්ඩුවෙ නෙමෙයි ද කියලා ඔබ අහන්න....අපි හිතුවෙ පහුගිය කාලෙ කඩේ ගිය විදියට ආණ්ඩුවේ මයි කියලා??? ඔඩ එහෙම සාධාරණ ප්රකශ්නයක් යොමු කරාවි. එත‍න ඇති සිද්ධාන්තය මේකයි. දැන් ලිප ගිනි මෙළවිලා, දිය සැළිය රත්වෙලා, තව කකුළුවා... අන්න ඒකා කූරියා ගහන්න කිට්ටුවෙලයි ඉන්නෙ. ජුනි 03 සාකච්චාවෙන් සත පහක් වැඩි කරන්නෑ කියපු කස්ටිය දැන් වැඩේ සලකා බලන්නයි ලැහැත්තිය. වැරදිලා හරි 26 වැනිදායින් පස්සෙ වැඩි කළොත්??? කාට ද ආඩම්බර.... කඩේ ගිය නොගිය සියලු දෙනාගෙ පඩි වැඩි වුතත් පුස්නෙ කියන්නෙ ඉතිං එදායින් පස්සෙ සාරියක් කළිසමක් කාරිය ඇඳන් දොට්ට බහින්න බැරි එකයි. ඒ නිසා දැන් වාසි පිළ හැටියට වර්ජකයන්ට හේත්තු වෙන එකයි ඇඟට ගුණ මොකද 26 එහෙම නොකළොත් ඊට පස්සෙ ගන්න ක්රියා මාර්ගයත් ඒ අයට තියෙනවා..... ඒත් අපි සදාකල් දෑත ශක්තිමත් කරනවා ඇරෙන්න වෙන අහවල් එකක් කොරන්න ද???
(සත්යාචාර්ය වදනකින් උපුටා ගැනීම ඇවරි විසිනි.)

පද්ම කුමාරගේ පත්තර මගඩිය

2011-06-14T21:35:00.000-07:00

Normal 0 false false false EN-US X-NONE TA MicrosoftInternetExplorer4

දන්නවා ඇතිනේ පත්තර මහගෙදර ලොක්කා කවුද කියලා??? ජාතික පත්තරවල එක විදියකටත් පුද්ගලික පත්තරවල තවත් විදියකටත් පුවත් ලියැවෙන්නෙ මෑස්න්ස්ට ඕන හැටියට තමා. කිව්වම මොකෝ පද්මයා දුරින් ඇවරිට මාමා කෙනෙකුත් වෙනවා. අපේ පද්මෙ මාම හරි ෂිරා බුවා. කවදාවත් ම උදේ දහයෙන් මෙහා මොන ම ලොක්කෙක්ටවත් මෑන්ස්ව මීට් වෙන්න නම් බෑ..... හැමදාම පාන්දර තුනට ඇහැරිලා මුල් පිටුව කරලා ඔෆිස් ඇවිත් කනමදාස් වගේ දොයියගන්න බන්දු මාමා පත්තර කන්තෝරුවේ කටයුතු විචාරන්න පටාන් ගන්නෙ ගෙදර යන්න ටිකක් වෙලා තියලා.....

නියම කතාව වුනේ මේ ළඟ දී.... පත්තරවලට ටැබ්ලොයිඩ් අතිරේකයක් දෙන එක ඉතිං සාමාන්‍ය කාරණයක්නේ..??? අපේ මාමා මුලින් සතියේ දිනමිණ පත්තරේ එක්ක දුන්න අතිරේකයට මුදල් අරං වෙන ම පත්තරයක් කරපු නිසා පසුගිය සතියේ පාරිභෝගික ජනතාව ටිකක් අපහසුතාවයට පත්වුනා. ඒ අනුව සඳුදාට සංවේදීත්, අඟහරුවාදාට මාංචුත්, බදාදාට ආරෝග්‍යාත්, බ්‍රහස්පතින්දාට සිතිජයත් සහ සෙනසුරාදාට අපි හැපීත් රුපියල් 20ක් ව‍ගේ සුළු මුදලකට මිලදී ගන්න සිදුවුනා. සිකුරාදාට රජයේ සියලු ම වල්පල් අහුරපු ඕල් සිලෝන් ගැසට් එක ප්රින්ට් කරන නිසා එදාට අතිරේකයක් නෑ....

හරියට ම මාස තුනක් විතර මේ අතිරේකය පත්තරේ එක්ක නොමිලේ දෙන්න ‍අපේ මාමට හැකිවුනා. ඒ අපේ මාම වෙස්සන්තර නිසා නෙමෙයි ‍ගොයියෝ.... ඇත්ත ම කතාව මේකයි. රජයේ පචමිණ මුද්‍රණය කරන්නට කඩදාසි ආනායනය කරලා මාම නියම කුස්ටියක් කඩා ගත්තා. මෙහේ ගෙනාව ම මොකදෑ වුනේ... නාහෙට නාහන තත්ව පාලක කොලුව සද්දයක් දැම්මා... ඒවා බාල කඩදාසිය. ප්රින්ට් කරන්න බැරිය ආපහු රිටන් කරන්නය කියලා.... මාමට යකා නැග්ගත් කට පියාන හිටියා. අන්තිමට සිරි ලංකා රේගුව ගුදමේ මාස ගාණක් තිබුණ කඩදාසි රිම් තොගය නිදහස් කරගන්න ය කියලා රෙඩ් නෝටිස් එකකුත් එව්වා. එදා තමා මාමට දෙලෝ රත් වුනේ.... ටෙම්පල් ට්රීස් පැත්තෙ විසිටින් පාරක් දාන ගමන් තමන්ව මේ බාරධූර තනතුරට මහතැනට කියලා පත්කරවපු හෙළයේ නිළි රැජිනට දුක කිව්වා.

ඈ තමා මේ මිලියන් ඩොලර් අයිඩියාව දුන්නෙ. “අයියෝ බන්දූ... ඕකත් වැඩක් ද ඔයා ඔය කඩදාසි නිදහස් කරගෙන වෙන ම අතිරේකයක් කරන්න. නිකම් දෙන එකේ කොලිටිය මක් වුනා ම මොකෝ...????” අපේ බන්දු මාමා කියන්නෙ එදා ඉඳන් ම ස්මාර්ට් කකුළක් නේ... අඩේ ඇත්තට ම කාලයක් යද්දි මේක වෙනම ම පත්තරයක් කරන්න පුළුවන් නේද කියලා ටිකිරි මොළේට කම්පනා වුනා. ආයෙ දෙසැරයක් නොහිතා වැඩේට අත ගැහැව්වා.

