Thursday, August 26, 2010

උපනෙත

උපනෙත කියන්නේ කැ.වි යේ නාට්‍ය හා ප්‍රතිබිම්බ කලා අධ්‍යයන ඒකකය මගින් සංවිධානය කරන කලා උළෙලට. ගිය පාර ප්‍රදර්ශනයටත් අපි ආවා.. ඒ අතින් මේ මං සහභාගි වූ දෙවන උපනෙත. සාමාන්‍යයෙන් කලා උළෙලක නම එකයිනේ... දැන් අපි හැමදාම තියන්නේ ‘බිහිදොර අබියස’ වගේ නමුත් මෙතන ප්‍රශ්නය වෙන්නේ උපනෙත කියූ පමණින් අපේ යුනි පීපලස්ගේ ඔළුකුහරයට මේ මොකා කියලා සෙන්ටර් නොවීමයි. අවම වසයෙන් උදේට-දවල්ට කන්න ජිම් එක ඉස්සරහින් කැන්ටිමට යන එකා අහනවා “මොකක්ද මේ ඇතුළේ තියෙන්නේ කියලා....”


මේ වගේ උදාහරණ නිසා මේ උපනෙත ටිකක් කඩිමුඩියේ කෙරුණ බව කියන්න ඕනෑ. පූර්ව ප්‍රචාරණ, පූර්ව ආරාධනා අවම වුනේ මේ නිසයි. නමුත් කාරි නෑ... කලාව මිනිස්සුන්ට එන්නත් කරන්න බෑනේ??? ඒ නිසා එන උන් ආවාවේ... දුලීකා ධර්මවර්ධන, නදිෂ්ක රණසිංහ, සංජීව දේවප්‍රිය, අසංක වීරසූරිය, රසික සූරසේන, චමින්ද සුදත් රත්නායක, ප්‍රභාෂ්වර නිශ්ශංක යන පිරිසගේ නිර්මාණ එකතුවක් තමා මෙහි තිබුණේ. ඇත්තට ම මේ ඒ අයගේ අවසන් වසර නිබන්ධනේ... සමහරු ඡායාරූප ප්‍රදර්ශනයක් කළා ම සමහරු කෙටි චිත්‍රපට  ඉදිරිපත් කරලා තිබුණා...කෙටි චිත්‍රපට තුනයි. සේයා රූ එකතු හතරයි. ඉතිං ඔබත් උපනෙත බලනවා නම් ඡායාරූප විතරක් බලලා හොඳයි කියලා එන්න එපා....!!! 

ප්‍රධාන ආරාධිත කුලපතිතුමා සහ ඕ ලෙවල් පේල් මහාචාර්යතුමා, ප්‍රනීත් අභයසුන්දර මහතා වැඩේ ආරම්භ කළා. (එතුමා කීර්තිමත් ආදි ආනන්දීයෙක් අපි ඉගෙනගන්න කාලෙදි ආපු දේශනයකදී තමන් කී පාරක් ද කොහෙද සාමාන්‍යපෙළ අසමත් වුනත් දැන් මහාචාර්යවරයෙක් බව කීවා මතකයි) වැඩේ ප්‍රශස්ත මට්ටමක තිබුණා. අර නදිෂ්ක හාදයගේ වැඩේ ටිකක් බරපතල වුනාට නැඟලා ගියා. හුඟක් දෙනා අර මොඩ්ලින් ඉටිරූප දිහා කල්ප කාලයක් අනිමිස ලෝචනයේ යෙදෙනවා බලන්න පුළුවං. ඒ දැකලා මට “රූපං ජීරති මච්චානං” කියලා ලොකු අකුරින් ලියලා ගහන්න හිතුනා. ඒ හාදයා ම තමා ‘තිදස’ නමින් ඒක පුද්ගල සේයා රූ දැක්මක් කළේ. ටිකක් වෙනස් ඩයලයක්. ගැඹුරට කියවන්න හුඟක්ම අමාරු චරිතයක් වුනත් මතුපිට කියවීමේදී සරලයි.  


මං ඇන්ටිගනී ඡායා එකතුවටත් කැමතියි. හිතන්න චලනය වන චරිත රඟපාද්දි කැමරාවට හසුකරගන්න එක අමාරුයි. මොකද අපි පරක්කු වුනොත් නළුවගේ අත බිම තියේවි?? ඒ නිසා සූක්ෂම ව්‍යායාමයක්. සංජීව අයියාගේ ශ්‍රමායික උපක්‍රම යොදා කළ නිර්මාණ එකතුවත් නියමයි. හුඟක් දුහුනන් එතැන නැවතිලා මේ රූපෙ ගන්නේ කෝමද? වගේ ප්‍රශ්න අහනවා දකින්න පුළුවං. ඒ අයට ටෙක්නික්ස් ඉගෙන ගන්න තම් නියම තැන. කෙටි චිත්‍තරපටි ගැන නම් මගෙන් අහන්න එපා... පළමු දවසේ ඒ එකක්වත් බලන්න බැරිවුනා. නමුත් ඒවගේ පෝස්ටර් කවර නම් අලුතාගේ ඩිසයින් නිසා උපරිම තත්ත්වයක තිබුණා. ලස්සනයි. හැබැයි Neither…nor  ආකෘතිය පටලවා ලියපු                           වචන ඛණ්ඩය ගැන විවේචන එල්ල වුනා. තිබුණ වැඩමුළුවේ නැට්ට හරියෙන් හොට දාන්න මට පුළුවන් වුනත් මං වඩාත් කැමති ම කෙටි චිත්‍රපටය වුනේ ‘සොඳුරු වසන්තය’ (ඇත්තට ම කිව්වොත් මං බැලුවේ එච්චරයිනේ?) නමුත් පවුඩට ඒක අන්තිමේ අර විශේෂ අවශ්‍යතා සහිත වැඩිහිටි කාන්තාවක් යොදා ගැනීම ප්‍රශ්නයක් වුනා. ආ.... මං එහි කතාව කීවේ නෑනේ??