ඇත්තට ම දිනමිණ මිලට ගන්නෙ සිකුරාදා ගැසට් එක නිසා. නැත්නම් කෙළින තරමක් කෙළින්නෙ කෙප්ප කියල හැමෝම දන්නවා. හැබැයි මාම අර මාංචු, ආරෝග්‍යා වගේ පත්තර වල ලස්සන කතන්දර අමුණලා පාඨකයන් පිරිසක් ඇද ගත්තා. පහුගිය සතියේත් වැඩියෙන් ම මිනිස්සු හොය හොය ගත්තෙ ඒ පත්තර දෙක. නියම බිස්නස් ප්ලෑන් එක දැන් පත්තරේට විස්සයි ඉස්සර නිකන් දුන්න අතිරේකෙට විස්සයි එක දිනකට රුපියල් හතලිහයි. අයිසේ සතිඅන්ත පත්තරකාරයො එකනින් රුපියල් පණහක් හොයද්දි සතියට අපි දෙවරක් ඒ මුදල හොයනවා. ඒ අන්න එහෙමයි පාඩු ලබන ආයතන ලාභ බලන තැනට ගේන්නෙ. නැත්නම් කඩදාසි වලින් ගහපු ගැහිල්ල අතින් දාන්න යැ??? ඉතිං බලන්න හොරා වුනත් අපේ මාම ආයතනයට ස්තිර ආදායමක් හදපු හැටි?? කොයි ලොක්කටත් ජනතාව බිල්ලට දීලා මෙහෙම කරන්න පුළුවන්නම් එක ආයතනයක්වත් පාඩු ලබන එකක් නෑ මයෙ හිතේ....????

තොරණ වරුණ

2011-06-04T01:06:00.001-07:00

හ්ම්.... ඇවරිත් ඉතිං හරි හමං විද්යාර්ථියෙක් හැටියට මෙච්චර කාලෙකට කුරුළු තොරන් බැලුවට මොක ද හූදී ජන පාන් සංවේගය උදෙසා තොරන් බැ‍ඳෙන්නෙ ඉතිං වෙසක් කාලෙට නොවැ. අර වෙසක් ලබනවා තොරන් බඳිනවා... තැන තැන දන්සැල් ඉදිවෙනවා කියන්නෙ. ඉතිං තොරණක් කියන්නෙ බලගතු ආමිස පූජාවක්. බෞද්ධ අපිට හුඟක් ම හුරු පුරුදු තොරණ තමා මකර තොරණ. මේ මකර තොරණෙ ඉන්න මකරටත් තියෙන්නෙ එක එක සතාගෙන් අහුලගත්තු හරි අපූරු අවයව කියලා අහලා ඇතිනේ??? තාම දන්නෙ නැත්නම් ඊළඟ පාර මකර තොරණක් දැක්ක ම බලාගන්න. මකරට ඌරු කන්, මාළු කොරපොතු ..................... ආදී ශරීරාංග රාශියක් තියෙනවා දැක ගන්න ලැබේවි.

මකර තොරණ ගැන කතාව අහවර කරලා අපි වෙසඟ තොරණ ගැන කතා කරමු. මෙදා පොටේ ලංකාවෙ මුල් ම වතාවට වෙසක් තොරණක චිත්‍ර නොඇඳ ඩිජිටල් ප්‍රින්ට් ආකාරයෙන් ඉදිරිපත් කෙරුණා. මේ තොරණ දැකගන්න ලැබුණෙ සිරස වෙසක් කළාපයේ. හැමදාම බැ‍ඳෙන අනික් තොරන් ඒ ඒ තැන්වල ඉදිවුනා නොවැ. ඇවරි මේ පෝස්ට් එක වෙන් කළේ මාකොළ ඇවරිගෙ ඒරියල් එකේ බැඳිච්ච අඩි හතලිස් අටක් උස මහා තොරන් රාජයා ගැන වචනයක් ලියන්න.

මාකොළ ඉදිරිපත් කරපු පළමු තොරණ හැටියට ‍කිව්වත් මීට අවුරුදු ගාණකට කළින් මාකොළ හන්දියේ තොරණක් ඉදිරිපත් කරලා තියෙනවා. ඒක පුංචි එකක්. ජාතක කතාව හරියට ම මතක නැති වුනත් ඒ පුංචි තොරණටත් ඇවරි සම්බන්ධ වෙලා අණ්ඩපාල වැඩකුත් කොරලා වැඩේ අල කළා කියලා නම් මතකයි. ඒ තොරණෙ කතාව පටිගත කළේ අපි දන්න ඥාති නිවසක. කස්ටියට ම සයිලන්ස් කරලා ලෙසට ම රෙකෝර්ඩින් යන අතරේ තේ පිළිගැන්වුනා. හිස් ‍ට්රේ එක තිබ්බෙ ඇවරි ළඟ. චුට්ටි ප්‍රමාද දෝසයක් නිසා සලාං ගාල ට්රේ එක ඩවුන් ද පල්ලම් වුනා. ටේක් එකක් වැරදුනත් අපිට කතා කරන්න එපා කියලා තිබුණ නිසා රෙකෝර්ඩිස්ට් වැඩේ නවත්තනකම් කවුරුත් සද්ද නෑ.ඉස්සෙල්ල ම බුවා අයියෝ මල්ලී............ කිව්වා. අනිත් ඈයො‍ත් මා දිහා බලාන කණ්ඩ වගේ අනිමිසලෝචනයේ යෙදෙනවා. කඳුළු පනින්න ළං වෙද්දි මහ මොළකාරයා පොඩි එකානෙ කියලා බේරගත්තා. නිකමට වගේ ආයෙත් ඒ ටික ප්ලේ කළා ම ඇහුනෙ මේ වගේ.....

දේවිය රටවැසියා මේ උවදුරින් මුදවා ගන්නට කුමක් නමුත් වහා කළ යුතුව ඇත.‍මා ප්‍රිය බිසවුනි...... සලාාාාාාාං

කුජී...........තයි. නමුත් කවුරුත් නැවත රෙකෝර්ඩ් කරන්න බෑ කියපු නිසා මාස්ටර් ටේප් එකෙත් සලාං කෑල්ල තිබුණා. එදායින් පස්සෙ කස්ටිය මං ඉන්න තැන දේවිය කියනවා. අනික් කතන්දර නවත්තලා ඒ කියපු එකාට කන් දුන්න ම ඌ මහ හයියෙන් සලාාාාාාං කියපි. මං ඉතිං මුවින් නොබැන ඉවසනු සුදන ගරුකම නිසා කරබාගෙන හිටියා. මෙදා තොරණ ඉදි කළේ මාකොළ වෛශාඛ්‍ය සමිතිය විසින්. ඔවුන් ලක්ෂ දහයකට ප්‍රදර්ශන අයිතිය දින දහයකට හිමි කරගත්තා. තොරණේ අයිතිය ඇත්තෙ එහි නිර්මාණකරුවාට. සමිතිය විසින් ටික කාලයකට නිර්මාණකරුවා කුළියට ගැනීමක් තමා වෙන්නෙ. නම් දරාපු කවිකාරයන් එහි පැමිණ සිටියා. නිරෑපණය වුනේ මහා ජෝත ජාතකය.

කවිකාරයින් ගැන කියද්දි නියම කතාවක් තියෙනවා. අපේ අයියණ්ඩි අලුත ගෙනා මනමාලි එක්ක අපි වෙසක් බලන්න ගියා. එදා තොරණ අන්තිම දවස. කොහොමින් කොහොම හරි අලුත් ජෝඩුවට ආශිර්වාද කරලා අපි ආධාරයක් දුන්නා. නම් දෙක ලියැවුණේ දුලන්ජය-දීප්චන්දි කියලයි. පළමු කවියෙ පද දෙකක් මෙහෙමයි.

"ආසිරි පතන්නට මෙහි නම් දෙකක් ඇති-ඒ නම් කියද්දී මගෙ දිව උළුක් වෙති" මේක ඇහුන ම අපි තොරණ ඉස්සරහ ම ඉඳන් හිනා වුනා. අපේ පිරිස දැකපු කවිකාරයො එක දිගට ම කවි කියාගෙන ගියා. කිවිඳියගෙ ආශිර්වාදය මෙහෙමයි.
"දුලන්ජය - චන්දි දිවිමඟ සරුවේවා - සතුට සමාදානය දෙපලට වේවා
සැප සම්පතින් කිරි පැණියෙන් ඉතිරේවා - තොරණෙ බල්බ් ගාණට දරුවන් වේවා" ආශිර්වාදය කොච්චර වැඩ කළා ද කිව්වත් රටා මවමින් එළි විහිදුවන තොරණක අවම බල්බ් ගාණ හිතාගත්තු නෑනා එතන ම ක්ළාන්ත කළා..............

අර පේන්නෙ දන්සැලක් ද එහා වීදියේ......

2011-06-04T00:55:00.001-07:00

ඇවරිගේ වෙසක් දන්සැල් ඉතිහාසය මේ ආකාරයි. මුලින් ම අපි කොල්ලො එකතුවෙලා ෆැන්ටා දන්සැලක් දුන්නා. ඊළඟ අවුරුද්දෙ ස්ප්රයිට් දුන්නා. සිසිල් පැන් කියනවට වඩා මිනිස්සුන්ට ෆැන්ටා කිව්ව ම කික් එක වැඩියි. ඒ දවස්වල පිටකොටුවෙන් හයසීය හැත්තෑපහකට ෆැන්ටා එසන්ස් ‍පුංචි කුප්පියක් ගෙන්න ගෙන සීනියි, අයිසුයි දාලා බැරල් එකකට දිය කළා ම ගමකට ෆැන්ටා දෙතෑකි. පස්සෙ අපි වෙසක් එකට කොස් දන්සැලක් වසර කිහිපයක් දුන්නත් මීට අවුරුදු දෙක තුනක ඉඳන් දෙන්න බැරි වුනා. අපෝ කොස් කිරිල්ල වගේ ම කොස් කෝස් එක හරි ම අමාරු වැඩක්. කොහොල්ල ගාගෙන මදුළු ගලවලා. පොරොවෙන් කපලා. ඊළඟට තම්බලා තව පොල් සම්බෝලත් හදන්න එපැයැ? කොහොම නමුත් අවුරුදු ගාණක් දුන්න ම අපිට තේරුණා වැඩේ අවුල කියලා. අනික අර මහ කල්දේරම් වලින් පොල් සම්බෝල ඉවර වෙලා තිබුණත් මිනිස්සු බෙදාන ගිය නිසා දීලා පිරිමහන්න බැරි වුනා. සාපේක්ෂව දත් බන්සැලක් වගේ ම විශාල පිරිසක් ඊට අවශ්‍ය කරනවා.

මාකොළ මුලින් ම දන්සැල් කළේ ඔය පෙරේරා හෝටලය හිමි මියගිය තිස්ස පෙරේරා මහතායි. එතුමා මිය ගියා ම පුතා අචිර මල්ලිත් තාත්තා වගේ ම දන්සැලකට ආධාර එකතු කරන්න ටවුමෙ කඩවල ඇවිදිනවා මං දැකලා තියෙනවා. පස්සෙ විදුලි සැර වැදීමකින් ඉතාමත් ළාබාල වියේ දී අචිරත් මියගියා. ඉන් පස්සෙ මාකොළ බත් දන්සැලක් කළේ 2010 පොසොන් උත්සවයට. මෙදා සැරේ 2006 සම්බුද්ධ ජයන්ති මාකොළ වෙසක් කළාපයට 19 වැනිදා රාත්‍රී බත් දන්සැලක් එක් වුනා. අපේ පුංචි නිසා මාත් 19 හවස හයට විතර දන්සැල පැත්තෙ ගියා.

මුලින් ම මාව යොමු කෙරුණෙ බත් තුනී කරන තැනට. අප්පා පණ පිටින් ස්ටීම් වෙන්න කියාපු තැන. කල්දේරමෙන් වීදුරු පිඟානට ගන්න බත් මේසයට හැළීමයි මගෙ රාජකාරිය. වැරදිලාවත් අතේ ගෑවුණොත් ඉවරයි. ගින්දරට පිච්චෙනවට වඩා හුමාලෙට පිච්චෙන එක අමාරුයි කියලා අහලා ඇතිනේ. තව පත්ත අරං කඩලා ගන්නත් ඕන. නැත්නම් කැට වෙනවා. අමාරුවෙන් සාස්පාන් දෙකක් විතර අහවර කළා. දන්සැල පටාන් ගන්න කළින් අපිට බත් කල්දේරම් දෙකක් තිබුණා. දෙකම ටිකක් බෙරි වෙලා. තුන්වෙනි කල්දේරමේ බත අමුයි. කන්න ම බෑ. එතන ඉන්න කාන්තාවො මේ බත් එකත් යවමු කියනවා. පිරිමි තග දාලා බෑ කියනවා. මටත් ඉතිං කට තියාන ඉන්න බැරි නිසා මාත් කිව්වා ඒ බත් එක නම් දන්සැලට යවන එක හරි නෑ කියලා. ඔය අතරේ කෝ එහාට පලයල්ලා කියලා අපේ පුංචම්මා පැනපි.