සොඳුරු වසන්තය කියන්නේ ගුවන් විදුලි වැඩසටහනක් එහි කතානායකයා හා ඔහුගේ බිරිඳ වටා තමා කෙටි චිත්‍රපට කතාව ගෙතෙන්නේ. මේ නිවේදයා මුල් දවසේ හඳ ගැන කතා කරනවා. එහිදී හඳ ගැන ශ්‍රාවක අදහස් විමසනවා. තරුණ ගෑනු කටහඩක් තමන්ට පහළොස්වකට මතක් වෙන්නේ එහි නිවේදක කවිෂ්ක අයියා බවත් තමන් අවපස සඳක් බවත් කියනවා... නමුත් ඇය සනසන අටියෙන් නිවේදකයා ඇය පහළොස්වක සඳක් යැයි කියමින් අමරදේවගේ ‘පහළොස්වක සඳ පායනු වැන්නේ..’ ගීතය විකාශනය කරද්දී නිවසේ සිටින ඔහුගේ බිරිඳට ඇඩුම් එනවා. හවස ඔහු නිවසට ආවා ම ගෙදර අවුල්... දෙවනි දින ඔහුගේ මාතෘකාව ආදරය... දෙවැනි දින අර කාන්තාව දුරකථනය මගින් සම්බන්ධ වී නිහඩව ඉද්දි ඇයව හඳුනාගන්නා නිවේදකයා ඇගේ නමින් කතා කරනවා. ඇය කියන්නේ ඒ හඳුනාගැනීම තමන් ආදරය කරනා නිසා සිදුවූ බවයි. “ඒ කියන්නේ කටහඩ හඳුනා ගැනීමත් එක්තරා ආදරයක් කියන නිවේදකයා එදත් ලිස්සලා ගියත් ගෙදර යන ඔහුට තරුණ බිරිඳ රැකියාවට නොයන ලෙස ඉල්ලා සිටිනවා. “හරි ඔයා කියනවා නම් මං ප්‍රෝග්‍රෑම් එකට නොගිහින් ඉන්නම්. නමුත් අපි තත්වෙක ඉන්නේ ඔය ප්‍රෝග්‍රෑම් එක නිසා.....” ඔහුගේ වැඩසටහනට ලැබෙන තැපැල්පත් හොරෙන් කියවන බිරිඳ පහුවදා අර කාන්තාව සොයාගෙන ගියා ම එහි ඉන්නේ අර කලින් කිව්ව විදියේ තරුණියක්. පොරොන්දු වූ විදියට ම නිවේදක කවිෂ්ක එදා වැඩසටහනට යන්නෑ.... කාමරෙන් එළියට එද්දිත් අර කාන්තාව අඩලා. හේතුව ඇහුව ම කවිෂ්ක අයියා නැති නිසාලු. “හෙට කවිෂ්ක අයියා එයි” කියමින් ඇය සනසන තරුණ බිරිඳ ආපසු හැරීමෙන් කතාව චිත්තරපටිය නිම වෙනවා. එහි නිළිය නදීෂා හේමමාලි. කවිෂ්ක සනත් විමලසිරි. රඟපෑම නම් උපරිමයි. කතාව විශේෂ අමුත්තක් නැතත් රඟපෑම් එහි උත්කෘෂ්ටියක් මතු කරනවා. ලලිත් රත්නායක එහි අයිතිකරුවා බොහෝ ඇගයීමට ලක් වීම වැදගත් සිදුවීමක්...!! 

හා කියන්න ම වටින කාරණේ මේ සියලු අලකලංචි අස්සේ ‘අනේ මන්දා’ සරසවි පීරිසි තට්ටු හයක් සහ බාල්දියක් රහසේ ම ගෙදර ගෙනියන්න ගිහින් ආරක්ෂක අංශ වලින් පරීක්ෂාවට ලක්වීමයි. (දෑවැද්දට හොරකම් කළා කියලයි ඇය කිව්වේ) මේ අතරේ අපේ පැපරාසි කැමරා වැඩ කරපු නිසා මූණ වහගෙන හිටියත් සමහරුන්ව කාච වල සටහන් වුනා. (බලන්න මේ කවුද කියලා) අර කෑම මේස එහා පැත්තේ ගත්ත හයි ඈන්ගල් ෂොට් එක ගැන නම් මුකුත් කියන්න බෑ....!!               

 

 

 

 

1 comment:

  1. apahasa naduwak file gatha karanna wei wage... (boru choodana walata)

    ReplyDelete

ඈවරයි දෑවරයි.... කොටන්නට අවසරයි.....