හරි මේ බත මං බාරගන්නම්.කොල්ලො ඔය සාස්පානක් ගං කියලා අපේ චෙෆී වැඩේට බැස්සා.ස්පානට බත් දාලා තව වතුරත් දාලා ඈ කහපාට කලරින් ටිකකුත් දැම්මා. (ඒක තමා රහස ඒක අමු බත් වලට දාන රසකාරකයක් කිව්වා.) දැන් බත පැහෙනවා. ඔන්න බෑවයි කියමුකෝ දැන් බත අමු නෑ. හැබැයි කහ පාටයි. පස්සෙ ඒ මුළු කිලෝ විසිපහ ම අර විදියට ආයෙත් උයලා ගොඩ දැම්මා. පුංචි අම්මා දවසේ කාන්තාව වුනා. ඇගේ කල්දේරම නැතිවුනා නම් වැඩේ ගස්. අපි හැදුවෙ බත් කල්දේරම් හතයි. එකක් අමුයි කීවනේ. තුනක් මදක් බෙරි වුනා. කිරිබත් ටයිප්. දෙකක් රොස්. අන්තිම එක අපිට කන්න හදපු එක විතරයි බත් කියලා කන්න පුළුවන් වුනේ. අපේ චෙෆ් ගැන කස්ටියට මල පැනලා......

ඒ දන්සැලේ පරිප්පු, අඹ, සලාද, කරවල හා පපඩම් තමා ව්‍යාංජන වලට දුන්නෙ. ප්‍රමාණය ගැන කිව්වොත් අපි කිලෝ පණහෙ මුට්ට විස්සක් උයන්න ඉලක්ක කරලා තිබුණා. ගණනය කිරීම් හැටියට ඒ සියල්ල කන්න අවම වශයෙන් නවදාහක් පැමිණිය යුතු වුනා. අර කියපු පණහෙ මුට්ට විස්සෙන් හාල් මුට්ට නවයයි පළමු දවසේ අහවර වුනේ. ඒත් ඉතිං කිරිබත්නේ??? සියල්‍ල ම බැන්නෙ කෝකිවරුන්ට. ගිය පාරත් ඒ අය ම තමා ඉව්වෙ නමුත් මේ පාර බත අවුල. පස්සෙ සමිතිය ඒකමතිකව තීරණය කළා පහුවදාට කෝකියන් රහිතව තම සාමාජිකයින් මගින් ආහාර පිසගෙන දෙවන දවසටත් දන්සැල දෙන්න. ඒ වගේ ම පාර්සල් තහනම් කිරීමටත් පාර්සල් අවශ්‍ය පිරිස් දහ වරක් හෝ පෝලිමේ පැමිණ බෙදාගත යුතු බවත් නිවේදනය කෙරුණා. පාර්සල් ඔතා ගැනීමට කොක්කක එල්ලූ පත්තර පිටුත් ඊට වෙනමම මේසත් දෙවන දිනයේ සම්පාදනය කළා. අපේ දන්සැල තුළ එකවරකට එකසිය පණහකට ආසන පහසුකම් තිබුණා. එක ම වෙනස වුනේ කරවල වෙනුවට සෝයා මීට් ආදේශ වීම.

20 වැනිදා නම් පළාතක දන්සැල් නෑ. පෝලිම ඉවරයක් කරන්න අමාරුයි. සිංහ වදන් දාලා, අඹකයි ගහලා පටන් ගත්තට මොක ද පරිප්පුයි, සෝයාමීටුයි, අඹ මාළුවයි, බතුයි ඇරෙන්න අනිත් සියල්ල ම අහවර වෙන්න වුනා. මං කිව්වෙ පපඩම් හා සලාද ගැන. සෝයා මීට් ද එකොළහට පමණ අවසාන වුනා ම අපි පොල් සම්බෝලයක් හදන්න හිතුවා. මැදියම වෙද්දි පරිප්පුයි, පොල්සම්බෝලයි පපඩමුයි විතරයි නමුත් පෝලිම කිලෝමීටරක් විතර. අපේ පෙරමුණේ රාළ නැවතත් සලාදයක් හදමුයි කී නිසා ඒකත් පස්සෙ එකතු කළා. අන්තිමේ දී 21වැනිදා පාන්දර එකයි හතළිස්පහට දන්සැල නිමා කරලා අපි කන්න බලද්දි පරිප්පුයි බතුයි විතරයි. කාට කියන්න ද ඉතිං කාලා ආව. හැබැයි උණු උණුවෙ බත්කාපු මිනිස්සු කෑම බෙදන තැන හිටිය අපිට ඇවිත් පින් දීල ගියපු හැම වෙලාවක ම බඩ කෙසේ වෙතත් හිත නම් පිරුණා....

වෙසක් බුෆේ

2011-06-04T00:37:00.001-07:00

මෙදා වෙසක් පෝයට සිල්ගන්න සිල් ඇත්තන්ට අපේ පන්සලේ දානය පිරිනැමීමක් සිදු නොවීම සම්බන්ධයෙන් විශාල හා හූවක් ඇතිවෙලා තිබුණා. පුංචි කාලෙ ඉඳන් ඇවරි දන්න හැටියට සිල් ගැනීම පට්ට වැඩක්. ආතල් කෝටියයි. උදේ හයට විතර ඉක්කෝලෙට ඇවිල්ලා ප්‍රධාන ශාලාවෙ සිල්ගන්නවා. පස්සෙ පන්තියේ දි අම්මලා තාත්තලා ඇවිදින් හීල බෙදලා පිළිගන්වනවා. ඊළඟට පාසලේ හැම පන්තියකට හිමිනමක් බැගින් පිරිවෙනින් වැඩම කරවලා උදේ ධර්ම දේශනාව. පස්සෙ ලොකු පන්ති වෙනමයි, පොඩි පන්ති වෙනමයි ප්‍රධාන ශාලාවටත් ප්රාථමික ශාලාවටත් යොමු කරලා ධර්ම දේශනාවක් තියලා දවල් දානෙ දෙනවා. පුංචි ඇලට් එකක් හේම දැම්ම ම හවස තියෙන්නෙ හැමෝට ම කවි බණක්. ඒ වෙද්දි ප්‍රාථමික පන්ති නිමා වුනත් කවි බණ අහන්න ඉඳලා යන්න පුළුවන්. නැතත් බල කරන්නෙ නෑ. හැමෝම දන්න හරි ම සරල වැඩසටහන මේක. ඔය අතරේ අපි ඉතිං පිරිත් කියන්නයි කරණීය මෙත්තය රැප් කරන්නයි තව නරසීහ ගාථා ෂැගීගෙ girl you my angel තාලයට ගායනා කරන්නයි වගේ නරි වැඩ ටිකක් කළ බවත් කියන්න ඕන.

ඒ අපි සිල්ගන්න කාලෙ. දැන් පොෂ් විදියට සිල්ගනිද්දි සියල්ල ස්වයං සේවා වෙලා. හැබැයි මෙදා සැරේ අපි බෝඩ් ලෑල්ලක් නොදා හරි ම කාරුණික විදියට මේම කිව්වා.... දැන් මේ උපාසක උපාසිකාවන් පහළ ධර්මශාලාවෙ සකස් කර තිබෙන හීල් දානය පිළිගැනීම සඳහා පිඟන් කෝප්ප ගෙන පෙළගැසී ගමන් කරන්න... කිව්ව විතරයි පාන් පෝලිම වගේ පෝලිම.. නෑ කලබලයක් නෑ හැමෝට ම දානෙ තියෙනවා. යළිත් කියවුනා. ඒකත් හාය කියමුකෝ දැන් කස්ටිය පෝලිමේ එනවා. අපේ අය දානෙත් බෙදනවා. වැඩේ පිළිවෙලයි.... අලංකාරයි... උත්කෘෂ්ටයි. දැන් බෙදාගෙන අහවර අය වළඳන්න තැන් හොයනවා. මළළසේකරයි.... වළඳන්න ආයෙත් උඩට යන්න ඕන. ප්‍රධාන සංවිධායක තුමන්ලා මේක සිල්ඇත්තන්ට පුංචි පිණ්ඩපාත ට්‍රයල් එකක් කියලා ජාමෙ බේරගත්තා. නෑ ඉතිං බුදුන්ට හැමදාම පිඩුසිඟා වැඩලා වළඳන්න පුළුවන් වුනා නම් සිල් අරං ඇයි අපට බැරි??? සමහරු එහෙමත් කිව්වා. හැමදා ම මේ ඉල්ලංකාවෙ ඉන්න අපිට මේවාත් මොනා ද? දානෙ මදි නම් තමන් ම ඇවිත් බෙදා ගත යුතු වුනා. අපේ සංවිධායකතුමා නම් කීවෙ බුදුන් ලද දෙයින් සතුටු වුනා මිසක් දවසට දෙපාරක් පිණ්ඩපාතෙ ගියේ නෑ කියලයි.

වෙසක් දවසෙ සිල් ඇත්තන්ට දන් පිළිගැන්නුවෙ ඒ හැටියට.පිළිගැන්නුවා කියන්න ම බැරි නිසා සිල්ඇත්තන්ට දන් පිළිගන්න වුනේ ඒ විදියට කියලා ලියන්නම්.හැබැයි තව අවුරුද්දකින් දෙකකින් දවල් දානෙත් බුෆේ දෙන්න පටන් ගනියි ද මන්දා??????

මොනාද අප්පා මේ බණ???

2011-06-04T00:21:00.001-07:00

ඇත්තට ම මෙදා සැරේ සම්බුද්ධත්ව ජයන්ති 2600 තේරෙන්න වැඩක් කරන්න වුනේ නෑ. අයියගෙ වෙඩින් මඟුල ආපු නිසා ඇවරිට වැඩ ටිකක් වැඩි වුනා. හැබැයි ඇවරිට සතුටු වෙන්න පුළුවන් දන්සැල් දෙකකට ම සහභාගී වුනා. ඇවරිගෙ ගමේ මාකොළ වෙසක් කළාපයට වැඩ කරන්න පුළුවන් වුනා. ඒ නිසා සතුටුයි.

හරියට ම කතන්දර ටික මතක් කළොත් වෙඩින් ම‍ඟුල තිබ්බෙ 16 වැනිදා. පහුවදා තමා වෙසක් පොහොය මං වෙඩිම අහවර කොරලා ආපු ගමන් පන්සලට ගියා. පන්සලේ එදා ප්‍රසිද්ධ හිමිනමකගේ බණක්. දඹුළු ආව එකේ තලගොයිත් මරන් යනව කියල හිතාන ධර්ම ශාලාවට පීපීන්ග් පාරක් දැම්ම. ඇඟිල්ලක් ගහන්න බැරි වෙන්න සූගාල තිහ හතලිහක් බණ අහනවා. ඒ මදිවට දොරකඩ ම මං දන්න කියන භද්‍රාවක් මූණ ඇඹුල් කරගෙන. කොතන වුනත් නැත කුසලෙට බාධා කියලා ඇගෙන් ඉඟියෙන් මොකද කියලා ඇහැව්වා. අංගනාවත් ළඟට ම ඇවිදින් කොඳුරන්න තියා ගත්තා. මොනාද අප්පා මේ බණ???

ඇයි බණ නම් බිණීම හෙවත් කීමනේ මෙයා....දැන් ඔය යස අපූරුවට හාන්දුරුවො වදාළන්නෙ?? වදාළනවා තමා.... ඈ මූණ පුළුටු කරගත්තා.
මේ මොකෑ ඔයා අද කොටට ඇඳලත් නෑනේ??? ඇවරිටත් ඕන්නැති මුරිච්චියක් නෑ කියනවනේ??? කෙහෙල්මල මං කිව්වෙ මේ බණ ගැන??? මං කිව්වෙත් බණ ගැන තමා…… දේශකයාණෝ කොට ඇඳුමට විරුද්ධයි කියලා ඇවරි දන්නවා. බැරි වෙලාවත් මේ ජෙකරමයිට් එකට එළියෙන් ඉන්න කිව්ව ද දන්නෑනේ???

ඔන්න ඉතිං මං නායක තැන හම්බෙන්න ආව බව කීව ම ඈටත් යන්න ඕන වුනා. දැන් අපි දෙන්න ම ආවසෙ ඉස්සරහ. මොකෝ මේ තකහනියේ.. දැන් බණ ඇහුව නේද? වැද නමස්කාර කළාම නායක හාමුදුරුවො ඇහුවා. බණ නම් ඇහුවා හාමුදුරුවනේ ඒත් මොනාද මේ බණ? මේ කතාව අර දාන් අදින ගමන් කරන ආගිය විස්තරයක් වගේනේ??? ..... තරහ ගන්න කාරි නෑ බණට පිරිස මදි නිසා හාමුදුරුවො ටිකක් අමනාපෙන් ඉන්නෙ. ඉතිං ආපු පිරිසට බණ කියන්න හරි එපැයැ??? ඒක නම් හේම තමා... ඒත් ඉතිං දැන් ඒ හැටි නොවැ........ මේ වැස්ස නිසා හරි සෙනඟ අඩුවුනාම හමුදුරුවො හිතන්නෙ අපි මදි පුංචිකමක් කළා කියලා. ටෙලිවිසන් එකෙයි, රේඩියෝ එකෙයි එයාල කියන බණ මොනව කර කර ඇහුවත් කමක් නෑ..... දැන් කාලේන ධම්ම සවණං කියල හිතාන ශ්‍රද්ධාවෙන් බණ අහන මේ උපාසක පිරිස පිටින් ම තමා ඒ තරහත් පිරිමහන්නෙ... නෑ මං මේ දරුවො වැරැද්දකට කියනවා නෙමේ. මේක තමා හැටිය. දැන් ඔය අටපිරිකරත් දීලා කීයක්ද මන්දා තවත් දෙන්න එපෑය. නායක හාමුදුරුවො කාතාව අහවර කළා.....

බ්ලොගයක් කළ හදියක්

2011-06-03T01:54:00.000-07:00

කාලෙකට පස්සෙ බ්ලොගින් කෙරුවාව ටිකක් පිළිවෙලකට පටා..........න් ගන්න කියලා හිතුවා. අවංකෙට ම ආපුහු හැරිලා බලද්දි බ්ලොග් ලියනවා කියන්නේ එල්ලුම් ගස් යන වැඩක්. මේක වගකීමෙන් නොකිරීමේ පාප කර්මයට මං දැන් කරගහලා තියෙන්නෙ. බ්ලොග් එකේ ලියන කියන හැම දේකට ම මං පුද්ගලිකව වගකියපු නිසා අහක යන ආයුබෝනුත් මගෙ ඇඟට හේත්තු වීමෙන් මං හාන්සි.... දැන් ඉතිං කනෝ කනෝ ගාන්නෙපා හරිය..? (මෙහෙම ලිව්වට ගෙදර ඇත්තො අමනාප වේද මන්දා?) කොහොමින් කොහොම හරි මගේ පරණ බ්ලොග් එක ටිකක් දූවිලි පිහිදාලා ගන්න හිතුනේ මං අල්ලපනල්ලේ අතඇරලා දාලා හිටියට ඒ බ්ලොගයට මං ආදරේ කරන නිසා. අනික සෙම් එකත් පටන් ගන්න නිසා වැඩ අල්ලන්න කාලෙ හරි කියල හිතුනා.

පහුගිය කාලෙ ඉතිං හරි හරි අලකලංචි සිද්ද වුනා. දැන් ඉතිං එන යකා කොරහත් බිඳන් ඇවිත් තියෙන්නේ... දන්න කස්ටිය දන්නවා කොයි වෙලෙත් ‍වළං ගැට්ට කරේ....???? කාරි නෑ මොකෝ මං විතරයැ විෂ්ණු දෙයියොත් බටකොළ කෑවය කියන්නේ??? (කොහොමත් හරි හුර‍තලේට එළදෙන්නුන්ට තණකොළ කවන්න මට පුළුවන්.)

සලාදය නිල වසයෙන් නැවතතලා පුංචි විජ්ජාවක් පෙන්නලා ඇවරි වැඩේ කරගත්තා කියලත් සමහරු චෝදනා කරනවා. කවුරු කොහොම කීවත් මමනේ දන්නෙ ඉතිං මට ඇදිච්ච ලොතරැයිය...??? අනේ ද කියන්නෙ. තව කිව්වොත් ප්රජා අයිතිය අහෝසි වෙන්න පුළුවන් නිසා මං නවතිනවා. සතුටින් කියන්න තියෙන්නෙ දැන් මට බර වාහන ලයිසන් තියෙනවා කියලයි.

අපි දැවැන්ත නාඩගමක් සූදානම් කළෙමු.

2011-02-20T13:27:00.001-08:00

ඇත්තට ම ඉස්කෝලෙ යන කාලෙ සත පහක් අතේ නැතුව Sponsorship හොයාගෙන චාටර් කාලා සද්ද දාලා මෙගා ඉවෙන්ට් කරපු අපි දැන් කැම්පස් ඇවිල්ලා මුකුත් නොකර ඉන්න එක ගැන අපේ න්‍යායාචාර්ය සිතුවම්ට ටිකක් මල පැනලා හිටියෙ. නෑ අපිත් වැඩක් විදියට මොකක් හරි කරමු. හරි අපි වෙල්කම් එකට Talent Show එකක් කරමු. කට්ටිය යෝජනා කළා. අපේ පුංචි පවුලේ ගිණුමේ රුපියල් හැට හැත්තෑ දාහක් තිබුණ නිසා වැඩේ අමාරු වෙන්නෑ. ඒක අපි බුක් මාර්ක් විකුණලා තව තව ජල්බරි දාල, හානි ඇගයුම් සමීක්ෂණ කරලා දාඩිය මහන්සියෙන් හොයපු මුදල් ඒවා වියදම් කරලා බෑ. කලෙක්ෂන් එකක් දාමු. මේක වෙල්කම් පාර්ටි එකනේ??? හා තීන්දුයි. අන්තිමේ දී අපේ කට්ටිය අනුන්ට දෙන වෙල්කම් එනෙක් පට්ට ආතල් එකක් ගත්තා.

අපේ වෙස් නැට්ටුවා අටුවා ගිනි සිසිල නටන්නත්, ටිලිනිත් එක්ක පූජා එකක් දෙන්නත් භාර ගත්තා. සමූහ නර්තනයක් සති ගානක් පුහුණු වෙන්න අරං එක ජෝගියක් නැටුවා. ගීත ගායනා, රොබා-ඇවරි බයිලා වාදයක්, එසැණ නිරූපණ, ආදී වැඩ කෝටියක්! තව එදාට දෙන්න ලස්සන ටෝකන් එකක් කරවන්න බාර දුන්නා. ළමයින්ට ගෙදර අරං යන්න විෂයට අදාල leaflets, booklets, guide books නොමිලේ ම සපයා ගත්තා. පොල්තෙල් පහන ඇතුළු ඩෙකෝ ඔක්කොම විස්ටා පළමු වසරට කන්ට්‍රැක්ට් දුන්නා. ලිනන් වලට මේස රෙදි දුන්නෙ අපේ බැච් එකේ ඉන්න හාමුදුරුවො. (පාංසකූලික සංඝගත දක්ෂිණා නොවේ) අන්තිමට නටන කපල්ස් වලට ඇඳුම් තෝරන්න වර්ධනේට ගිහින් අමු ම බුලක් කෙළියා. F&B ඕඩර් කළා. අපි කෝමත් කළේ දවසේ වැඩසටහනක්. උදේ 7-12 මැච් එක. සික්සයිඩ් එකක් ගහලා ඒකෙ අවසන් තරගයත් තියලා අභියෝගතා ශූරතාව කියලා අයියලා එක්ක තව එකක් ගැහුවා. ඕවර පහක් නිසා වෙලාව ඉතුරු වුන එකේ කාන්තා ක්‍රිකට් තරගයක් වෙන ම පැවැත්වුනා. ජීවිතේට බැට් එක්ක අතින් අල්ලල නැති නංගිලත් උනන්දුවෙන් සහභාගි වුනා. සවස 2-6 දක්වා පාර්ටි එක. රාත්‍රී 6-9 Guys Only Party එක්ක දුන්නා.

වැඩේ නැගලා ගියා. හැමදා ම පළමු වසර උන්ට සාරි අඳින්න කියන අපේ අය එදා ස්ව කැමැත්තෙන් සාරි ඇඳන් රිසෙප්ෂන් එකට ආවා. අපි සැලසුම් කළේ හෝටලයක්. අමුත්තන් පිළි අරං ආසන පනවල ටෝකන් දීලා වැඩේ පටන් ගත්තත් පුංචි පුංචි අවුල් ගියා. අපි පිස්සු කෙළින වෙලාවෙ පළමු වසර ඇත්ත ම කපල් එකක් අරං තුප්පොට්ටියක් අන්දලා කෙල්ලට කැන්ඩියන් අන්දලා ඡායාරෑප ගන්න අවස්ථාවක් දුන්නා. ඒකත් පිනක් නේ???

අපේ කස්ටිය කැපවීමෙන් වැඩ කළ නිසා ඩිපා එකෙත් මේ ගැන කතා වුනා. කවුරු මොනව කිව්වත් අපි සතුටු වෙනවා. අපිට තවත් කුජීත සංස්කෘතියක් වෙනස් කරන්න පුළුවන් වුනා. නවක සාදයෙන් බලාපොරොත්තු වෙන්නෙ නවකයන් හා මුසු වීම නම් අපි ඒක හරියට ම කලා. අන්තිම අංගය වුන discotheque එකට කලින් හීනියට Ballroom පාරක් දැම්මා. ‘ඕන නංගියෙක්ට කැමති අයියෙක් - හැම අයියට ම නංගියෙක්’ අනික් පැත්තට මල්ලිලට අක්කෙක්. අක්කලට කැමති මල්ලියෙක්. ඒ වැඩේ තීම් එක වුනා. ඒ couple dance එකේ දී කිසිදු සබකෝලයක් නැතුව අපේ පවුලෙ සාමාජිකයො එකට නැටුවා. දැන් උන් එක්ක ඕන වෙඩිමකට අපි ලෑස්තියි. අනිවා ලබන පාර නවක සාදය මීටත් හොඳ වේවි. ආයෙ කතා දෙකක් නෑ. හැබැයි අපිත් අපිට දුන්න හැන්දෙන් ම බෙදුව නම් මේ මොකුත් නොවෙන්න ඉඩ තිබුණා.

එසේ ය මහරජ!!!

2011-02-20T13:26:00.001-08:00

විද්‍යා පීඨයේ සහ වාණිජ හා කළමනාකරණ පීඨයේ මහාචාර්යවරුන්ගේ දැඩි විරෝධය මත දැන් සයිබාවෙ ශබ්ද විකාශන සඳහා අවසර ලබා දෙන්නෑ. යම් හෙයකින් එය අවශ්‍ය ම නම් ඒ සඳහා පීඨාධිපතිවරුන්ගේ නිසි අවසරය ලබා ගත යුතු වෙනවා. අපි ඒ සම්බන්ධ අභ්‍යන්තර චක්‍රලේඛනය ගැන දැනගත්තෙ අන්තිම මොහොතේ. ඒ වෙද්දි කරන්න දෙයක් නෑ. අනික් පැත්තෙන් දවස පුරා ම විකාශන කටයුතු සඳහා ආයතනයකට අත්තිකාරම් ගෙවා අවසානයි. අන්තිමේ දී විද්‍යා පීඨයේ පීඨාධිපතිතුමා හමුවුනේ අවසර ගන්න හිතාගෙන. වැඩේ කෙරෙන්නැති බව දැන දැනත් අපි ගියේ ඉතිං ආතල් එකට.

ඒකත් සම්මුඛ පරීක්ෂණයක් ම තමා. ඔන්න වෙලාව ආව ම අපි දෙන්නගෙන් මං ඇතුළට යනවා. හා මොකක්ද කාරණාව. සර් අපි අහවල් පීඨයෙන්. ආ... එහෙන් ද? ක්‍රිකට් මැච් එකක් ආ..... කෝ ඔය ලියුම?? මේ පුරාවිද්‍යා එකෙන් නේ??? ක්‍රිකට් කියන්නෙ සුද්දගෙ ක්‍රීඩාවක් ඔය පුරාවිද්‍යා එකෙන් වෙන මො‍කක් හරි ප්‍රදර්ශනයක් තියන්න. බැරි ම නම් අනුරාධපුරේට ගිහින් නටඹුන් ටිකක් පෙන්නන්න. මේ මැච් ගහන්න මොන වැඩ ද? මට දැන් ඉතිං හිනා. නෑ සර් මේ වෙල්කම් එකට පොඩි... හරි ඉතිං ආයුබෝවන් කියලා සිංහල සිරිතට පිළිගන්නනේ තියෙන්නෙ වෙන මොකක් ද? (මට ඒත් හිනා) නෑ දරැවො මේකයි. දැන් මේකට අනුමැතිය දුන්නොත් අපේ මෙහේ දේශන තියන්න බැරිවෙනවා. අපේ අයියලත් ඔතන ඇවිත් ජෝගියක් නැටුවොත් ආයෙත් විශ්ව විද්‍යාලෙ වහන්න වෙනව. තව ප්‍රශ්න ගොඩයි. හොඳයි කීයෙ ඉඳන් ද ඕක තියෙන්නෙ? හතයි තිහ එකොළහයි තිහ සර්. (ගත් කටට ම) හපොයි ඒ ඇති. එහෙනම් මං මේකෙ මිනිට් එක ගහනවා. ඒ කියන්නෙ සර් වැඩේ හරි ද? මොකක් ද? දැන් සර් කිව්වෙ අවසර දෙනවයි කියල? නෑ නෑ මං කිව්වෙ ඔයාට මේ වැඩේට අවසර ලැබෙන්නෑ කියලයි ලියන්න වෙන්නෙ කියලා. ආ...... ඒක මිසක් ඉතිං සර් ඒකෙ ලියන්න දෙයක් නෑනෙ??? ඒත් මේ ආර්ස්ට් එකෙන් ආපු කොල්ලෙක්ව හිස් අතින් යවන්නත් බෑනෙ??? කෝ බලන්න ‘මෙම කටයුත්ත සඳහා මාගේ විරෝධය ප්‍රකාශ කරමි.” හා දැන් ඉතිං ඕක වීසීට වුනත් යවන්න බැරියැ. මතක ඇතුව ඔෆිස් එකෙන් මගේ සීල් එක ගහන් යන්න. එහෙනම් යන්නම් සර්?? (ආපසු හැරී දොර වෙත ගියෙමි) නෑ නෑ පුතා අනිත් දොරෙන්. තෑන්ක් යූ සර්!!!!

නොයෙක් නොවෙක්!!

2011-02-20T13:24:00.000-08:00

පෙබරවාරි පළමු වැනිදා පූරි කන්න සෙට් වුනා. ඒ වැඩේ හින්දි දිනයේ අරමුදල් තර කිරීමේ ව්‍යාපෘතියක් හැටියටයි කෙරුණෙ. සෑහෙන්න ප්‍රතිචාර ලැබුණා. ඒත් පෙබරවාරි දෙවැනිදා කියන්නෙ අපි ඉතිහාසයක් වෙනස් කරපු දවසක්.

එදා අපේ විශේෂවේදී පළමු වසර නවක සාදය පැවති දිනය. අපි ගොඩක් පාඩම් ඉගෙන ගත්තු දවසක්. සාමාන්‍යයෙන් ජ්‍යෙෂ්ඨ සිසුන් විසින් තමන්ගෙ කණිටු විශේෂවේදීන් පිළිගැනීමට පුංචි සාදයක් දැමීම සිරිතක්. හැබැයි අපිට නම් ලැබුණෙ පච ම පච වෙල්කම් එකක්. අපේ අවුරුද්දෙ වෙල්කම් එක දවසට කළින් දා මං හිටියෙ යාපනේ ඉඳන් කොළඹ එන ගමන්. පහුවදා අප්පච්චිට ඥංඤුං ගාලා කොහොම හරි හවස පාර්ටියත් ආවට මොකෝ හරිම සවුත්තු වෙල්කම් එකක් තමා දුන්නෙ. අපිට බං බොලං බාසාවෙන් කතා කළා විතරක් නෙමෙයි සෙට් වෙන්නැති වැඩ කෝටියක් ඒකෙ තිබුණා.

බැචාලා කවුරුත් ඒ ගැන සතුටු වුනේ නෑ. අපි පහුවදා ම ජිම් එකේ දී අපි දෙන වෙල්කම් එක හොඳට ම කරමු කියලා කතා වුනා. ඇත්තට ම අපේ මිනිස්සුන්ට ඒ කුප්ප සංස්කෘතිය වෙනස් කරලා අලුත් දෙයක් කරන්න ඕනකම තිබුණා. අන්තිමේ දී දවස උදාවුනා. අපි සුහද ක්‍රිකට් තරගයක් සංවිධානය කළා. ඒක නම් ආර්ථික විද්‍යා අධ්‍යයන අංශයෙන් හොරකන් කරගත් උප සංස්කෘතික දෑවැද්දක් කියලා සමහරු කියාවි. ඒත් අපි කියන්නෙ 2011ට ආර්ථික විද්‍යා අධ්‍යයන අංශයට තමන්ගෙ නවක සාදයට සමගාමීව වාර්ෂිකව පවත්වන ක්‍රිකට් තරගය පැවැත්වීමට නොහැකි වී තිබියදී අපි සාර්ථකයි කියලයි. දැන් මාර්තු 02 වැනිදා French Club එක තවත් ක්‍රිකට් තරගයක් සූදානම් කරලා තියෙනවා.

ආ... මේ කැම්පස් එකේ ක්‍රිකට් මැච් එකක් කරද්දි මුලින් ම ජිම් එකෙන් අංක දෙක ක්‍රීඩාංගනය ලබා ගන්න අයදුම්පතක් පුරවන්න ඕන. පිති, බෝල, කඩුලු වගේ ම හතරේ සීමාව ලකුණු කිරීමට කඹත් ඔවුන් ලබා දෙනවා. සංවිධායකයන්ට තියෙන්නෙ ඒවා ගෙන්වා ගැනීම පමණයි. නමුත් අපිට තොප්පියක් වැටුණෙ මැච් එකට සවුන්ඩ්ස් ඉල්ලුවෙ නැති නිසා. ඒකත් පට්ට කතාව.

තෛපොංගල් ස්පෙෂල්

2011-02-20T13:17:00.001-08:00

අපේ කැම්පස් එකේ මුල් ම වතාවට ද කොහෙද තෛපොංගල් වෙනුවෙන් විශේෂ සැමරුමක් සූදානම් කරලා තිබුණෙ හින්දු ශිෂ්‍ය සංගමය විසින්. තෛපොංගල් කිරිබත් කියලයි ඒක බෙදා හැරියෙ. ඇත්තට ම සිංහල දෙමළ අවුරුද්දට සූරිය දෙවියන්ට පූජා කරන්න කිරිබත් හදන අපිට තෛපොංගල් වෙනුවෙන් කිරිබත් කන්න ආරාධනා කිරීම ගැන මං සතුටු වෙනවා. උදේ දේශනයකුත් කට් පාරක් දාලා මං යුනියට ජිම් එද්දි කට්ටිය කිරිබත් රහ බලනවා.

මාත් ඉතිං ගියා. හැබැයි මේ කටයුත්ත සිද්ධ වුනේ විද්‍යා පීඨය ආසන්නයේ නිසා අති මහත් බහුතරය මෙය අල එන්ටර්ටේට්මන්ට් එකක් කියලා ලේබල් කරන්න ගත්තා. ඒ විතරක් නෙමෙයි ඉන් පස්සෙ තෙල් බැම්ම ළඟ රැග් කළ පිරිස විසින් කිසිදු සමාජ විද්‍යා හෝ මානව ශාස්ත්‍ර ශිෂ්‍යයෙකුට පීඨය තුළට ‍කිරිබත් ගෙනයාම අවිධිමත් ආකාරයට තහනම් කරලා තිබුණා. මං ඒ කතාව දැනගෙන හිටියෙ නැති නිසා කංජයියා රාමනාදන් වගේ කිරිපිඩුත් අරං ෆැකල්ටියට ම ගියා අපේ කස්ටිය තමා එහි නිල ප්‍රවර්ධන කටයුතු සිදු කළේ. තුන් පාරක් ම අපි තෛපොංගල් කිරිබත් කෑවා. වැඩේ නැගලා ගියා.

එදා පාරෙ ගියපු මගේ බච්බන්කා දෝස්තානා කෙනෙක් වාහනේ නවත්වලා කිරිබත් කෑවා මතකයි. චානක සඳමාල් කියන බුවාව දැක්කෙ කල්ප කාලෙකට පස්සෙ. කොහොමින් කොහොම වුනත් අනේ ඉතිං දැන් ඉන්න වුන් ආගමටත් නැති, සංස්කෘතියකුත් නැති මහ ගන්ධබ්බ කාලකණ්ණි රැලක් කියලා බොහෝ දෙනා කතා වුනා.